Pɔɔlo Kɛlata mɔɔ ɔhɛlɛle ɔhɔmanle Felepaema la 1:17 - BAEBOLO ANZƐƐ BULUKU NWUANZANWUANZA

¹⁷ Bɛdabɛ mɔɔ bɛha la, bɛmbɔ Kelaese anwo nolo ne nɔhalɛ nu, bɛbɔ ye manzonlehwenlɛ nu, na bɛdwenle kɛ bɛyɛ ye zɔhane na bɛamaa me nwo ahyele me wɔ efiade ɛke.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:17 Cross References

Edwɛkpa ne kɛmɔ Luku hɛlɛle la 21:14

Bɛzie bɛ adwenle koonwu, bɛmmadwenle mɔɔ bɛbaha bɛalie bɛ nwo la anwo;

Ɛzoanvolɛma Gyima ne 22:1

“Ayi mɔ, mediema nee egya mɔ, bɛyɛ ɛnzonlɛ bɛdie me bɛmaa menza me ne mengile bɛ!”

Ɛzoanvolɛma Gyima ne 26:1

Belemgbunli Agelepa zele Pɔɔlo kɛ, “Ɛlɛ adenle ɛsa ɛ ne.” Na Pɔɔlo manle ɔ sa zo na ɔzale ɔ ne kɛ:

Ɛzoanvolɛma Gyima ne 26:24

Mɔɔ Pɔɔlo anloa wɔ zolɛ ɔlɛka edwɛkɛ ne la, Fɛsetɛse deanle ye nu zele kɛ, “Pɔɔlo, wɔzɛ! Ɛdoa nwomazukoalɛ dedee ɛlɛbɔ ɛlane.”

Wulo 2:8

Bie mɔ noko le angomedi, bɛkpo mɔɔ le nɔhalɛ la na bɛdi ɛtane nzi. Bɛ nwo zo yɛɛ Nyamenle bawola ye ɛya kpole ne agua a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:18

Ɔnle debie! Medi nwolɛ fɛlɛko, ɔluakɛ saa bɛlɛ adwenle kpalɛ o, saa ɛtane o, Kelaese anwo nolo ala a bɛbɔ a. Ɛhɛe, yɛɛ eza mebahɔ zolɛ meali fɛlɛko,

Pɔɔlo Kɛlata mɔɔ ɔhɛlɛle ɔhɔmanle Felepaema la 1:7

Medwenle bɛ nwo somaa! Na ɔle kpalɛ noko kɛ melɛ bɛ nwo adwenle zɛhae a, ɔluakɛ wɔ me efiadenla nu nee Edwɛkpa ne nolobɔlɛ nee ye ɛgyinlalɛ nu, me nee bɛ yɛ muala a yɛnyia Nyamenle ɛlolɛ ne a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

1 Tem 2:7

Ɛhye ati yɛɛ ɔyɛle me ɛzoanvolɛ kɛ menga na mengilehile bɛdabɛ mɔɔ bɛnle Dwuuma la nɔhalɛ diedi ne a. Membɔ adalɛ, nɔhalɛ ne a melɛka la!

2 Tem 2:9

Na Edwɛkpa ɛhye ati yɛɛ melɛnwu amaneɛ na bɛgua me nwɔnzɔnwɔnzɔ kɛ asɛɛ medo mɛla bie la. Nyamenle edwɛkɛ ne ɛdeɛ bɛtɛguale ye nwɔnzɔnwɔnzɔ.

2 Tem 4:16

Awie biala angyinla me nzi wɔ alumua ne mɔɔ mekaza me ne wɔ edwɛkɛlilɛ ne anu la. Bɛ muala bɛkpole me. Mesɛlɛ kɛ Nyamenle ɛva ɛhyɛ bɛ.