ᐱᓕᐱᔭᓇ 2:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᑕᓐ ᑲ ᐃᓯ ᒪᒥᑐᓇᔨᑕᐧᒃ ᙭ ᐊᐅᑯᓐ ᑭᔭ ᒋᔨᐛᐤ ᒋᐸ ᐃᓯ ᒪᒥᑐᓇᔨᑕᓇᐛᐤ᙮

ᐱᓕᐱᔭᓇ 2:5 Cross References

ᒪᑎᔪᐤ 11:29

ᐅᑎᓂᒪᓱᒄ ᓂᑦ ᐊᐱᔅᑲᑭᓐ, ᒋᔅᒋᓄᐛᐱᒥᒄ ᒪᒃ, ᐛᔅ ᓂᔪᔅᐸᑎᓯᓐ ᑭᔭ ᓂ ᑎᐱᑕᔨᒧᓐ ᓂᑕᐃᒡ᙮ ᑭᔭ ᒋᑭ ᒥᔅᑲᓇᐛᐤ ᒪᒃ ᒐ ᐃᓯ ᐊᔽᐱᒡ ᒋᑦ ᐊᒐᐧᑯᐛᐅᒡ᙮

ᓗᒃ 22:27

ᐛᔅ ᐊᓐ ᑲ ᐊᐱᑦ ᐊᓐᑕ ᒥᒋᓱᐛᑭᓇᑎᑯᒡ ᐃᐛᒃ ᐃᔅᐸᔨᑕᑯᓱᐤ ᐃᑕᔨᒪᑭᓄᐤ ᐃᔅᐱᔅ ᐊᓐ ᑲ ᐊᐱᒋᐊᑭᓄᐅᑦ᙮ ᓂᔾ ᒪᒃ ᓂᒋ ᐱᐸᐃᑕᓐ ᐅᑕ ᐊ ᑕᔭᒄ ᒧᔭᒻ ᑕᑈ ᐊᐱᒋᐊᑭᓐ ᐊᒋ ᐱᐸᐃᓯᓇᑯᓯᔭᓐ᙮”

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 20:35

ᐊᓐ ᒪᒃ ᒥᓯᐛ ᑲ ᐊᑎ ᐊᐃᑎᔭᓐ ᑭᔭ ᑲ ᐃᔅᐱᔅ ᒋ ᒥᔅᑎ ᐊᐱᑎᓯᔭᓐ ᒧᔅ ᔅᒋ ᐎ ᐛᐸᑎᔨᑎᓇᐛᐤ ᑕᓐ ᒋᐸ ᐎ ᐃᓯ ᐎᒋᐊᓄᒡ ᐊᓐᒡ ᑲ ᒋᔅᑎᒪᑎᓯᒡ ᑭᔭ ᒐᒋ ᒋᔅᒋᓯᔭᐧᒄ ᑕᓐ ᑲ ᐃᔅᒋᔄᑦ ᒋᑎᐸᔨᒋᒐᓯᒥᓄᐤ, ᐊᑐᐎᔅ ᐊᓐ ᐊᐛᓐ ᑲ ᒥᔨᐛᑦ ᒐᒂᔪᐤ ᓱᐛᔨᑕᑯᓱᐤ ᐃᔅᐱᔅ ᐊᓐ ᐊᐛᓐ ᑲ ᒥᔭᑭᓄᐅᑦ ᒐᒂᔪᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:15

ᐛᔅᑐᐛᔨᑎᒥᐊᐅᑕ ᒋᐧᑲᓂᔅ ᐃᔭᐱᒡ ᒥᒄ ᐊ ᐃᓯᓇᒂᒡ ᒐᒂᓐ ᐊ ᒥᒋᔨᓐ ᓇᒪ ᒋ ᓴᒋᐊᐤ ᐊᓂᔭ ᐊ ᐃᑐᐅᑦ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓐ ᒋᐧᑲᓂᔅ ᒐᒋ ᓂᓱᐅᓇᑎᓯᑦ ᐊᓐ ᐊ ᐃᑎᔨᓐ ᒥᒄ ᐊ ᐃᓯᓇᒂᒡ ᒐᒂᓐ ᐊ ᒥᒋᔨᓐ, ᐛᔅ ᒋ ᓂᐱᔅᑎᒪᑯᐤ ᙭ᑕ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:3

ᐛᐛᒡ ᙭ ᓇᒪ ᐅᒋ ᐃᓯ ᐱᒪᑎᓯᐤ ᒥᒄ ᐎᔾ ᒐᒋ ᓇᐊᔨᑎᒥᑎᓱᑦ᙮ ᐃᔭᐱᒡ ᐊᓂᔭ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᐅᑯᓐ ᑲ ᐃᔅᐱᔨᒡ, “ᓂᔾ ᓂᒋ ᒪᔭᔨᒥᑯᒡ ᐊᓐᒡ ᑲ ᒪᔭᔨᒥᔅᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:5

ᒋᓴᒪᓂᑐᐤ ᐊᓐ ᑲ ᒥᔨᐛᑦ ᓯᐱᔪᐛᓯᐅᓂᔪᐤ ᑭᔭ ᑲ ᓯᒋᒧᐛᑦ ᐊᐅᒄ ᓇᑐᑎᒧᐅᒃ ᒐᒋ ᑐᑕᑕᒄ ᒐᒋ ᒥᔪ ᐎᒐᐅᑐᐛᒄ ᐊ ᒋᔅᒋᓄᐛᐱᒪᒄ ᙭ ᑕᓐ ᐎᔾ ᑲ ᐊᐃᑎᑦ᙮

1 ᑯᕆᓐᑎᔭᓇ 10:33

ᐊᐅᑯᓐ ᐊ ᐃᑎᔭᓐ ᓂᔾ, ᒧᔅ ᓂ ᐎ ᓂᓇᐃᑎᒪᐤ ᒥᓯᐛ ᐊᐛᓐ ᒥᓯᐛ ᑕᓐ ᐊ ᐃᑎᔭᓐ᙮ ᓂ ᑯᒋᑕᓐ ᐊᑲ ᒥᒄ ᓂᔾ ᒐᒋ ᒪᒥᑐᓇᔨᒥᓱᔭᓐ ᒐᒂᓐ ᐊᓐ ᒐ ᒥᔪ ᐎᒋᐃᑯᐛᓇ᙮ ᐊᔪᐤ ᐊᓂᔭᔪᐛ ᒐᒂᔪᐛ ᑯᑎᑭᒡ ᐊᐛᓐᒋ ᒐ ᒥᔪ ᐎᒋᐃᑯᐛᒂ ᓂ ᒪᒥᑐᓇᔨᑎᒥᐃᑯᓐ, ᑭᔭ ᒐᒋ ᐃᓯᓇᑯᓂᔨᒡ ᒐᒋ ᐱᒪᒋᐅᒡ᙮

ᐃᐱᓯᔭᓇ 5:2

ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᐱᓕᐱᔭᓇ 1:1

ᓂᔾ ᑈᓪ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᒋᓴᔅ ᙭ ᑲ ᑕᑈᔭᔨᒪᒄ ᐊᓐᑕ ᐱᓕᐸᐃᒡ ᑲ ᑕᔭᒄ᙮ ᑎᒧᑎ ᑭᔭ ᓂᔾ ᑕᐱᔅᑯᓐ ᓂᑦ ᐊᑐᔅᑯᐛᓇᓐ ᒋᓴᔅ ᙭᙮ ᑭᔭ ᒋᔨᐛᐤ ᑲ ᓂᑲᓂᔅᑯᐛᑯᒡ ᒪᒧᐤ ᑲ ᐊᔭᒥᐊᐛᑎᓯᒡ ᑭᔭ ᒋᔨᐛᐤ ᑲ ᐎᒋᐃᐛᔭᒄ ᐊᓐᑕ ᐊᔭᒥᐊᐅᒋᐛᐱᒡ ᒋ ᒥᓯᓇᐊᒪᑎᓇᓐ᙮

1 ᐱᑕᕐ 2:21

ᐛᔅ ᐊᐅᒄ ᐛᒋ ᐎᓴᒥᑯᐅᔭᒄ, ᐊᓂᔭ ᙭ ᐊᒋ ᐛᐎᓯᒐᔨᑎᒥᐊᑭᓄᐅᑦ ᔅᒋ ᓂᑭᑎᒪᑯᐛᐤ ᒐᒂᔪᐤ ᒐ ᒋᔅᒋᓄᐛᐸᑎᒺᒄ, ᒐᒋ ᑕᑕᐸᐊᒺᒄ ᑕᓐᑕ ᑲ ᐊᑎ ᐱᒧᑕᑦ᙮

1 ᐱᑕᕐ 4:1

᙭ ᒪᒃ ᐊᒋ ᐛᐎᓯᒐᔨᑕᐧᒃ ᐎᔭᓱᐅᓂᒡ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᑦ ᑭᔭ ᒋᔨᐛᐤ ᐊᑯᓐ ᒋᐸ ᐃᓯ ᒪᒥᑐᓇᔨᑎᒥᐃᑯᓇᐛᐤ ᒐᒋ ᐃᓯ ᐊᔭᔅᑯᐎᔅᑎᒪᒄ, ᐛᔅ ᐊᓐ ᐊᐛᓐ ᑲ ᐛᐎᓯᒐᔨᑎᒥᐊᑭᓄᐅᑦ ᐎᔭᓱᐅᓂᒡ ᐳᓂᑕᐤ ᒥᒐᑎᓯᐅᓂᔪᐤ᙮

1 ᒠᓐ 2:6

ᐊᓐ ᐊᐛᓐ ᑲ ᐃᔅᒋᔄᑦ ᐊ ᐎᒐᐛᑦ ᒋᓴᒪᓂᑐᐛ, ᒧᔭᒻ ᒋᓴᔅ ᙭ᑕ ᑲ ᐃᓯ ᐱᒧᑕᔨᒋ ᒋᐸ ᐃᓯ ᐱᒧᑕᐤ᙮