Biblia Todo Logo
Online Bible

- Advertisements -




Pɔɔlo Kɛlata mɔɔ ɔhɛlɛle ɔhɔmanle Felepaema la 1:15 - BAEBOLO ANZƐƐ BULUKU NWUANZANWUANZA

15 Ɔle nɔhalɛ kɛ bie mɔ fa akpule nee aholazilɛ a bɔ Kelaese anwo nolo ne a, yɛɛ bie mɔ noko lɛ adwenle kpalɛ.

See the chapter Copy




Pɔɔlo Kɛlata mɔɔ ɔhɛlɛle ɔhɔmanle Felepaema la 1:15
22 Cross References  

Bɛyɛ bɛ ninyɛne kɔsɔɔti wɔ menli nye zo. Bɛdabɛ bɛnlea kɛ bɛ abɔtile ne mɔ si de mgbole na bɛhɛlɛhɛlɛ Nyamenle Edwɛkɛ wɔ nu, mɔɔ bɛbɔ a ɛnee ɔgua bɛ nwoma azo a; nee bie noko mɔɔ wɔ tabule nu mɔɔ bɛgua ye bɛ sa zo la mgbole kɛ si de la. Eza bɛnlea bɛ adɛladeɛ ne mɔ anloa, kɛ bɛzi bɛyɛ bɛ sosɔkpɔɔ la.


Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.


Diedima ne bie mɔ mɔɔ vi Saepelɛse nee Saelin la noko hɔhanle Edwɛkpa ne wɔ Anteɔko hilele bɛdabɛ mɔɔ bɛnle Dwuuma la.


Yemɔti dahuu bɛhɔle Ɛzonlenlɛ Sua ne anu nee azua nu bɛhilehilele na bɛbɔle Edwɛkpa ne mɔɔ fane Gyisɛse anwo la nolo kɛ yemɔ a ɔle Mɛzaya ne a.


Na Felepe bɔle ɔ bo wɔ Nyamenle Edwɛkɛ ɛhye azo, na ɔhanle Edwɛkpa ne mɔɔ fane Gyisɛse anwo la ɔhilele ye.


Felepe hɔle Samɛlea suakpole bie azo hɔhanle Mɛzaya ne anwo edwɛkɛ hilele menli mɔɔ wɔ ɛkɛ ne la.


na ɔhɔle nyianu azua ne mɔ anu ɔhɔbɔle nolo kɛ Gyisɛse, “Yemɔ a ɔle Nyamenle Ara ne a.”


Bie mɔ noko le angomedi, bɛkpo mɔɔ le nɔhalɛ la na bɛdi ɛtane nzi. Bɛ nwo zo yɛɛ Nyamenle bawola ye ɛya kpole ne agua a.


Na yɛmɛ, yɛbɔ Kelaese meanubaka ne azo ewule ne mɔɔ maa Dwuuma tu koti na ɔle ɛzɛlɛ edwɛkɛ ɔmaa bɛdabɛ mɔɔ bɛnle Dwuuma la nolo;


Saa mefa me nwo ninyɛne muala mekyɛ ehyianvolɛma na mefa me sonlabaka ye memaa kɛ bɛyela ye, na menlɛ ɛhulolɛ a, nvasoɛ biala ɛnle zolɛ.


Ɔluakɛ Gyisɛse Kelaese mɔɔ le Nyamenle Ara ne, mɔɔ me nee Seleveenɛse nee Temɔte yɛbɔle ɔ nwo edwɛkɛ ne nolo yɛhilele bɛ la, ɛnle “Ɛhɛe” nee “Kyɛkyɛ” sonla. Ɔle Nyamenle nu “Ɛhɛe”;


Menli zɔhane mɔ le ɛzoanvolɛma alane mɔɔ adalɛ gyima a bɛyɛ a; bɛhakyi bɛ nwo kɛ asɛɛ bɛle Kelaese ɛzoanvolɛma!


Mesulo ɔ nzi kɛ meba a menwɔrado bɛ wɔ adenle bie anu mɔɔ menrɛhulo a, anzɛɛ bɛdabɛ noko bɛkɛnwu me wɔ adenle bie anu mɔɔ bɛnrɛhulo a. Mesulo kɛ mebarado bɛ nee butulelilɛ, nungule ɛhwenlɛ, ɛya mgbole ɛvalɛ, angomedi, aholoba ɛbɔlɛ, nzekuebɔlɛ, mgbanyizonle ɛyɛlɛ, yɛɛ basabasayɛlɛ nu.


Yɛmbɔ yɛdayɛ yɛ ngome yɛ nwo nolo; yɛbɔ Gyisɛse Kelaese anwo nolo kɛ ɔle Awulae, yɛɛ Gyisɛse ati yɛmɛ yɛle bɛmɛ bɛ sonvolɛma.


Ɛnee adalɛma bie mɔɔ ɛyɛ bɛ nwo kɛ bɛdie Kelaese bɛdi la ɛpele ɛpe adenle bie azo ɛra ayia ne bie. Menli ɛhye mɔ rale kɛ bɛbanlea kɛ yɛmɛ mɔɔ yɛdie Kelaese Gyisɛse yɛdi la yɛ nwo ɛzi ɛdɔ yɛ la. Bɛ adwenle a le kɛ bɛmaa yɛazia yɛayɛ ahanra wɔ Dwuuma mɛla ne abo,


Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.


Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu


Follow us:

Advertisements


Advertisements