ᐱᓕᐱᔭᓇ 4:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᑲᐎᔾ ᒐᒂᓐ ᒋᑭ ᐅᒋ ᒥᑯᔅᑲᑕᔨᑎᒥᐃᑯᐅᓇᐛᐤ᙮ ᐃᔭᐱᒡ ᒥᓯᐛ ᑕᓐ ᒐ ᐊᑎ ᐃᔅᐱᔪᐛᒂ ᐊᔭᒥᐊᒄ, ᐊ ᐛᐎᑎᒧᐛᒄ ᒋᓴᒪᓂᑐᐤ ᒐᒂᔪᐤ ᐊ ᐃᓯ ᓂᑐᐛᔨᑎᒧᐛᒄ᙮ ᑭᔭ ᒋᐸ ᓂᓇᔅᑯᒪᐛᐤ᙮

ᐱᓕᐱᔭᓇ 4:6 Cross References

ᑎᐱᑦ ᐅᓂᑭᒧᐅᓇ 51:15

ᐅ ᑎᐸᔨᒋᒐᓱᐤ, ᐸᔅᒋᑕᓇ ᓂᑐᓐ; ᐊᑯ ᓂᑐᓐ ᒐ ᐛᐸᑎᔨᐛᒥᑭᒡ ᒋ ᒪᒥᒋᒥᑯᓯᐅᓐ᙮

ᑎᐱᑦ ᐅᓂᑭᒧᐅᓇ 55:17

ᐊ ᐅᑕᑯᓯᒡ, ᑭᔭ ᐊ ᒐᒋᓴᐸᔭᒡ, ᑭᔭ ᐊ ᐊᐱᑕᒋᓯᑲᒡ, ᓂᑭ ᐊᔭᒥᐊᓐ, ᑭᔭ ᓂᑭ ᒋᔄᐛᑕᑈᓐ, ᒋᑭ ᓂᑐᑎᒻ ᒪᒃ ᓂ ᐸᑕᑯᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 55:22

ᐱᔅᑎᓂᒧᐤ ᒋ ᐎᐅᓱᓂᔪᐤ ᑎᐸᔨᒋᒐᓱᐤ, ᒋᑭ ᓴᓯᑐᓂᒄ ᒪᒃ᙮ ᓇᒪ ᓂᑕ ᒋᑭ ᓇᐊᔨᒪᐤ ᐅᑯᐃᔅᑯᑕᑎᓯᐛ ᒐᒋ ᐊᒋᐸᔨᐊᑭᓄᐎᔨᒋ᙮

ᑎᐱᑦ ᐅᓂᑭᒧᐅᓇ 62:8

ᒪᒥᓯᑐᑕᐧᒄ ᑲᒋᒡ; ᒋᔨᐛᐤ ᐃᔨᑐᒄ, ᓯᒋᓇᒧᐛᐧᒄ ᒋᑕᐃᐛᐛ: ᒋᓴᒪᓂᑐᐤ ᒋᓇᑕᓯᒧᐅᓇᓄᐤ᙮

ᒪᑎᔪᐤ 10:19

ᐃᔅᐱ ᒪᒃ ᐱᑎᑲᐃᑯᔭᒂ ᐊᓐᑕ, ᐊᑲᐎᔾ ᐊᔨᒪᔨᑎᒧᒄ ᑕᓐ ᒐ ᐃᔅᒋᔄᔭᒄ, ᐛᔅ ᐃᔅᐱ ᐅᑎᒋᐱᔨᒐ ᐊᓐ ᒐ ᐃᑐᑕᑯᔭᒄ ᒋᑭ ᒥᔨᑯᓇᐛᐤ ᑕᓐ ᒐ ᐃᔅᒋᔄᔭᒄ᙮

ᒪᑎᔪᐤ 13:22

ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊᓐᑕ ᐊ ᑎᑯᓂᔨᒋ ᑲ ᑲᓱᑕᐛᔅᑯᒋ ᓂᐱᓯᔭᑎᑯᒡ, ᐊ ᐊᑎ ᓂᑕᐅᒋᑦ ᒪᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐃᔪᒡ ᑲ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᓂᔭ ᓇᔅᒡ ᐊ ᒥᑯᔅᑲᒋᑕᒡ ᐊᔅᒋᔪᐤ ᒐᒂᔪᐛ ᑭᔭ ᓇᔅᒡ ᒥᒄ ᐊ ᐎ ᐅᓱᓇᔭᓂᒥᒡ ᐊ ᐃᑎᒡ ᑭᔭ ᐱᓯᒄ ᐊ ᒧᔅᑕᓇᒡ ᒐᒂᔪᐛ ᒐᒋ ᐊᔭᒡ ᐊᔪᐅᒄ ᐅᔭ ᒐᒃ ᐛᒋ ᓂᓱᐅᓇᑎᓂᔨᒡ ᐅᑕᑈᑎᒧᐅᓄᐛᐤ᙮ ᐊᑯ ᒪᒃ ᓇᒪ ᒋ ᒥᓂᓱᐎᒡ ᐅᐱᒪᑎᓯᐅᓄᐛᒡ᙮

ᒪᑎᔪᐤ 6:34

ᐊᑲᐎᔾ ᐊᔨᒪᔨᑎᒧᒄ ᑕᓐ ᒐ ᐃᔅᐱᔨᒡ ᒐ ᐛᐸᒡ, ᐛᔅ ᒐ ᐛᐸᒡ ᒋᑭ ᐊᔨᒪᔨᑎᒧᒥᑭᓐ᙮ ᐛᔅ ᓴᔅ ᐃᔅᐱᔪᐤ ᑕᓐ ᒐ ᐃᓯ ᐊᔨᒪᔨᑎᒥᓐ ᐊᓄᒡ᙮”

ᒪᑎᔪᐤ 6:8

ᐊᑲᐎᔾ ᓂᔅᐱᑐᐛᐧᑯᒡ ᐅᒡ᙮ ᐛᔅ ᒍᑕᐎᐛᐤ ᒋᔅᒐᔨᑎᒻ ᓴᔅ ᑕᓐ ᐊ ᐃᓯ ᓂᑐᐛᔨᑎᒪᒄ ᐊᒺᔭ ᑯᒂᒋᒪᒄ᙮

ᓗᒃ 10:41

ᐅᑎᐸᔨᒋᒐᐛ ᒋ ᐃᑎᑯᐤ, “ᒪᕐᑕ, ᒪᕐᑕ, ᓇᔅᒡ ᐊ ᒥᑯᔅᑲᑕᔨᑎᒥᐃᑯᔨᓐ ᒥᒐᑦ ᒐᒂᔪᐛ᙮

ᓗᒃ 12:22

ᐊᑯ ᒋᓴᔅ ᐊᑕᑦ ᐅᒋᔅᒋᓄᐊᒧᐛᑭᓇ, “ᐊᐅᒄ ᒪᒃ ᐅ ᐛᒋ ᐃᑎᑎᑯᒡ ᒐ ᐊᑲ ᒋ ᒥᑯᔅᑲᑕᔨᑎᒪᒄ ᒥᒋᒻ ᑕᓐ ᓇᑐᐛᔨᑎᒪᒄ ᒐᒋ ᐅᒋ ᐱᒪᑎᓯᔭᒄ ᒪᒃ ᑭᔭ ᒐᒂᓐ ᒐ ᒋᔅᑭᒪᒄ᙮

ᓗᒃ 12:29

“ᐊᑲᐎᔾ ᒪᒃ ᒧᔅ ᒋᑭ ᐅᒋ ᒪᒥᑐᓇᔨᑎᒥᐃᑯᓇᐛᐤ ᒐᒂᓐ ᒐ ᒥᒋᔭᒄ ᑭᔭ ᒐᒂᓐ ᒐ ᒥᓂᔭᒄ᙮

ᓗᒃ 18:1

ᒋᓴᔅ ᒋ ᐎᑎᒧᐛᐤ ᐅᒋᔅᒋᓄᐊᒧᐛᑭᓇ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒐᒋ ᐅᒋ ᒋᔅᒐᔨᑎᒥᔨᒋ ᒧᔅ ᒐᒋ ᐊᔭᒥᐊᔨᒋ, ᑭᔭ ᒐ ᐊᑲ ᒋ ᑕᔅᑎᑲᒋᔨᒋ᙮

ᓗᒃ 18:7

ᓇᒪᐎᔾ ᐊ ᒪᒃ ᐊᑐᐎᔅ ᒋᓴᒪᓂᑐᐤ ᐎᐱᒡ ᒋᑭ ᐎᒋᐊᐤ ᐊᓂᔭ ᐅᑦ ᐃᔨᒪ ᒧᓯᓇᐤ ᑲ ᐊᔭᒥᐊᔨᒋ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᐊ ᓂᑐᑎᒪᑯᑦ ᒐᒋ ᒋᔅᐸᐛᑕᑦ ? ᑕᐸ ᒋᑭ ᐅᒋ ᑕᔅᑎᑲᒋᐤ ᒐᒋ ᒋᔅᐸᐛᑕᑦ᙮

1 ᑯᕆᓐᑎᔭᓇ 7:21

ᐊᐱᒋᐊᑭᓐ ᑲ ᐃᑕᐱᒋᐃᑯᔨᓐ ᐃᔅᐱ ᑲ ᐱᒪᒋᐅᔨᓐ ᐊᑲᐎᔾ ᒐᒂᓐ ᐃᑕᔨᑕ᙮ ᒥᒄ ᒪᒃ ᒥᔪᐱᔨᒐ ᐊᑲ ᐊᑯ ᒐᒋ ᐅᑦ ᐊᐱᒋᐊᑭᓂᑐᑕᑯᔨᓐ ᑭᑈ ᒐᒋ ᐅᑎᓂᒥᓐ ᐊᓐ ᐃᓯ ᓇᐃᐱᔨᒐ᙮

1 ᑯᕆᓐᑎᔭᓇ 7:32

ᒥᓯᐛ ᐅ ᓂᑦ ᐃᔅᒋᔄᓐ ᐊᑲ ᓂᑐᐛᔨᒥᑎᑯᒡ ᒐᒋ ᐊᔨᒪᔨᑎᒪᒄ᙮ ᐊᑲ ᑲ ᓂᐳᐅᑦ ᓇᐸᐤ, ᐃᐛᒃ ᐃᑕᔨᑎᒥᐃᑯᐤ ᑕᓐ ᐊ ᐃᓯ ᓂᑐᐛᔨᒥᑯᑦ ᒋᓴᒪᓂᑐᐤ ᒐᒋ ᐃᑎᑦ᙮

2 ᑯᕆᓐᑎᔭᓇ 1:11

ᒋᔨᐛᐤ ᒪᒃ ᑭᔭ ᒋᑭ ᒋ ᐎᒋᐃᓇᓐ ᐊ ᐊᔭᒥᐊᔅᑎᒧᔭᒡ᙮ ᐅ ᒪᒃ ᑎᔭᒂ ᐸᑎᒪ ᒋᑭ ᓄᑯᓐ ᑕᓐ ᒐ ᐃᓯ ᓱᐛᔨᒥᔨᒥᑦ ᒋᓴᒪᓂᑐᐤ᙮ ᐊᑯᑕ ᒪᒃ ᒐ ᐅᒋᐱᔨᒡ ᒥᒐᑦ ᐊᐛᓐ ᒐ ᓂᓇᔅᑯᒪᑦ ᒋᓴᒪᓂᑐᐛ᙮

ᐃᐱᓯᔭᓇ 5:20

ᒧᔅ ᓂᓇᔅᑯᒪᐧᒄ ᒋᓴᒪᓂᑐᐤ ᒍᑕᐎᓄᐤ ᒥᓯᐛ ᒐᒂᔪᐤ ᑕᓐ ᐊ ᐊᑎ ᐃᔅᐱᔨᒡ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᐅᒡ᙮

ᐃᐱᓯᔭᓇ 6:18

ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ᑕᑈᑕᒡ᙮

ᑯᓚᓯᔭᓇ 3:15

ᐱᔅᑎᓂᒧᒄ ᐊᓐ ᒋᔭᒪᔨᑎᒧᐅᓐ ᙭ ᑲ ᒥᔨᑕᒄ ᒐᒋ ᐃᑐᑕᑯᔭᒄ ᒐᒋ ᐎᔭᔨᑎᒪᒄ ᑕᓐ ᒋᐸ ᐊᑎ ᐃᑎᓇᐛᐤ᙮ ᐛᔅ ᒋᓴᒪᓂᑐᐤ ᒪᒧᐤ ᔅᒋ ᐎᔭᔨᒥᑯᐛᐤ ᐸᐃᒄ ᒥᔪᐤ ᒐᒋ ᐃᓯᓇᑯᓯᔭᒄ ᒋᔭᒪᔨᑎᒧᐅᓂᒡ ᐊ ᐃᓯ ᐱᒪᑎᓯᔭᒄ᙮ ᓂᓇᔅᑯᒪᐧᒄ ᒪᒃ ᒋᓴᒪᓂᑐᐤ᙮

ᑯᓚᓯᔭᓇ 3:17

ᒥᓯᐛ ᒐᒂᓐ ᐊ ᐃᑐᑎᒪᒄ ᑭᔭ ᑕᓐ ᐊ ᐃᔅᒋᔄᔭᒄ, ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓂᒡ ᒋᐸ ᐃᓯ ᐃᑐᑕᓇᐛᐤ ᐊ ᓂᓇᔅᑯᒪᒄ ᒋᓴᒪᓂᑐᐤ ᒍᑕᐎᓄᐤ ᐎᔾ ᒋᓴᓴ ᐅᒡ᙮

ᑯᓚᓯᔭᓇ 4:2

ᒧᓯᓇᐤ ᐊᔭᒥᐊᒄ᙮ ᐊ ᐊᔭᒥᐊᔭᒄ ᒪᒃ ᓱᒃ ᐎ ᐱᔭᑭᔅᒐᔨᑎᒧᒄ ᑭᔭ ᓂᓇᔅᑯᒪᐧᒄ ᒋᓴᒪᓂᑐᐤ᙮

1 ᑎᒧᑎ 2:1

ᒪᐅᒡ ᒪᒃ ᓂᔅᑎᒻ ᐊ ᐃᓯ ᐱᑯᓴᔨᒧᔭᓐ ᐊᐅᒄ ᐅ ᒧᔅ ᓂᓇᐧᑯᐤ ᒐᒋ ᐃᓯ ᐊᔭᒥᐊᔅᑎᒧᐛᑯᒡ ᒥᓯᐛ ᐊᐛᓐᒋ᙮ ᒐ ᓂᑐᑎᒪᔭᒄ ᒐᒋ ᒥᔭᑭᓄᐅᒡ ᑕᓐ ᐊ ᐃᓯ ᓂᑐᐛᔨᑕᒡ ᑭᔭ ᒧᔅ ᒐᒋ ᓂᓇᔅᑯᒪᒄ ᒋᓴᒪᓂᑐᐤ ᐎᔨᐛᐤ ᐅᒡ᙮

1 ᑎᒧᑎ 5:5

ᐃᔎᐤ ᒪᒃ ᓇᔅᒡ ᐊ ᐸᐃᑯᓯᑦ ᐊᑲ ᓇᔅᒡ ᑕᔨᒋ ᐊᐛᔪᐛ ᒐᒋ ᐎᒋᐃᑯᑦ ᒥᒄ ᒋᓴᒪᓂᑐᐛ ᐊᔅᐸᔨᒧᑐᑐᐛᐤ᙮ ᒧᔅ ᐎ ᒥᔪ ᐊᔭᒥᐊᐤ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐎᒋᐃᑯᑦ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

1 ᐱᑕᕐ 5:7

ᐎᔾ ᐱᔅᑎᓂᒧᐤ ᒥᓯᐛ ᑕᓐ ᐊ ᐃᓯ ᒥᑯᔅᑲᑎᔅᑲᑯᔨᓐ ᒐᒂᓐ, ᐛᔅ ᐎᔾ ᒧᔅ ᒋ ᓂᓇᑭᑐᐛᔨᒧᒄ ᒥᓯᐛ ᑕᓐ ᐊ ᐃᔅᐱᔨᐃᑯᐅᑦ ᒐᒂᔪᐤ ᒋᐱᒪᑎᓯᐅᓂᒡ᙮