ᐱᓕᐱᔭᓇ 3:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐊᔅᒄ ᒋᑭ ᓂᒋᔅᑭᒧᒡ ᐅᓇᒋᐃᐛᐅᓂᔪᐤ᙮ ᑕᓐ ᐊ ᐃᓯ ᓂᑐᐛᔨᑎᒧᒥᑭᓂᔨᒋ ᐎᔪᐛᐛ ᐊᐅᒄ ᒋᒋᐛ ᓂᔭᑭᑐᐛᔨᑎᒥᐃᑯᒡ᙮ ᒥᔽᔨᑎᒥᐃᑯᐅᒡ ᑕᓐ ᐊ ᐃᑎᒡ᙮ ᒋᒧᔅᑕᓇᔭᔨᑎᒧᒡ ᒪᒃ ᐊᓂᔭ ᐃᑐᐅᓇ᙮ ᒥᒄ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ ᐊᔪᐅᒄ ᒥᒄ ᒥᔭᒥᑐᓇᔨᑎᒥᐃᑯᒡ᙮

ᐱᓕᐱᔭᓇ 3:19 Cross References

ᑎᐱᑦ ᐅᓂᑭᒧᐅᓇ 17:14

ᐃᔪᒡ ᐅᒋ ᑲ ᐅᑎᒋᔨᓐ, ᐅ ᑎᐸᔨᒋᒐᓱᐤ, ᐊᔅᒋᐤ ᐃᔪᒡ ᐅᒡ, ᑲ ᒪᑎᓂᒧᐛᑭᓄᔨᒋ ᒪᒂᒡ ᐊᓄᒡ ᐊ ᐱᒪᑎᓯᓇᓄᐎᒡ, ᑭᔭ ᐅᔅᑭᑎᔭ ᑲ ᓴᑭᔅᒋᓂᑕᐅᑦ ᒋ ᒋᒧᒡ ᐛᔪᑎᓯᐅᓇ; ᓴᑭᔅᒋᓇᔅᑲᑯᐅᒡ ᐊᐛᓴ, ᑭᔭ ᑲ ᐃᔅᑯᐱᔨᒋ ᐅᑦ ᐊᔭᓄᐛᐛ ᓂᑭᑎᒧᐛᐅᒡ ᐅᑦ ᐊᐛᓯᒥᓱᐛᐛ᙮

ᑎᐱᑦ ᐅᓂᑭᒧᐅᓇ 52:1

ᒐᒂᓐ ᐛᒋ ᒋᐧᑲᔭᒋᒧᔨᓐ ᒪᔭᔨᒐᐅᓂᒡ, ᐅ ᓱᐧᑲᑎᓯᔨᓐ ᐃᔪᐤ ? ᐅᒥᔽᑎᓯᐅᓐ ᒋᓴᒪᓂᑐᐤ ᑲᒋᒡ ᑎᑯᓂᔪᐤ᙮

ᒪᑎᔪᐤ 16:23

ᐊᑯ ᒋᓴᔅ ᑲ ᒂᔅᒋᑲᐳᔅᑐᐛᑦ ᐊᓂᔭ ᐱᑕᕋ, ᑭᔭ ᐊᑕᑦ, “ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᑕᓐ ᐊ ᐃᑕᔨᑎᒥᐃᑯᔨᓐ ᐊᓂᔭ ᒐᒂᔪᐛ ᑕᐸ ᒋᓴᒪᓂᑐᐤ ᐊ ᑕᑦ ᐅᒋᐱᔪᐛ ᓇᐸᐤ ᐊ ᑕᑦ ᐅᒋᐱᔪᐛ᙮ ᒪᒋ ᐃᒐᑕ ᓇᑕ ᒥᒋᒥᓂᑐᐤ᙮”

ᒪᑎᔪᐤ 25:41

ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᓗᒃ 12:19

ᐊᑯ ᒪᒃ ᒐ ᐃᑎᓱᔭᓐ, ᐊᔪᐛᒡ ᓂ ᐛᔪᒋᑕᓐ ᒐᒂᔪᐛ ᐊᓐᑕ ᓂᑦ ᐊᔅᑕᓱᐅᒋᐛᐱᒡ ᒥᒐᑐᐤ ᐱᐳᓇ ᒐᒋ ᐅᒋ ᐃᔅᐱᔭᓐ᙮ ᐊᑯ ᒪᒃ ᓇᒪ ᓂᑭ ᐅᒋ ᐊᑐᔅᒐᓐ᙮ ᓴᔅ ᓂᑭ ᐛᔪᒋᑕᓐ ᒥᒋᒻ ᑭᔭ ᐊ ᒥᓂᔭᓐ ᒐᒂᓐ ᑭᔭ ᒐ ᒧᒋᒐᔨᑎᒪᓐ᙮’ ”

ᓗᒃ 16:19

ᒋᓴᔅ ᒋ ᐎᑎᒻ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᔅᒋᔄᑦ, “ᐸᐃᒂᐤ ᒋ ᑕᐤ ᐊ ᐛᔪᑎᓯᑦ ᓇᐸᐤ ᓇᔅᒡ ᐊ ᓱᓇᔭᐎᔨᒋ ᐅᑦ ᐊᐱᒋᑕᐅᓇ, ᓇᔅᒡ ᐊᒋ ᐛᔪᑎᓯᔪᐱᒪᑎᓯᑦ᙮

ᓗᒃ 18:4

“ᓇᐅᔅ ᒪᒃ ᐊᓐ ᑎᐸᔅᑯᓂᒐᓱᐤ ᓇᒪ ᐅᒋ ᐎ ᐎᒐᐊᐤ ᐊᓂᔭ ᐃᔎᐛ᙮ ᐊᑯ ᒐᒃ ᑲ ᐃᓯ ᒪᒥᑐᓇᔨᑕᐧᒃ, ‘ᓇᒪ ᓇᓂᒋᔅᑐᐛᐤ ᒋᓴᒪᓂᑐᐤ ᑭᔭ ᓇᒪ ᓂᑦ ᐊᐱᑕᔨᒪᐅᒡ ᐃᔪᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:18

ᓇᒪᐎᔾ ᒋᑎᐸᔨᒋᒐᓯᒥᓄᐛ ᙭ᑕ ᐊᑐᔅᑯᐛᐅᒡ ᐅᒡ ᐅᔭ ᐊ ᐃᑎᒡ, ᒥᒄ ᑕᓐ ᐊᓂᔭᔪᐛ ᒐᒂᔪᐛ ᒐᒋ ᒥᒋᒡ ᒪᒃ ᑕᓐ ᐊᓂᔭᔪᐛ ᒐ ᐊᑲ ᒋ ᒥᒋᒡ ᐊᐅᑯᓂ ᒪᑯᔅᑲᑕᔨᑎᒥᐃᑯᒡ᙮ ᓇᔅᒡ ᑕᑈ ᒥᔪᑕᑯᓱᐅᒡ ᑕᓐ ᐊ ᐃᓯ ᐃᔨᒥᒡ ᑭᔭ ᓂᑎᒥᒄ ᐃᑐᐅᒡ ᐊᓂᔭ ᐊ ᒥᔽᒋᒪᒡ ᐊᐛᔪᐛ᙮ ᐊᑯᑕ ᒪᒃ ᐛᒋ ᐎᔭᓯᒪᒡ ᐊᓂᔭᔪᐛ ᓇᔅᒡ ᑲ ᐛᒋᐱᔨᒡ ᒐᒋ ᐎᔭᓯᒪᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:21

ᑕᓐ ᒪᒃ ᑲ ᐃᓯ ᐎᒋᐃᑯᔨᓐ ᐊᓂᔭ ᒐᒂᔪᐛ ᑲᒋ ᐃᑐᑎᒥᓐ, ᐊᓂᔭᔪᐛ ᒐᒂᔪᐛ ᓯᔭᒂᔨᒧᐃᑯᔨᓐ ᐊᓄᒡ᙮ ᓂᐳᐅᓂᒡ ᐃᑐᑕᐃᐛᒥᑭᓇ ᐊᓂᔭᔪᐛ ᒐᒂᔪᐛ ᑲᒋ ᐃᑐᑎᒥᓐ᙮

1 ᑯᕆᓐᑎᔭᓇ 3:3

ᐊᔅᒄ ᐊᐅᑯᓐ ᐊ ᐃᓯ ᐱᒪᑎᓯᔭᒄ ᐊ ᐃᓯ ᐱᒪᑎᓯᒡ ᐊᓐᒡ ᐊᔅᒄ ᐊᑲ ᐱᔅᑎᓇᒡ ᑲ ᐸᔭᒋ ᐊᒐᒂ ᒐᒋ ᐱᒥᐱᔨᑕᔨᒋ ᐅᐱᒪᑎᓯᐅᓄᐛᐛ᙮ ᐛᔅ ᒋ ᒪᒥᒐᔨᒥᑐᓇᐛᐤ ᑭᔭ ᒋ ᒪᒥᒋᐱᔨᐃᑐᓇᐛᐤ᙮ ᐊᑯᑕ ᒪᒃ ᐊ ᓄᒂᒡ ᐊᔅᒄ ᐊ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᑕᒡ᙮

1 ᑯᕆᓐᑎᔭᓇ 5:2

ᓇᔅᒡ ᐊ ᒪᒃ ᒋᒋᐛ ᒋᑦ ᐃᑕᔨᒥᓱᓇᐛᐤ ? ᐃᔭᐱᒡ ᒋᐸ ᒥᒐᔨᑕᓇᐛᐤ᙮ ᒋᐸ ᐃᒐᓇᐛᐤ ᐊᓐ ᓇᐸᐤ ᐅᔭ ᑲ ᐃᑎᑦ ᐊᓐᑕ ᐅᒋ ᐊ ᑕᔭᒄ᙮

1 ᑯᕆᓐᑎᔭᓇ 5:6

ᓇᒪ ᓇᔅᒡ ᐃᓯᓇᑯᓐ ᒋᒋᐛ ᒐᒋ ᐃᑕᔨᒥᓱᔭᒄ᙮ ᒋ ᒋᔅᒐᔨᑕᓇᐛᐤ ᐊᐱᓯᔅ ᑲᐅᐱᔨᒡ ᐊ ᐱᔅᑎᓂᑭᓄᐅᒡ ᐸᒂᓯᑭᓂᒡ ᒥᓯᐛ ᐊ ᐃᔅᐱᑎᑦ ᐊᓐ ᐸᒂᓯᑭᓐ ᐅᐱᔪᐤ᙮

2 ᑯᕆᓐᑎᔭᓇ 11:12

ᐃᔭᐱᒡ ᒧᔅ ᓂᑭ ᑐᑕᓐ ᑕᓐ ᐊ ᐃᑎᔭᓐ ᐊᓄᒡ ᒐ ᐊᑲ ᒋ ᑎᑯᓂᔨᒡ ᑕᓐ ᒐ ᐃᓯ ᓂᓇᐸᐅᒧᒡ ᐊᓐᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᑭᔭ ᒐ ᐊᑲ ᒋ ᐃᔅᒋᔄᒡ ᒧᔭᒻ ᓂᔭᓐ ᐊ ᐃᑕᐱᑎᓱᒋᑦ ᐊ ᐃᑕᐱᑎᓯᒡ᙮

2 ᑯᕆᓐᑎᔭᓇ 11:15

ᓇᒪ ᒪᒃ ᒥᔅᑲᑕᔨᑕᑯᓂᔪᐤ ᐅᑦ ᐊᐱᒋᐊᑭᓇ ᒧᔭᒻ ᑕᑈ ᑯᐃᔅᒄ ᑲ ᐃᑎᔨᒋ ᐊᐱᒋᐊᑭᓇ ᒐᒋ ᐃᓯᓇᑯᐃᓱᔨᒋ᙮ ᒥᒄ ᒪᒃ ᐃᔅᐱ ᑎᐸᔅᑯᓇᑭᓄᑥᐛ ᐊᓐ ᐊ ᐃᑕᔨᑕᑯᓂᔨᒡ ᒐᒋ ᐃᓯ ᒥᔅᑲᒡ ᐊᑯᓐ ᒐ ᐃᓯ ᒥᔭᑭᓄᐎᒡ᙮

ᑲᓚᓯᔭᓇ 6:13

ᓇᒪ ᐛᐛᒡ ᓂᓇᐃᑎᒧᒡ ᒍᐤ ᐊᔭᒥᐊᐅ-ᐎᓱᐛᐅᓇ ᐊᓐᒡ ᑲ ᐱᔅᑎᓂᓱᒡ ᒐᒋ ᒋᔅᒋᓄᐛᒋᔄᑭᓄᐎᒡ᙮ ᒋ ᓂᑐᐛᔨᒥᑯᐛᐅᒡ ᒐᒋ ᒋᔅᒋᓄᐛᒋᐃᑕᑯᒡ ᒥᒄ ᒐᒋ ᒪᒥᒋᒧᒡ ᑭᔭ ᒋᔨᐛᐤ ᐊᒋ ᐃᑐᑕᑕᑯᒡ ᒐᒋ ᒋᔅᒋᓄᐛᒋᐃᑯᐅᐛᒄ᙮

ᐱᓕᐱᔭᓇ 2:21

ᒥᓯᐛ ᑯᑎᑭᒡ ᐊᐛᓐᒋ ᒥᒄ ᐎᔨᐛᐤ ᓂᓇᑭᑐᐛᔨᒥᓱᐅᒡ, ᓇᒪ ᐊᐱᑕᔨᑎᒥᐃᑯᐅᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ᙮

ᑯᓚᓯᔭᓇ 3:2

ᒧᔅ ᒪᒥᑐᓇᔨᑎᒥᐃᑯᒄ ᐊᓂᔭ ᒐᒂᔪᐛ ᐃᔅᐱᒥᒡ ᐊ ᑎᒂᒋ ᓇᒪ ᐎ ᐊᓂᔭᔪᐛ ᒐᒂᔪᐛ ᐅᑕ ᐊᔅᒋᒡ ᐊ ᑎᒂᒋ᙮

2 ᑕᓴᓗᓂᔭᓇ 1:9

ᒋᑭ ᐛᐛᓯᐊᑭᓄᐅᒡ ᑲᒋᒡ ᒐᒋ ᓂᓱᐅᓇᑎᓯᒡ᙮ ᒋᑭ ᐃᒐᓇᑭᓄᐎᒡ ᐅᑎᐸᔨᒋᒐᐛ ᐊ ᑕᔨᒋ ᐅᒋ ᑭᔭ ᓇᒪ ᓂᑕ ᒋᑭ ᐅᒋ ᐛᐸᑎᒧᒡ ᑕᓐ ᐊᔅᐱᔅ ᓱᒐᔨᑕᑯᓂᔨᒡ ᐅᒥᔅᑯᓯᐅᓂᔪᐤ᙮

2 ᑕᓴᓗᓂᔭᓇ 2:12

ᐊᑯ ᒪᒃ ᒥᓯᐛ ᐊᐛᓐᒋ ᐊᑲ ᐅᒋ ᑕᑈᑕᒡ ᑕᑈᐅᓂᔪᐤ, ᐅᔅᑕ ᑲ ᒥᔽᔨᑕᒡ ᐊ ᒥᒐᑎᓯᒡ ᐊᐅᑯᓐᒡ ᐅᒡ ᒐ ᓂᓱᐅᓇᒋᒪᑭᓄᐎᒡ᙮

2 ᑕᓴᓗᓂᔭᓇ 2:8

ᐊᑯ ᒪᒃ ᒐ ᓄᑯᐊᑭᓄᐅᑦ ᐊᐛᓐ ᒋᒋᐛ ᐊ ᐊᐎᔨᑦ ᐊᓐ ᐊᑲ ᓇᔅᒡ ᑲ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ᙮ ᒥᒄ ᒪᒃ ᐃᔅᐱ ᑎᑯᓯᒐ ᐅᑎᐸᔨᒋᒐᐤ ᒋᓴᔅ ᐎᔾ ᒋᑭ ᓂᐸᐊᐤ ᐅᔭᔭᐅᓐ ᐊ ᐊᐱᒋᑕᑦ᙮ ᓇᔅᒡ ᒋᑭ ᓂᓱᐅᓇᒋᐊᐤ ᐃᔅᐱ ᑎᑯᓯᒐ ᐅᒋᔅᑕᔨᑕᑯᓱᐅᓂᒡ᙮

1 ᑎᒧᑎ 6:5

ᐅᒡ ᒪᒃ ᑲ ᒪᒥᒋᐱᔨᑕᒡ ᓇᒪ ᒋᔅᒐᔨᑎᒧᒡ ᑕᑈᐅᓂᔪᐤ ᑭᔭ ᓇᒪ ᑯᐃᔅᒄ ᒋ ᐃᓯ ᓂᔅᑐᑎᒧᒡ ᑕᑈᐅᓂᔪᐤ᙮ ᑭᔭ ᐃᑕᔨᑎᒧᒡ ᐊ ᒋᓴᒪᓂᑐᐛᑎᓯᓇᓄᐎᒡ ᐊᑯᑕ ᒐᒋ ᐅᒋ ᐅᑎᓯᒡ᙮

2 ᑎᒧᑎ 3:4

ᓇᔅᒡ ᒋᑭ ᐎᒋ ᐛᐎᔭᓯᐊᐅᒡ ᐅᐎᒐᐛᑭᓄᐛᐛ, ᓇᒪ ᓇᔅᒡ ᒋᑭ ᐅᒋ ᓂᓇᑭᑐᐛᔨᑎᒧᒡ ᑕᓐ ᐊ ᐃᑎᒡ, ᑭᔭ ᓇᔅᒡ ᑕᑈ ᒥᔅᑎ ᒋᑭ ᐃᑕᔨᒥᓱᐅᒡ᙮ ᐅᔅᑕ ᒋᑭ ᓴᒋᑕᐅᒡ ᐊᓂᔭ ᐎᔨᐛᐤ ᐊ ᐃᓯ ᒧᒋᒐᔨᑎᒥᐃᑯᒡ ᒐᒂᔪᐤ ᐃᔅᐱᔅ ᐎ ᒋᓴᒪᓂᑐᐛ ᐊᑐᐎᔅ ᒐᒋ ᓴᒋᐊᒡ᙮

ᒋᒥᔅ ᐅᒥᓯᓇᐊᒪᒐᐅᓐ 4:16

ᒥᒄ ᒪᒃ ᒋᒋᐛ ᒋᑦ ᐃᑕᔨᒥᓱᓇᐛᐤ ᑭᔭ ᒋ ᒪᒥᔽᒋᒥᓱᓇᐛᐤ᙮ ᒪᔭᑎᓐ ᐊᓐ ᐊ ᐃᑎᔭᒄ ᐊ ᒪᒥᔽᒋᒥᓱᔭᒄ᙮

2 ᐱᑕᕐ 2:1

ᒋ ᐸᒋ ᑕᐅᒡ ᒪᓐ ᐊᓐᑕ ᐅᑕᒡ ᓂᑎᒥᒄ ᐅᒋᔅᒋᐛᐃᒐᓱᒡ᙮ ᐊᐅᑯᓐ ᒪᒃ ᐃᔭᐱᒡ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᒋᑭ ᑕᐅᒡ ᓂᑎᒥᒄ ᒐ ᐃᓯ ᒋᔅᑯᑎᒪᒐᒡ ᒪᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓂᑎᒥᒄ ᒋᑭ ᐃᓯ ᒋᔅᑯᑎᒪᒐᐅᒡ, ᑭᔭ ᓇᔅᒡ ᑕᑈ ᒋᑭ ᐅᓂᑕᐃᐛᒥᑭᓂᔪᐤ ᑕᓐ ᒐ ᐃᓯ ᒋᔅᑯᑎᒪᒐᒡ᙮ ᐛᐛᒡ ᐊᓂᔭ ᑲ ᓂᐱᔅᑎᒪᑯᒡ ᓇᔅᒡ ᒋᑭ ᐊᑐᐛᔨᒪᐅᒡ᙮ ᐊᑯᑕ ᒪᒃ ᐊᓐᑕ ᒐ ᐅᒋ ᐃᑐᑕᓱᒡ ᓯᔅᒋᑯᒡ ᒐᒋ ᓂᓱᐅᓇᑎᓯᒡ᙮

2 ᐱᑕᕐ 2:13

ᐎᔨᐛᐤ ᒪᒃ ᑎᐱᔨᐛ ᒋᑭ ᒋᐛ ᑎᐸᐊᒧᐛᑭᓄᐎᒡ ᐊᐧᑯᐎᐛᐅᓂᔪᐤ ᑕᓐ ᑲ ᐃᔅᐱᔅ ᐸᒋ ᐊᔭᐧᑯᐊᒡ ᐊᐛᔪᐛ᙮ ᐊ ᒋᔎᔭᑎᓯᓇᓄᐎᒡ ᒪᒃ, ᒥᒄ ᐊ ᒥᒥᒋ ᒧᒋᒐᔨᑕᑭᓄᐎᒡ ᐊ ᒪᒂᐤ ᒋᓯᑲᔨᒡ, ᐊᐅᑯᓐ ᐅᔭ ᐊ ᐃᑕᔨᑕᒡ ᒥᔽᔨᑕᑯᓐ᙮ ᓇᒪ ᓂᐃᓇᑯᓱᐅᒡ ᑭᔭ ᐎᔨᐛᐤ ᒪᐅᒡ ᐱᐸᒥᓇᑯᓱᐅᒡ ᐊᓐᑕ ᒪᓐ ᐊ ᐎᒋᒥᒋᓱᒥᑕᑯᒡ᙮ ᐊᓐᑕ ᐊᓂᔭ ᒪᒂᒡ ᐊ ᐎᒋᒥᒋᓱᒥᑕᑯᒡ ᐊᑯᑕ ᓇᓂᑎᒻ ᒪᒥᒋ ᒥᔽᔨᑎᒥᐃᓱᐅᒡ ᐊ ᒋᔅᒐᔨᑕᒡ ᑕᓐ ᐊ ᐃᓯ ᐛᐎᔭᓯᒥᑕᑯᒡ᙮

2 ᐱᑕᕐ 2:3

ᐊᓂᔭ ᒪᒃ ᒐ ᐃᔅᐱᔅ ᐎ ᐛᔪᐅᒡ ᐊᔭᒡ ᐅᒡ ᓂᑐᐎᔾ ᒋᔅᑯᑎᒪᒐᓱᐅᒡ, ᓂᑎᒥᒄ ᑎᐸᒋᒧᐅᓇ ᒋᑭ ᐛᐎᑎᒪᑯᐛᐅᒡ᙮ ᐊᑯᑕ ᒪᒃ ᓇᓂᑎᒻ ᐊᓂᔭ ᓂᑎᒥᒄ ᐊ ᐃᑕᒋᒧᔅᑕᑕᑯᒡ ᒐ ᐅᒋ ᐎ ᐃᑕᐱᒋᐃᑕᑯᒡ ᒐᒋ ᐅᒋ ᐅᓱᓇᔭᓂᒥᐧᑲᓱᒡ᙮ ᐊᐅᑯᓐᒡ ᒪᒃ ᐅᒡ ᓴᔅ ᐛᔅᑭᒡ ᑲ ᐊᔭᔅᑯᔅᑕᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᑭᔭ ᒧᔅ ᒋ ᒐᔅᑎᓇᒋᔅᑕᔪᐤ ᑕᓐ ᒐ ᐃᓯ ᓂᓱᐅᓇᑎᓯᒡ᙮

ᒍᑦ 1:10

ᐅᒡ ᒪᒃ ᐎ ᓇᐸᐅᒡ, ᒥᒄ ᐃᓯ ᒪᔭᔨᑎᒧᒡ ᒐᒂᔪᐤ ᐊᑲ ᓂᔅᑐᑕᒡ᙮ ᒧᔭᒻ ᐊᐛᓯᓴ ᒥᒄ ᐛ ᐃᑎᔨᒋ ᐊ ᐃᑎᔨᒋ ᐊᐅᑯᓐ ᐊ ᐃᑎᒡ ᐅᒡ ᓇᐸᐅᒡ᙮ ᓇᒪ ᒪᒥᑐᓇᔨᑎᒥᐃᑯᐅᒡ ᑯᐃᔅᒄ ᐊ ᐃᑐᐛᒂ, ᐊᔪᐅᒄ ᒪᒃ ᐅᔭ ᐛᓇᒋᐃᑯᒡ᙮

ᒍᑦ 1:16

ᒧᔅ ᒪᒥᒋ ᐃᔅᒋᔄᐅᒡ ᐅᒡ ᓇᐸᐅᒡ᙮ ᒧᔅ ᑯᑎᑲ ᐊᐛᔪᐛ ᐊᑕᒪᔨᒪᐅᒡ ᐊᑲ ᒋᐧᑲᐛᒋᐱᔨᒡ᙮ ᐱᓯᒄ ᐃᑐᑎᒧᒡ ᑕᓐ ᐊ ᐃᓯ ᒥᒋ ᓂᑐᐛᔨᑕᒡ ᒐᒋ ᐃᑎᒡ᙮ ᓇᔅᒡ ᑕᑈ ᐎ ᓂᓇᐸᐅᒧᒡ᙮ ᐊᔭᒡ ᐃᑐᐅᒡ ᐊ ᒥᔪ ᐊᔨᒧᒪᒡ ᐊᐛᔪᐛ ᒥᒄ ᐊ ᐎ ᒪᒥᔪᐱᔨᐃᓱᒡ ᒐᒋ ᐃᑎᒡ ᐊᓂᔭ ᑕᓐ ᐛ ᐃᑎᒡ᙮

ᒍᑦ 1:4

ᐛᔅ ᑕᐅᒡ ᐊᑲ ᓇᔅᒡ ᒐᓴᒪᓂᑐᐛᑎᓯᒡ ᓇᐸᐅᒡ ᒋᒧᑦ ᐊᒋ ᐅᒋ ᑕᒡ ᒪᒂᒡ ᐊᓐᑕ ᐊ ᑕᐛᒄ᙮ ᓂᑎᒥᒄ ᐃᓯ ᒋᔅᑯᑎᒪᒐᐅᒡ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐃᔅᒋᔄᐅᒡ ᐊᑲ ᒐᒂᓐ ᐃᑕᔨᑕᑯᓂᔨᒡ ᐊᐛᓐ ᐊᑎ ᓂᑎᒥᒄ ᐊ ᐃᑕᑎᓯᑦ ᐛᔅ ᐃᔭᐱᒡ ᒋᑭ ᐛᐸᔨᑎᒪᑯᐅᒡ ᒋᓴᒪᓂᑐᐛ᙮ ᓇᒪ ᐅᒋ ᐎ ᓂᓇᐃᑐᐛᐅᒡ ᐅᑎᐸᔨᒋᒐᐛ ᒋᓴᓴ ᐊᓂᔭ ᐛᒋᒪᒧᐛᐧᒄ᙮ ᐛᔅᑭᒡ ᒪᒃ ᐊᓐᑕ, ᒋᓴᒪᓂᑐᐤ ᐅᒥᓯᓇᐃᑭᓂᒡ ᒋ ᓂᑲᓐ ᐎᑕᑭᓄᐤ ᐊᓐᑕ ᐊᔅᒄ ᒐ ᐛᐛᓯᐊᑭᓄᐎᒡ ᐅᒡ᙮

ᒋᔅᒐᔨᑕᑯᑕᒐᐅᓐ 18:7

ᒧᔭᒻ ᑲ ᐃᔅᐱᔅ ᒋ ᒋᔅᑕᔨᑕᑯᐃᓱᒡ ᐅᒡ ᐃᔪᒡ ᑭᔭ ᒧᔭᒻ ᑲ ᐃᔅᐱᔅ ᓇᔅᒡ ᒥᓯᐛ ᒋ ᐃᓯ ᒪᒥᔽᔨᑎᒥᐃᓱᒡ ᓂᓇᐧᑯᐤ ᐊ ᐎ ᐃᓯ ᐛᐛᒋᐃᓱᒡ, ᐊᐅᑯᓐ ᒧᔭᒻ ᐃᑐᑐᐛᐧᑯᒡ ᒐᒋ ᐃᔅᐱᔅ ᒥᒐᔨᑕᒡ ᑕᓐ ᒐ ᐃᔅᐱᔅ ᓂᓇᐧᑲᑕᔨᒧᐊᑭᓄᐎᒡ᙮ ᐛᔅ ᐅ ᐅᑕᓇᐤ ᒧᔭᒻ ᐊ ᒪᒥᒋᒧᑦ ᐊᐛᓐ ᐅᑕᐃᒡ ᐊᐅᑯᓐ ᐊ ᐊᐃᒡ᙮ ᐃᔅᒋᔄᒥᑭᓐ, ‘ᒧᔭᒻ ᒋᓴᐅᒋᒪᔎᐤ ᓂᑦ ᐊᐱᓐ᙮ ᓇᒪᔭᐤ ᑲ ᐸᐃᑯᓯᑦ ᐃᔎᐤ ᓂᔾ᙮ ᑭᔭ ᓇᒪ ᐎ ᓂᔾ ᓂᑕ ᓂᑭ ᐅᒋ ᒧᓯᑕᓐ ᑕᓐ ᐊ ᐃᓯ ᒥᓯᒪᔨᑕᐧᒃ ᐃᔎᐤ ᐊ ᐅᓇᐊᑦ ᐅᓇᐸᒪ᙮’

ᒋᔅᒐᔨᑕᑯᑕᒐᐅᓐ 19:20

ᐊᑯ ᒂ ᒪᑯᓇᑭᓄᐅᑦ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ᐅᒋᔅᒋᐛᐃᒐᓱᐤ ᑲ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ᐊᐛᓯᓴ ᐊ ᑕᔨᒋ᙮ ᐊᑯᑕ ᑲ ᐅᒋ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ᐅᑎᓂᒥᔨᒋ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ᐊᐛᓯᓴ ᐊ ᐃᓯᓇᑯᓯᔨᒋ ᑲ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ᐛᐱᓇᑭᓄᐎᒡ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ᐃᔎᑕᔨᒡ ᐊ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ᐎᓂᒪᔅᑕᔨᒡ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”

ᒋᔅᒐᔨᑕᑯᑕᒐᐅᓐ 22:15

ᐊᓐᒡ ᒪᒃ ᑲ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐅᒡ, ᐊᓐᒡ ᐎᓂᓱᐅᓂᒡ ᑲ ᐃᓯ ᐱᒥᐧᑯᐛᒡ ᐊᐛᔪᐛ, ᐊᓐᒡ ᑲ ᓂᐸᐃᐛᒡ ᑭᔭ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᓇᒪ ᒋᑭ ᒋ ᐱᒐᐅᒡ ᐊᓂᔭᔪᐤ ᐅᑕᓇᔪᐤ᙮