Pɔɔlo Kɛlata mɔɔ ɔhɛlɛle ɔhɔmanle Felepaema la 1:27 - BAEBOLO ANZƐƐ BULUKU NWUANZANWUANZA

²⁷ Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27 Cross References

1 Edk 19:12

Dwowabe zele kɛ, “Saa bɛnwu kɛ Seleama asa ɛlɛkomo me nwo zo a, bɛraboa me; saa medame menwu kɛ Amɔnoma asa ɛlɛkomo bɛ nwo zo a, mebaraboa bɛ.

Edwɛndolɛ Buluku ne 122:3

Gyɛlusalɛm mɔɔ bɛkyekye ye suakpole na ɔle kpondekponde.

Edwɛndolɛ Buluku ne 133:1

Bɛnlea kɛ ɔsi ɔle kɛnlɛma nee kpalɛ, kɛ mediema kɛbɔ nu kɛdɛnla koyɛlɛ nu!

Mrɛlɛbulɛ Buluku ne 22:23

ɔluakɛ Ɛdɛnkɛma bali ye edwɛkɛ amaa ye na yeazɛkye bɛdabɛ mɔɔ bɛsɛkye menli mɔɔ ehyia la ɛbɛlabɔlɛ la.

Gyɛlɛmaya Buluku ne 32:39

Mebamaa bɛ adwenle ayɛ ko, bɛ adenle ayɛ ko, amaa bɛazulo me dahuu wɔ bɛdabɛ mumua ne nee bɛ mra mɔɔ li bɛ nzi la kpalɛyɛlɛ ti.

Edwɛkpa ne kɛmɔ Mateyu hɛlɛle la 12:25

Gyisɛse nwunle bɛ adwenle la, ɔzele bɛ kɛ, “Maanle biala mɔɔ anu kɛhyɛ nwiɔ na bɛko bɛtia bɛ nwo la ɛngyinla, yɛɛ sua anzɛɛ abusua biala mɔɔ anu kɛhyɛ nwiɔ na bɛko bɛtia bɛ nwo la ɛngyɛ na yeabɔ.

Ɛzoanvolɛma Gyima ne 2:46

Kenle biala bɛyia nu wɔ Ɛzonlenlɛ Sua ne anu bɛyɛ nzɛlɛlɛ, bɛbɔ nu bɛdi debie wɔ koyɛlɛ nu,

Ɛzoanvolɛma Gyima ne 24:24

Kenle ekyi guale nu la Filekese nee ɔ ye Dulusela mɔɔ le Dwuunli la rale. Ɔzoanle ɔmanle bɛhɔvale Pɔɔlo na ɔmanle ɔhanle diedi wɔ Gyisɛse Kelaese anu anwo edwɛkɛ ɔmanle ɔdiele bie.

Ɛzoanvolɛma Gyima ne 4:32

Diedima ne amuala lile ahua wɔ ahonle nee adwenle nu. Bɛ nuhua biala anva ye debie biala ambɔ ye ɛbolɛ na bɛ nee bɛ gɔnwo mɔ hyɛle debie biala mɔɔ ko lɛ ye la.

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Wulo 1:5

Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.

Wulo 1:9

Nyamenle ne mɔɔ medua ɔ Ra ne anwo Edwɛkɛ Kpalɛ ne nolobɔlɛ zo mefa me ahonle muala mesonle ye la di me daselɛ kɛ mɔɔ melɛka la le nɔhalɛ. Nyamenle ze kɛ dahuu mekakye bɛ

Wulo 10:8

Mɔɔ ɔka la a le ɛhye, “Nyamenle edwɛkɛ ne ɛbikye bɛ, ɔla bɛ nloa na ɔwɔ bɛ ahonle nu,” na yemɔ a le diedi nwo edwɛkɛ ne mɔɔ yɛbɔ ye nolo yɛkile bɛ la.

Wulo 15:16

kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

Wulo 15:29

Meze kɛ saa menyia mebadwu bɛ nwo lɔ a, Edwɛkpa ne nolobɔlɛ ne bava Kelaese anu nyilalɛ dɔɔnwo arɛlɛ bɛ.

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

2 Kɔl 13:11

Mediema, akee mewie, mebiza bɛ ahye. Bɛhakyi bɛ subane; bɛli me folɛdulɛ ne mɔ azo, bɛmaa bɛ nloa ɛzɛ bɛ nwo na bɛdɛnla anzonudwolɛ nu. Na ɛhulolɛ nee anzonudwolɛ Nyamenle ne nee bɛ badɛnla.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

2 Kɔl 9:13

Bɛ ɛzonlenlɛ gyima ɛhye kile bɛ diedi mɔɔ bɛlɛ la. Ɔlua zo menli dɔɔnwo ye Nyamenle ayɛlɛ kɛ bɛdi Kelaese anwo Edwɛkpa ne mɔɔ bɛlie bɛdo bɛ nwo zo la azo, na bɛ nee awie biala kyɛ nyilalɛ mɔɔ bɛnyia ye la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:7

Nɔhalɛ, Edwɛkpa fofolɛ bieko ɛnle ɛkɛ mɔɔ vi Nyamenle ɛkɛ, kɛ mɔɔ meha mehile bɛ la ala. Menwu kɛ awie mɔ ɛlɛgyegye bɛ azɛkye bɛ adwenle, na bɛahakyi Edwɛkpa ne mɔɔ fane Kelaese anwo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:13

Bɛdabɛ noko, kɛmɔ bɛdele nɔhalɛ edwɛkɛ ne, mɔɔ le Edwɛkpa ne mɔɔ vale ngoanelielɛ rɛlɛle bɛ, na bɛliele Kelaese bɛlile la ati, Nyamenle vale ye Sunsum Nwuanzanwuanza ne, mɔɔ ɔvale ɔbɔle ɛwɔkɛ la ɔmanle bɛ, ɔvale ɔyɛle bɛ nzonlɛ kɛ bɛle ye menli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:15

Zɔhane ati sumunli kɛ mendele bɛ nganeɛ kɛ bɛlie Awulae Gyisɛse bɛli, nee bɛ ɛhulolɛ mɔɔ bɛlɛ ye wɔ Nyamenle menli muala anwo la,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:5

wɔ moalɛ mɔɔ bɛva bɛboa me wɔ Edwɛkpa ne anwo gyimalilɛ nu, ɔvi mɔlebɛbo ne amuala toonwo mɔɔ ɛradwu ɛnɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:12

Zɔhane ati ayi mɔ, kɛmɔ bɛlile me edwɛkɛ zo wɔ mekɛ mɔɔ ɛnee me nee bɛ de la, ɔhyia ɛsesebɛ kɛ akee bɛkɛyɛ ye zɔhane kɛkala mɔɔ me nee bɛ ɛnde la. Bɛva ɛzulolɛ nee anwowozolɛ bɛli bɛ ngoanelielɛ ne anwo gyima bɛhɔ awieleɛ,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:24

Me rɛle wɔ Awulae anu kɛ ɔnrɛhyɛ biala na medame mumua ne meara bɛ nwo lɔ.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:18

Ɔluakɛ dahuu meka, yɛɛ ɛnɛ noko melɛ nyanelilɛ melɛsi zolɛ a: menli dɔɔnwo wɔ ɛkɛ mɔɔ bɛ ɛbɛlabɔlɛ ne ɛmaa bɛyɛ Kelaese meanubaka ne azo ewule ne anwo agbɔvolɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:20

Yɛmɛ, yɛ nzi maanle wɔ anwuma. Ɛkɛ ne yɛɛ yɛ nye la kɛ yɛ Dievolɛ Awulae Gyisɛse Kelaese vi bara a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:1

Zɔhane ati, me mediema kulovolɛma, mɔɔ me nwo dɔ bɛ a, me ahyɛlɛdeɛ mɔɔ me nye die bɛ nwo, na mefa bɛ metu me nwo a! Mediema kpalɛ, bɛgyinla kpundii kɛ bɛle Kelaese ɛdeɛ.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

Kɔlɔ 1:4

Ɔluakɛ yɛde kɛ bɛliele Kelaese Gyisɛse bɛlile la, bɛnyia ɛhulolɛ wɔ Nyamenle menli ne anwo,

1 Tɛs 3:6

Kɛkala, Temɔte vi bɛ nwo lɔ ɛzia ɛra yɛ nwo ɛke, na yeva amaneɛ fɛlɛko mɔɔ fane bɛ diedi nee ɛhulolɛ nwo la yerabɔ yɛ. Yeha yehile yɛ kɛ dahuu bɛdwenle yɛ nwo adwenle kpalɛ, yɛɛ bɛ nwo dɔ yɛ, kɛmɔ yɛdayɛ yɛ nwo dɔ bɛ la.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

1 Tem 1:11

Ngilehilelɛ ɛhye mɔ wɔ Edwɛkpa ne mɔɔ anyunlunyia nee saleɛ Nyamenle ne ɛva ɛwula me sa nu kɛ membɔ ye nolo la anu.

1 Tem 1:19

na nyia diedi nee adwenle kpalɛ mɔɔ anu te la. Menli ne bie mɔ ɛminli bɛ diedi, ɔluakɛ bɛnlɛ adwenle kpalɛ mɔɔ anu te a.

2 Tem 4:7

Meho konle kpalɛ ne, mewie ɛnriandilɛ ne su, meli me ɛwɔkɛ zo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:10

Bɛmmayɛ awule ndɛbandɛba biala. Ɔwɔ kɛ dahuu bɛkile kɛ bɛle kpalɛ, bɛdi nɔhalɛ, amaa ngilehilelɛ ne mɔɔ fane Nyamenle yɛ Ngoanedievolɛ ne anwo la ayɛ nvasoɛ wɔ debie biala mɔɔ bɛyɛ la anu.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:5

Ɔluakɛ mete wɔ ɛhulolɛ mɔɔ ɛlɛ ye wɔ Nyamenle menli ne anwo nee diedi mɔɔ ɛlɛ ye wɔ Awulae Gyisɛse anu la nganeɛ.

Gyemise Kɛlata ne 3:18

Menli mɔɔ kpondɛ anzonudwolɛ na bɛdua anzonudwolɛ nu la bu tenleneyɛlɛ bɛyɔba.

2 Pit 3:11

Na saa bɛbazɛkye ewiade ye amuala wɔ adenle zɛhae anu a, ɛnee bɛdabɛ bɛnea a duzu menli a ɔwɔ kɛ bɛyɛ a? Ɔwɔ kɛ bɛyɛ menli mɔɔ bɛ ɛbɛla nwo te saanwu na bɛtu bɛ nwo bɛmaa Nyamenle,

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.