ᐱᓕᐱᔭᓇ 4:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᒋᔨᐛᐤ ᐱᓕᐸᐃᒡ ᑲ ᐅᒋᔭᒄ, ᒋ ᒋᔅᒐᔨᑕᓇᐛᐤ ᐊ ᑎᓯᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋᔨᐛᐤ ᒥᒄ ᐊᒋ ᐛᐎᒋᐃᔭᒄ ᓱᓇᔭᐤ ᐃᔅᐱ ᑲ ᓂᑭᑎᒪᓐ ᒪᓯᑐᓂᔭ᙮ ᒋᔨᐛᐤ ᒥᒄ ᔅᒋ ᐎᒋᐃᓇᐛᐤ ᐅᔅᑭᒡ ᑲ ᐛᐎᑎᒪᓐ ᒥᔽᒋᒧᐅᓐ᙮

ᐱᓕᐱᔭᓇ 4:15 Cross References

ᐊᑈᔅᑕᓇᒡ 16:40

ᐊᑯ ᒪᒃ ᑈᓪ ᑭᔭ ᓴᓂᔅ ᐊᓐᑕ ᐊᓂᔭ ᐃᔎᐛ ᓕᑎᔭᔨᒋ ᐊ ᑕᔨᒋ ᐊᑯᑕ ᒂ ᐃᑐᑕᒡ᙮ ᐊᑯᑕ ᐅᑕ ᐱᔅᒐ ᑲ ᑕᔨᒋ ᒋᐧᑲᓂᓯᓄᐛ ᑲ ᑕᑈᑎᒥᔨᒋ, ᐊᑯ ᒂ ᐃᔨᒪᐊᒡ ᒐᒋ ᐊᔨᒋᑲᐳᔨᒋ ᐊ ᑕᑈᑎᒥᔨᒋ᙮ ᐊᑯ ᒂ ᔅᑐᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:26

ᐊᓐᒡ ᑲ ᑕᑈᑕᒡ ᒪᓯᑐᓂᔭᒡ ᑭᔭ ᐊᑲᔭᒡ ᑲ ᐃᓯᓂᐧᑲᑕᔨᒋ ᐊᔅᒋᔭ ᑲ ᑕᒡ ᒋ ᐃᑕᔨᑎᒧᒡ ᒐᒋ ᒪᒧᐅᓇᒡ ᓱᓇᔭᔪᐤ ᐊ ᐎ ᐎᒋᐊᒡ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᐊ ᑕᔨᒋ ᑲ ᒋᔅᑎᒪᑎᓯᔨᒋ᙮

ᐱᓕᐱᔭᓇ 1:12

ᓂᐧᑲᓂᓯᑐᒄ ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐅ ᑲ ᐃᔅᐱᔭᓐ ᐊ ᒋᐸᐅᑯᔭᓐ ᑕᑈ ᒐᒋ ᐊᑎ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐊᑎ ᑕᑈᑕᒡ ᒥᔽᒋᒧᐅᓂᔪᐤ᙮

ᐱᓕᐱᔭᓇ 1:16

ᐊᐅᑯᓐᒡ ᒪᒃ ᐅᒋ ᐊ ᓄᑯᑕᒡ ᐊ ᓴᒋᐃᒡ, ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ᐛᔭᐱᒥᔨᒋ ᒐᒋ ᐛᐎᑎᒧᒡ ᐊ ᑕᑈᒥᑭᓂᔨᒡ ᐅᒥᔽᒋᒧᐅᓂᔪᐤ᙮

ᐱᓕᐱᔭᓇ 1:5

ᓂ ᒋᔅᒋᓯᓐ ᑕᓐ ᑲ ᐃᔅᐱᔅ ᐸᒋ ᒥᔪ ᐛᐎᒋᐃᐛᔭᒄ ᐊ ᐛᐎᑎᒧᐅᒂᐤ ᐊᐛᓐᒋ ᒥᔽᒋᒧᐅᓂᔪᐤ ᒋᓴᓴ ᐊ ᐊᔨᒧᒪᑭᓄᔨᒋ᙮ ᐊᐅᑯᓐ ᑲ ᐊᑎ ᐛᐎᒋᐃᐛᔭᒄ ᓂᔅᑎᒻ ᑲ ᐸᑎᒪᒄ ᒥᔽᒋᒧᐅᓐ ᐊᔅᒄ ᒪᒃ ᒪᒂᒡ ᐊᓄᒡ ᒋ ᐎᒋᐃᐛᓇᐛᐤ᙮

ᐱᓕᐱᔭᓇ 1:7

ᑕᑈᐅᓂᒡ ᒪᒃ ᐅ ᒋ ᐊᑎ ᐃᓯ ᒪᒥᑐᓇᔨᒥᑎᓇᐛᐤ ᐛᔅ ᒋᓴᒋᐃᑎᓇᐛᐤ᙮ ᐛᔅ ᒥᓯᐛ ᐊ ᑎᓯᔭᒄ ᔅᒋ ᒥᔨᑯᐅᓇᐛᐤ ᒋᓴᐛᑎᓯᐅᓐ ᒧᔭᒻ ᑕᓐ ᑲ ᐃᓯ ᒥᔨᑯᐅᔭᓐ ᓂᔾ ᐊᑎ ᐅᑕ ᒪᒂᒡ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᑭᔭ ᒪᒂᒡ ᑲᒋ ᒋᔅᐸᐛᑐᑎᒪᓐ ᒥᔽᒋᒧᐅᓐ ᑭᔭ ᑲᒋ ᐊᑐᔅᑲᔅᑎᒪᓐ ᒐᒋ ᑕᑈᑕᑭᓄᐅᒡ᙮

ᐱᓕᐱᔭᓇ 2:12

ᐊᑯ ᒪᒃ ᓂᐧᑲᓂᓯᑐᒄ, ᒧᔅ ᔅᒋ ᓂᓇᐃᑐᓇᐛᐤ ᐊᔅᒄ ᒪᒂᒡ ᐊᓐᑕ ᐱᓕᐸᐃᒡ ᑲ ᑕᔭᓐ᙮ ᐊᑐᐎᔅ ᐃᑕᔨᑕᑯᓐ ᐊᓄᒡ ᒧᔅ ᒐᒋ ᓂᓇᐃᑎᒪᒄ ᑕᓐ ᑲ ᐃᓯ ᐎᑎᒪᑎᑯᒡ ᒪᒂᒡ ᐅ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ ᓱᒃ ᐊᑐᔅᒐᒄ ᒐᒋ ᒋᔅᑕᐛᒄ ᐊᓂᔭ ᑲ ᐃᓯ ᒋᒋᐱᔨᑕᑦ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᐃᔅᐱ ᑲ ᐱᒪᒋᐃᑕᒄ᙮ ᐃᑐᑎᒧᒄ ᐅ ᐊ ᒋᔅᒋᓯᔭᒄ ᒋᓴᒪᓂᑐᐤ ᐊᐅᒄ ᒋᐸ ᑯᔅᑕᑭᓄᐤ ᑭᔭ ᐎᔾ ᒋᐸ ᒋᔅᑕᔨᒪᑭᓄᐤ᙮