ᐱᓕᐱᔭᓇ 2:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᒥᓯᐛ ᑯᑎᑭᒡ ᐊᐛᓐᒋ ᒥᒄ ᐎᔨᐛᐤ ᓂᓇᑭᑐᐛᔨᒥᓱᐅᒡ, ᓇᒪ ᐊᐱᑕᔨᑎᒥᐃᑯᐅᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ᙮

ᐱᓕᐱᔭᓇ 2:21 Cross References

ᒪᑎᔪᐤ 16:24

ᐊᑯ ᒋᓴᔅ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᐛᓐ ᐛ ᓇᓴᐅᒂ ᐊᑯᔅ ᒋᑭ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᑭ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᑭ ᐸᒋ ᐎᒐᐅᒄ᙮

ᓗᒃ 14:26

“ᐊᐛᓐ ᐛ ᓇᓴᐅᒂ ᑕᓐ ᐊ ᐃᓯ ᐱᒪᑎᓯᔭᓐ, ᓂᔾ ᐊᑐᐎᔅ ᓂᑭ ᓴᒋᐃᒄ ᐊᔅᐱᔅ ᓴᒋᐊᑦ ᐅᑕᐎᔭ ᑭᔭ ᐅᑲᐎᔭ, ᐎᐛ, ᐅᑦ ᐊᐛᓯᒪ ᑭᔭ ᑎᐱᔨᐛ ᐎᐧᑲᓂᓴ᙮ ᓂᔾ ᐅᔅᑕ ᓂᑭ ᓴᒋᐃᒄ ᐃᔅᐱᔅ ᐎᔾ ᐊ ᐃᔅᐱᔅ ᓴᒋᑕᑦ ᑎᐱᔨᐛ ᐅᐱᒪᑎᓯᐅᓐ᙮ ᐊᑲ ᒪᒃ ᒋ ᑎᒐ ᓇᒪ ᓂᑭ ᒋ ᐅᒋᔅᒋᓄᐊᒧᐛᑭᓂᑐᑐᐛᐤ᙮

ᐊᑈᔅᑕᓇᒡ 13:13

ᐊᑯ ᑈᓪ ᐊᓂᔭ ᒪᒃ ᐎᒐᐛᑭᓇ ᐊᑯᑕ ᐊᓐᑕ ᐸᐳᔅ ᑲ ᐅᒋ ᐳᓯᒡ, ᐊᑯ ᐊᓐᑕ ᐸᕐᑲ ᑲ ᐃᔅᒋᒪᒡ ᐊᓐᑕ ᐸᒻᐱᓕᔭ ᐊᔅᒋᒡ ᑲ ᑎᒂᒡ ᐅᑕᓇᐤ᙮ ᐊᑯᑕ ᐊᓐᑕ ᐸᕐᑲᒡ ᑲ ᐅᒋᔅᑭᑎᑯᒡ ᒠᓐ-ᒪᕐᑲ ᐊᑯ ᐊᓐᑕ ᒋᕈᓯᓕᒥᒡ ᑲᐤ ᒂ ᐃᓯ ᒋᐛᔨᒋ᙮

ᐊᑈᔅᑕᓇᒡ 15:38

ᒥᒄ ᒪᒃ ᑈᓪ ᓇᒪ ᐅᒋ ᐎ ᔅᑐᑕᐊᐤ ᐎᔾ, ᐛᔅ ᒋ ᓂᑭᑎᑯᐅᒡ ᒠᓐ-ᒪᕐᑲ ᐊᓐᑕ ᐸᒻᐱᓕᔭᒡ ᑲ ᑕᒡ ᐊᒋ ᐳᓂᑦ ᐊᔅᒄ ᐊᑲ ᐅᒋ ᒋᔅᑕᒡ ᐅᑦ ᐊᑐᔅᒐᐅᓄᐛᐤ᙮

1 ᑯᕆᓐᑎᔭᓇ 10:24

ᓇᒪ ᒥᒄ ᐊᓂᔭ ᐎ ᐊ ᒥᔪ ᐎᒋᐃᑯᑦ ᒐᒂᔪᐤ ᒋᐸ ᐅᒋ ᐃᑐᑎᒻ ᐊᐛᓐ᙮ ᐃᔭᐱᒡ ᐃᑐᑎᒧᒄ ᒐᒂᓐ ᒐ ᒥᔪ ᐎᒋᐃᑯᒡ ᑯᑎᑭᒡ ᐊᐛᓐᒋ᙮

1 ᑯᕆᓐᑎᔭᓇ 10:33

ᐊᐅᑯᓐ ᐊ ᐃᑎᔭᓐ ᓂᔾ, ᒧᔅ ᓂ ᐎ ᓂᓇᐃᑎᒪᐤ ᒥᓯᐛ ᐊᐛᓐ ᒥᓯᐛ ᑕᓐ ᐊ ᐃᑎᔭᓐ᙮ ᓂ ᑯᒋᑕᓐ ᐊᑲ ᒥᒄ ᓂᔾ ᒐᒋ ᒪᒥᑐᓇᔨᒥᓱᔭᓐ ᒐᒂᓐ ᐊᓐ ᒐ ᒥᔪ ᐎᒋᐃᑯᐛᓇ᙮ ᐊᔪᐤ ᐊᓂᔭᔪᐛ ᒐᒂᔪᐛ ᑯᑎᑭᒡ ᐊᐛᓐᒋ ᒐ ᒥᔪ ᐎᒋᐃᑯᐛᒂ ᓂ ᒪᒥᑐᓇᔨᑎᒥᐃᑯᓐ, ᑭᔭ ᒐᒋ ᐃᓯᓇᑯᓂᔨᒡ ᒐᒋ ᐱᒪᒋᐅᒡ᙮

1 ᑯᕆᓐᑎᔭᓇ 13:5

ᓇᒪ ᒋᒋᐛ ᐃᑕᔨᒥᓱᐤ, ᑭᔭ ᓇᒪ ᒪᔭᔨᒐᐤ᙮ ᓇᒪ ᒥᒄ ᐎᔾ ᐛ ᐃᑎᑦ ᐃᑐᐤ ᓯᔭᒋᐊᒂ ᐊᐛᔪᐛ᙮ ᓇᒪ ᐛᐧᑲᔅᑲᑯᐤ ᐊᐛᔪᐛ ᑭᔭ ᓇᒪ ᑭᓄᐛᔨᑎᒻ ᐊᓂᔭ ᑕᓐ ᑲ ᐃᓯ ᒋᔄᐃᑯᑦ ᐊᐛᔪᐛ᙮

2 ᑯᕆᓐᑎᔭᓇ 1:5

ᒋ ᓂᒋᔅᑲᓇᓄᐤ ᒥᔅᑎ ᓂᓇᐧᑲᑕᔨᒧᐅᓐ ᒧᔭᒻ ᙭ ᑲ ᐃᓯ ᓂᒋᔅᑲᐧᒃ, ᒋᑭ ᒥᔨᑯᓄᐤ ᒪᒃ ᑭᔭ ᒋᓴᒪᓂᑐᐤ ᒥᔽᔨᒧᐅᓂᔪᐤ ᙭ᑕ ᐅᒡ᙮

ᐱᓕᐱᔭᓇ 2:4

ᓇᒪ ᒥᒄ ᑭᔭ ᒋᐸ ᐅᒋ ᓂᓇᑭᑐᐛᔨᒥᓱᓐ ᑯᑎᑭᒡ ᑭᔭ ᐊᐛᓐᒋ ᒋᐸ ᓂᓇᑭᑐᐛᔨᒪᐅᒡ᙮

2 ᑎᒧᑎ 1:15

ᐛᔅ ᒋ ᒋᔅᒐᔨᑕᓇᒐ ᒥᓯᐛ ᐊᓐᒡ ᑲ ᒂᔅᑲᑎᓯᒡ ᐊᓐᑕ ᐊᐃᓴ ᐊ ᑕᒡ ᐊᒋ ᓂᑭᓯᒡ, ᐱᒋᓚᔅ ᑭᔭ ᐊᕐᒪᑭᓂᔅ ᓇᒪ ᓇᔅᒡ ᓂᑦ ᐊᐱᑕᔨᒥᑯᒡ᙮

2 ᑎᒧᑎ 3:2

ᐅᔅᑕ ᐎᔾ ᒋᑭ ᐃᑕᔨᒥᓱᐤ ᐊᐛᓐ, ᑭᔭ ᓇᔅᒡ ᑕᑈ ᒋᑭ ᓴᒋᑕᐅᒡ ᓱᓇᔭᔪᐤ᙮ ᓇᔅᒡ ᒋᑭ ᒪᒥᔽᒋᒥᓱᒡ, ᓇᔅᒡ ᒋᒋᐛ ᒋᑭ ᐃᑕᔨᒥᓱᒡ ᐊ ᐸᔅᑕᒧᒡ, ᑭᔭ ᓇᔅᒡ ᒋᑭ ᒪᒪᔭᔨᒐᐅᒡ᙮ ᑭᔭ ᓇᒪ ᒋᑭ ᐅᒋ ᓂᓇᐃᑐᐛᐅᒡ ᐅᓂᒋᐃᑯᐛᐛ᙮ ᓇᒪ ᓇᔅᒡ ᒋᑭ ᐅᒋ ᓂᓇᔅᑯᒧᒡ ᒐᒂᔪᐤ ᑭᔭ ᓇᒪ ᓇᔅᒡ ᒋᑭ ᐅᒋ ᐊᐱᑕᔨᒪᐅᒡ ᒋᓴᒪᓂᑐᐛ᙮

2 ᑎᒧᑎ 4:10

ᑎᒪᔅ ᐎᔾ, ᓴᔅ ᐅᔅᑕ ᐅᔭ ᐊᔅᒋᔪᐤ ᓴᒋᑕᐤ ᑭᔭ ᓂᒋ ᓂᑭᑎᒄ, ᐊᓐᑕ ᑕᓴᓗᓇᐃᑲᒡ ᐊᑯᑕ ᑲ ᐃᑐᑕᑦ᙮ ᑭᕋᓴᓂᔅ ᒪᒃ ᐎᔾ ᐊᓐᑕ ᑲᓚᓯᔭᒡ ᐊᑯᑕ ᑲ ᐃᑐᑕᑦ᙮ ᐊᑯ ᑕᐃᑕᔅ ᐊᓐᑕ ᑕᓪᒪᓯᔭᒡ ᐊᑯᑕ ᐎᔾ ᑲ ᐃᑐᑕᑦ᙮

2 ᑎᒧᑎ 4:16

ᐃᔅᐱ ᒪᐅᒡ ᓂᔅᑎᒻ ᑲ ᐅᑎᔅᑯᑲᐳᔅᑎᒪᓐ ᐊ ᑎᐸᔅᑯᓂᑯᐅᔭᓐ, ᓇᒪ ᐛᐛᒡ ᐸᐃᒄ ᐊᐛᓐ ᓂ ᐅᒋ ᐎᒋᑲᐳᐅᔅᑕᒄ, ᒥᓯᐛ ᐊᐛᓐᒋ ᓂᒋ ᓂᑭᑎᑯᒡ᙮ ᑭᒪ ᐊᑲ ᒪᑎᑯᔅᑲᑯᒡ ᐅᔭ ᑕᓐ ᑲ ᐃᓯ ᑐᑕᒡ᙮