ᐱᓕᐱᔭᓇ 3:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐛᔅ ᓂᒋ ᒋᔅᒋᓄᐛᒋᐃᑯᐅᓐ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔭᓐ᙮ ᐊᓐᑕ ᐃᔅᕋᐃᓪ ᐃᔪᒡ ᐊ ᑕᒡ ᓂᒋ ᐱᒪᑎᓯᓐ᙮ ᐱᓐᒋᒥᓐ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᑕᑈ ᒍᐤ ᐃᔪᐤ ᓂᔾ ᓂᒋ ᑭᓄᐛᔨᑕᓐ ᐎᓱᐛᐅᓐ ᒪᒂᒡ ᑲ ᐸᕆᓯᐅ-ᐃᔪᔭᓐ᙮

ᐱᓕᐱᔭᓇ 3:5 Cross References

ᒐᓂᓯᔅ 14:13

ᒥᒄ ᐸᐃᒄ ᓇᐸᐤ ᒋ ᒋᑎᓯᒧᐤ ᑭᔭ ᑲ ᐎᑎᒧᐛᑦ ᐊᑉᕋᒪ, ᐃᑉᕈᐤ ᐃᔪᐛ, ᑲ ᐎᒋᔨᒋ ᐊᓐᑕ ᒥᒋᒪ ᐃᓚᓐ ᒥᔅᑎᒂ, ᒪᒻᕋ ᐊᒧᕆ ᐃᔪᐛ ᑲ ᑎᐸᔨᒪᔨᒋ᙮ ᒪᒻᕋ ᒋ ᓂᓯᔪᐛ ᐎᐧᑲᓂᓴ, ᐃᔅᑯᓪ ᑭᔭ ᐊᓄᕐ, ᐅᒡ ᐊ ᓂᔅᑎᒡ ᓇᐸᐅᒡ, ᒋ ᐃᑐᑎᒧᒡ ᐊᓱᑎᒪᒐᐅᓂᔪᐤ ᒐᒋ ᐎᒋᒪᓯᒐᒪᒡ ᐊᑉᕋᒪ ᓇᑐᐱᓇᓄᔨᒋ᙮

ᒐᓂᓯᔅ 17:12

ᒥᓯᐛ ᓂᔭᐸᐅᒡ ᐊᐛᓯᒡ ᐊ ᐃᔪᐅᒡ ᑲᒋ ᔭᓇᐤ ᑕᑐᐤ ᒋᓯᑲᓯᑥᐎ ᒋᑭ ᒋᔅᒋᓄᐛᒋᔄᑭᓄᐎᒡ, ᒋᒡ ᑭᔭ ᒋᓇᐸᐤ-ᐊᐱᒋᐊᑭᓐᒡ, ᒋᒡ ᐊᓐᒡ ᑲ ᐃᔪᐅᒡ ᐊᓐᑕ ᒋᑦ ᐊᔅᒋᒡ ᑭᔭ ᐊᓐᒡ ᓂᔭᐸᐅᒡ ᒪᓐᑕᐛ ᑲ ᐅᒋ ᐃᔭᐅᑥᐤ᙮

ᒐᓂᓯᔅ 40:15

ᐛᔅ ᒋᒧᑦ ᓂᒋ ᐸᓱᑯᐅᓐ ᐃᑉᕈᐤ ᐃᔪᒡ ᐅᑦ ᐊᔅᒋᐛᒡ ᐅᒡ, ᑭᔭ ᐅᑕ ᓇᒪ ᒐᒂᓐ ᓂ ᐅᒋ ᑐᑕᓐ ᒐ ᐅᒋ ᒋᐸᐅᑯᐎᔭᓐ᙮”

ᒐᓂᓯᔅ 41:12

ᒋ ᑕᐤ ᐊᓐᑕ ᐊ ᐅᔅᑎᓂᒋᐅᑦ ᐃᑉᕈᐤ ᐃᔪᐤ ᐊᑕᐅᒋᒡ, ᓂᑐᐱᔪᐅ-ᐅᒋᒪᐤ ᐅᑯᐸᓇᒪ, ᑕᐱᔅᑯᓐ ᓂᒋ ᐊᑕᐳᐛᒧᔅᑐᐛᓇᓐ ᑭᔭ ᓂᒋ ᐎᑎᒪᑯᓇᓐ ᓂᐳᐛᒧᐅᓇᓇ᙮

ᓗᒃ 1:59

ᐃᔅᐱ ᒪᒃ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᑦ ᐊᓐ ᐊᐛᔅ ᒥᓯᐛ ᐎᐧᑲᓂᓱᐛᐛ ᑭᔭ ᐅᐎᒐᐛᑭᓄᐛᐛ ᒋ ᐸᒋ ᑎᑯᓯᓂᔪᐛ ᒐᒋ ᐃᑐᑐᐛᑭᓄᔨᒋ ᑕᓐ ᑲᒋ ᐃᑐᑐᐛᒡ ᒍᐤ ᐃᔪᒡ ᐅᑦ ᐊᐛᓯᒧᐛᐛ ᐊ ᓇᐸᓯᐎᔨᒋ, ᒋ ᒋᔅᒋᓄᐛᒋᔄᐅᒡ᙮ ᐎᐧᑲᓂᓱᐛᐛ ᒪᒃ, ᓴᑲᕋᔭ ᒋ ᐎ ᐃᓯᓂᐧᑲᑕᐅᒡ ᐅᔭ ᐊᐛᓴ ᒐᒋ ᐎᒋᓱᒪᔨᒋ ᐅᑕᐎᔪᐛ᙮

ᓗᒃ 2:21

ᐃᔅᐱ ᐊᓐ ᐊᐛᔅ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᑦ, ᒋ ᐃᓯ ᒋᔅᒋᓄᐛᒋᔄᑭᓄᐤ ᑭᔭ ᒋᓴᔅ ᒋ ᐃᓯᓂᐧᑲᑕᑭᓄᐤ᙮ ᐊᐅᑯᓐ ᑲ ᐃᓯᓂᐧᑲᑎᑯᑦ ᐊᓐᒋᓇ ᐊᔅᒄ ᐊᑲ ᐅᒋ ᐊᔭᐅᑯᑦ ᐅᑲᐎᔭ ᐊᓐᑕ ᐅᔅᐱᔭᔨᒡ᙮

ᓗᒃ 5:38

ᐊ ᐅᔅᑲᑭᒥᔨᒡ ᓱᒥᓇᐳᔪᐤ ᐊᓐᑕ ᐊ ᐅᔅᑲᔨᒡ ᐅᓯᑭᔾ ᐳᑕᒡ ᒋᐸ ᐃᓯ ᐱᑕᐸᐅᑕᐤ᙮

ᐊᑈᔅᑕᓇᒡ 22:3

“ᒍᐤ ᓂᑦ ᐃᑎᔅᑲᓇᓯᓐ᙮ ᑕᕐᓯᔅ ᑲ ᐃᓯᓂᐧᑲᑕᒡ ᐅᑕᓇᐤ ᐊᓐᑕ ᓯᓕᓯᔭ ᐊᔅᒋᒡ ᑲ ᑎᒂᒡ ᐊᑯᑕ ᑲ ᐱᒪᑎᓯᔭᓐ᙮ ᐊᑯ ᒥᒄ ᐅᑕ ᒋᕈᓯᓕᒥᒡ ᑲ ᓂᑕᐅᒋᓂᑯᐅᔭᓐ᙮ ᐊᓂᔭ ᒪᒃ ᑲᒪᓕᔭᓪ ᑲ ᐃᓯᓂᐧᑲᓱᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑲᒋ ᒋᔅᑯᑎᒪᒐᑦ ᐊᑯᑕ ᐊᓐ ᑭᔭ ᓂᔾ ᐃᔭᒂ ᑲ ᐃᓯ ᒋᔅᑯᑎᒪᑯᐅᔭᓐ ᐊᓂᔭᐧᑲ ᒋᐧᑲᓂᓯᓄᐅᒡ ᐅᐎᓱᐛᐅᓄᐛᐛ᙮ ᑭᔭ ᓂᔾ ᓇᔅᒡ ᓂᒋ ᐎ ᓂᓇᐃᑐᐛᐤ ᒋᓴᒪᓂᑐᐤ ᒧᔭᒻ ᐊ ᐃᑎᔭᒄ ᑭᔭ ᒋᔨᐛᐤ ᐅᑕ ᐊᓄᒡ᙮

ᐊᑈᔅᑕᓇᒡ 23:6

ᐃᔅᐱ ᒪᒃ ᓇᓯᑕᐅᓄᐛᑦ ᑈᓪ ᑕᐱᔅᑯᓐ ᓴᑎᔪᓯᐊ ᑭᔭ ᐸᕆᓯ ᐊ ᑕᔨᒋ ᐊᓐᑕ ᐊᓂᔭ ᐊ ᒪᒧᐎᔨᒋ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᒋ ᐃᑕᐤ ᐊ ᒋᔄᐛᑦ, “ᓂᐧᑲᓂᓯᑐᒄ, ᐸᕆᓯ ᓂᔾ, ᑭᔭ ᐊᓂᔭᐧᑲ ᓂᑦ ᐊᓂᔅᒐ ᓂᐧᑲᓂᓯᒡ ᐸᕆᓯ ᒋ ᐃᑎᐳᒡ᙮ ᐊᐅᒄ ᐅ ᐛᒋ ᑎᐸᔅᑯᓂᑯᔭᓐ ᐅ ᐊᓄᒡ, ᐊ ᑕᑈᑎᒪᓐ ᑲ ᓂᐱᒡ ᑲᐤ ᒐ ᐅᓂᔅᑲᒡ᙮”

ᐊᑈᔅᑕᓇᒡ 6:1

ᐃᔅᐱ ᒪᒃ ᐊᑐᐎᔅ ᐊ ᐊᑎ ᒥᒐᑎᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᒍᐤ ᐃᔪᒡ ᑯᕆᒃ ᑲ ᐃᓯ ᐃᔨᒥᒡ ᒋ ᒥᒋᐱᔭᐊᐅᒡ ᐊᓂᔭᔪᐛ ᒍᐤ ᐃᔪᐛ ᐃᑉᕈᐤ ᑲ ᐃᓯ ᐃᔨᒥᔨᒋ ᐊᒋ ᐃᔅᒋᔄᒡ ᐊᓂᔭᔪᐛ ᑲ ᐸᐃᑯᓯᔨᒋ ᐃᔎᐛ ᐊᓐᑕ ᐊ ᑕᒡ ᐊᑲ ᐅᒋ ᐃᔅᐱᔅ ᐊᓯᒪᑭᓄᔨᒋ ᒥᒋᒥᔪᐤ ᐊᓂᔭ ᑲᒋ ᒪᑎᓂᒧᐛᑭᓄᔨᒋ ᑲ ᐸᐃᑯᓯᔨᒋ ᐃᔎᐛ ᐊᓯᑯᒻ ᒋᓯᑲᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:1

ᒥᓐ ᑯᑎᒡ ᒐᒂᓐ ᓂ ᐎ ᑯᒂᒋᒐᔨᒧᓐ᙮ ᒋ ᐛᐱᓇᐤ ᐊ ᒋᓴᒪᓂᑐᐤ ᐅᑦ ᐃᔨᒪ ? ᓇᒪᐎᔾ ᑭᑈ ᐅᒋ ᐛᐱᓇᐤ᙮ ᐃᔅᕋᐃᓪ ᐃᔪᐤ ᑭᔭ ᓂᔾ᙮ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᐱᓐᒋᒥᓐ ᑲ ᐃᓯᓂᐧᑲᓱᒡ ᐅᐸᐃᑯᑕᐅᓯᐅᒡ ᐊᑯᑕ ᐛᒋᔭᓐ᙮

2 ᑯᕆᓐᑎᔭᓇ 11:22

ᒋᒋᐛ ᐊ ᐃᑕᔨᒥᓱᒡ ᒍᐤ ᑲ ᐃᑎᔅᑲᓇᓯᒡ ? ᑭᔭ ᓂᔾ ᒍᐤ ᓂᑦ ᐃᑎᔅᑲᓇᓯᓐ᙮ ᒋᒋᐛ ᐊ ᐃᑕᔨᒥᓱᒡ ᐊᓂᔭ ᐃᔅᕋᐃᓪ ᐊ ᐅᒋᒡ ? ᑭᔭ ᓂᔾ ᐊᑯᑕ ᐛᒋᔭᓐ᙮ ᒋᒋᐛ ᐊ ᐃᑕᔨᒥᓱᒡ ᒥᒄ ᐊᑉᕋᐊᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᒡ ? ᓂᔾ ᑭᔭ ᐊᑯᑕ ᑲ ᐅᒋ ᐊᓂᔅᒐ ᐱᒪᑎᓯᔭᓐ᙮