ᐱᓕᐱᔭᓇ 2:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᙭ ᒋ ᐃᑐᑕᑯᐛᐤ ᒐᒋ ᐊᔨᒋᑲᐳᐃᑐᔭᒄ᙮ ᙭ ᒋ ᐃᑐᑕᑯᐛᐤ ᒐᒋ ᓴᒋᐃᑐᔭᒄ ᑭᔭ ᒐᒋ ᓯᒋᒥᑐᔭᒄ᙮ ᑲ ᐸᔭᒋᓯᑦ ᐊᒐᐧᒄ ᒋ ᐃᑐᑕᑯᐛᐤ ᒐᒋ ᒥᔪ ᐎᒐᐅᑐᔭᒄ᙮ ᙭ ᒋ ᐃᑐᑕᑯᐛᐤ ᒐᒋ ᒋᓴᐛᑐᑕᑐᔭᒄ ᑭᔭ ᒐ ᒋᔅᑎᒪᒐᔨᒥᑐᔭᒄ᙮

ᐱᓕᐱᔭᓇ 2:1 Cross References

ᑎᐱᑦ ᐅᓂᑭᒧᐅᓇ 133:1

ᐛᐸᑎᒥᒄ, ᐊᔅᐱᔅ ᒥᔽᓯᔨᒡ ᑭᔭ ᒥᔪᓇᑯᓂᔨᒡ ᑲᐎᐧᑲᓂᓯᑕᑐᒡ ᒐᒋ ᐎᒋᒥᑐᒡ ᐊ ᐸᐃᑯ ᒥᑐᓇᔨᒋᑭᓂᒡ᙮

ᓗᒃ 2:25

ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ᑕᐤ ᓇᐸᐤ, ᓯᒥᐅᓐ ᐊ ᐃᓯᓂᐧᑲᓱᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᒋ ᐊᔭᒥᐊᐛᑎᓯᐤ᙮ ᑭᔭ ᒋ ᐸᓱᐛᔨᒪᐤ ᐊᓂᔭ ᑲ ᐸᑕᒋᒪᑭᓄᔨᒋ ᐅᐱᒪᒋᐃᐛᐛ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒋᔅᑲᑯᐤ᙮

ᒠᓐ 14:18

“ᓇᒪ ᓇᐅᔅ ᒋᑭ ᐅᒋ ᓂᑭᑎᑎᓇᐛᐤ ᐅᑕ ᐊᔅᒋᒡ᙮ ᒥᓐ ᒋᑭ ᐸᒋ ᓂᑐᐛᐱᒥᑎᓇᐛᐤ᙮

ᒠᓐ 14:27

“ᒋ ᓂᑭᑎᒪᑎᓇᐛᐤ ᒋᔭᒪᔨᑎᒧᐅᓐ᙮ ᓂᔾ ᓂᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᓇᒪ ᐅᑕ ᐊᔅᒋᒡ ᐊ ᐃᑕᔨᑕᒂᒡ ᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᐊᑲᐎᔾ ᒪᒃ ᒥᑯᔅᑲᑕᔨᑎᒧᒄ ᑭᔭ ᐊᑲᐎᔾ ᑯᔅᑕᒋᒄ᙮”

ᒠᓐ 17:13

“ᐊᓄᒡ ᒪᒃ ᒋ ᐸᒋ ᓇᑎᑎᓐ, ᐅᔭ ᒪᒃ ᒐᒂᔪᐛ ᓂ ᐎ ᑕᓐ ᐅᑕ ᐊᔅᒋᒡ ᒐᒋ ᓴᑭᔅᒋᓇᔅᑲᑯᒡ ᓂᒧᒋᒐᔨᑎᒧᐅᓂᔪᐤ᙮

ᐊᑈᔅᑕᓇᒡ 2:46

ᐊᓯᑯᒻ ᒋᓯᑲᐛ ᒪᒃ ᒋ ᒪᒧᐎᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᒋ ᒪᒧᐤ ᒥᒋᓱᐅᒡ ᐎᒋᐛᐛᒡ, ᐊ ᒥᔽᔨᑕᒡ ᐅᑕᐃᐛᒡ ᐊ ᒥᔨᑐᒡ ᑕᓐ ᐊ ᐃᓯ ᐊᔭᒡ᙮

ᐊᑈᔅᑕᓇᒡ 4:32

ᐊᑯ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ, ᒋ ᐸᐃᑯ ᒥᑐᓇᔨᑎᒧᒡ ᑭᔭ ᐸᐃᑯᓄᒡ ᒋ ᐃᓯ ᐎᔭᔨᑎᒧᒡ᙮ ᑕᓐ ᑲ ᐃᓯ ᑎᐱᔨᐛᐅᓯᑦ ᐊᐛᓐ ᒐᒂᔪᐤ ᓇᒪ ᐅᒋ ᐃᑕᔨᑎᒻ ᒥᒄ ᐎᔾ ᐊ ᑎᐱᔨᐛᐅᓯᑦ, ᒥᓯᐛ ᐊᐛᔪᐛ ᒋ ᒪᒧᐤ ᐊᐱᒋᑕᔪᐛ ᑕᓐ ᑲ ᐃᓯ ᐊᔭᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:5

ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:26

ᑎᑯᓐ ᑕᓐ ᐊᔅᐱᔅ ᐊᑲ ᓴᐸᔨᑎᒪᐧᒄ ᒥᒄ ᒪᒃ ᑕᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᑕᐧᒄ᙮ ᒧᔭᒻ ᐊ ᐃᓯᓇᑯᓯᔭᐧᒄ ᓇᓂᑯᑎᓂᔾ ᐊᑲ ᒋᔅᒐᔨᑎᒪᐧᒄ ᑕᓐ ᐊᓐ ᒋᐸ ᐃᓯ ᐊᔭᒥᐊᓇᓄᐤ᙮ ᐊᑯᑕ ᒪᒃ ᓇᑐᑎᒪᔅᑎᒪᑕᒄ ᑲ ᐸᔭᒋᓯᑦ ᐊᒐᐧᒄ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐊ ᒪᒪᑥᔭᐧᒄ ᐊᑲ ᒋ ᐎᑎᒧᐛᐧᒄ ᑕᓐ ᐊᓐ ᐊ ᐃᑎᒪᒋᐅᔭᐧᒄ᙮

1 ᑯᕆᓐᑎᔭᓇ 12:13

ᐸᐃᑯᓱᐤ ᐊᓐ ᐊᒐᐧᒄ ᐊᑎ ᒥᓯᐛ ᐸᐃᒄ ᒥᔪᐤ ᑲ ᐅᒋ ᐃᓯᐃᑯᐅᔭᐧᒄ ᑲ ᓯᑲᐃᑕᑯᐅᔭᐧᒄ᙮ ᓇᒪ ᐎᔭᓯᓐ ᒍᐤ ᐊ ᐃᑎᔅᑲᓇᓯᒂ ᐊᐛᓐ ᒪᒃ ᐊᑲ ᒍᐤ ᐃᑎᔅᑲᓇᓯᒂ, ᑭᔭ ᒪᒃ ᐊᐱᒋᐊᑭᓐ ᐊ ᐃᑕᐱᒋᐊᑭᓄᒂ ᑭᔭ ᒪᒃ ᐊᑲ ᐊᐱᒋᐊᑭᓐ ᐃᑕᐱᒋᐊᑭᓄᒂ᙮ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᐸᐃᒄ ᐊᒐᐧᒄ ᒋᐱᒋᔅᑲᑭᓄᐤ᙮

1 ᑯᕆᓐᑎᔭᓇ 15:31

ᓂᐧᑲᓂᓯᑐᒄ, ᐊᓯᑯᒻ ᒋᓯᑲᐛ ᓂ ᐸᓱᐛᐸᑕᓐ ᓂᐳᐅᓐ᙮ ᐊᓐ ᐊ ᐃᓯ ᒪᒥᒋᐃᔭᒄ ᑕᐱᔅᑯᓐ ᐊ ᐎᒐᐅᒄ ᐅᑎᐸᔨᒋᒐᐤ ᒋᓴᔅ ᐊᑯᑕ ᐛᒋᐱᔨᒡ ᐅ ᒐᒋ ᐃᔅᒋᔄᔭᓐ᙮

1 ᑯᕆᓐᑎᔭᓇ 3:16

ᓇᒪ ᓇ ᐊ ᒋ ᒋᔅᒐᔨᑕᓇᐛᐤ ᒧᔭᒻ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᐊ ᐃᓯᓇᑯᓯᔭᒄ, ᑭᔭ ᒋᓴᒪᓂᑐᐤ ᐅᑦ ᐊᒐᒂ ᐊ ᐱᒋᔅᑲᑎᑕᑯ᙮

2 ᑯᕆᓐᑎᔭᓇ 13:14

ᐅᒥᔪᐧᑲᒐᐅᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭, ᑭᔭ ᐅᓴᒋᐃᐛᐅᓐ ᒋᓴᒪᓂᑐᐤ, ᑭᔭ ᐅᐎᒋᐃᐛᐅᓐ ᑲ ᐸᔭᒋᓯᑦ ᐊᒐᐧᒄ, ᒧᔅ ᑲᒋᒡ ᒋᑭ ᑎᑯᓂᔪᐤ ᒥᓯᐛ ᐊ ᑕᐛᒄ᙮ ᐊᒥᓐ᙮

2 ᑯᕆᓐᑎᔭᓇ 2:14

ᒥᒄ ᒪᒃ ᑕᑈ ᓂᓇᔅᑯᒪᐤ ᒋᓴᒪᓂᑐᐤ ᐛᔅ ᒧᔅ ᐎᔾ ᓂ ᒋᔅᒋᓄᑕᐃᒄ ᑕᓐᑕ ᐊ ᐃᑐᑕᐅᒡ ᐊ ᐎᒋᐃᑦ ᐊ ᐊᔨᒧᒥᒋ ᙭ᑕ ᒐᒋ ᐅᒋ ᒋᔅᒐᔨᒪᑭᓄᔨᒋ, ᐛᔅ ᙭ ᒧᔅ ᐱᔅᒋᔭᒐᐅᓂᒡ ᒋ ᐊᑎ ᐃᓯ ᐱᒧᑕᔨᑯᓄᐤ᙮ ᒋᓴᒪᓂᑐᐤ ᒋ ᐎᒋᐃᑯᓄᐤ ᒐᒋ ᑎᐸᒋᒪᐧᒄ ᙭ ᒥᓯᐛ ᐊᐛᓐ ᒐᒋ ᒋᔅᒐᔨᒪᑦ᙮ ᐊ ᒋᔅᒐᔨᒪᑭᓄᐅᑦ ᙭ ᒧᔭᒻ ᑲ ᐎᒋᒪᑯᓯᒡ ᒐᒂᓐ ᐃᑕᔨᑕᑯᓐ᙮

ᑲᓚᓯᔭᓇ 4:6

ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᐃᐱᓯᔭᓇ 4:4

ᒥᓯᐛ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᑭᔭ ᒥᒄ ᐸᐃᑯᓱᐤ ᑲ ᐸᔭᒋᓯᑦ ᐊᒐᐧᒄ᙮ ᐸᐃᑯᓐ ᑭᔭ ᐊᔅᐸᔨᒧᐅᓐ, ᐊᓂᔭ ᒋᓴᒪᓂᑐᐤ ᑲ ᒥᔨᑕᒄ ᐃᔅᐱ ᑲ ᐅᑎᓂᑕᒄ᙮

ᐱᓕᐱᔭᓇ 1:8

ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᐊᔅᐱᔅ ᓇᔅᒡ ᐎ ᐎᒐᐅᑎᑯᒡ ᒥᓐ, ᐛᔅ ᙭ ᒋᓴᔅ ᓂᒋ ᐃᑐᑕᒄ ᓇᔅᒡ ᒐᒋ ᓴᒋᐃᑎᑯᒡ᙮

ᐱᓕᐱᔭᓇ 3:3

ᒋᔭᓄᐤ, ᐊᐅᒄ ᑕᑈ ᐛ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ, ᒋᔭᓄᐤ ᐅᑦ ᐊᒐᒂ ᑲ ᐎᒋᐃᑎᑕᐧᑯ ᐊ ᐊᔭᒥᐊᔅᑐᐛᐧᒄ ᑭᔭ ᒋ ᒋᔅᑕᔨᑕᑯᐊᓄᐤ ᙭ ᒋᓴᔅ ᐎᔾ ᐊᒋ ᐃᑐᑕᑕᐧᒄ ᒐᒋ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ᙮ ᓇᒪᐎᔾ ᐅᔅᒋᒡ ᒥᔭᒡ ᑕᓐ ᐊ ᐃᑐᑕᓱᔭᐧᒄ ᒋᑭ ᒋ ᐅᒋ ᒪᒥᒋᒧᓇᓄᐤ᙮

ᑯᓚᓯᔭᓇ 2:2

ᐊᐅᒄ ᐊ ᐃᑎᔭᓐ ᐊ ᐱᑯᓴᔨᒧᔭᓐ ᒐᒋ ᓱᒋᑕᐊᔭᒄ ᑭᔭ ᒐᒋ ᒪᒧᐱᔪᐅᔭᒄ ᐊ ᓴᒋᐃᑐᔭᒄ᙮ ᒋ ᓂᑐᐛᔨᒥᑎᓇᐛᐤ ᓇᔅᒡ ᒐᒋ ᓂᔅᑐᑎᒪᒄ ᒥᔽᒋᒧᐅᓐ ᒐᒋ ᓱᐛᔨᒥᑯᐅᔭᒄ ᐊ ᒋᔅᒐᔨᑎᒪᒄ ᐊ ᑕᑈᒥᑲᒡ᙮ ᓇᔅᒡ ᓂᔅᑐᑎᒪᒂ ᐊᑯᑕ ᒐ ᐅᒋ ᒋᔅᒐᔨᒪᒄ ᒋᓴᔅ ᙭, ᐊᓐ ᐊᑲ ᓂᑕ ᐅᒋ ᒋᔅᒐᔨᒪᑭᓄᐅᑦ ᐊᓐᑕ ᐅᑕᒡ᙮ ᒋ ᐃᑐᑎᒻ ᒪᒃ ᐊᑯ ᒋᓴᒪᓂᑐᐤ ᒐᒋ ᒋᔅᒐᔨᒪᑯ ᙭ᑕ᙮

ᑯᓚᓯᔭᓇ 3:12

ᒋᔨᐛᐤ ᒋᓴᒪᓂᑐᐤ ᑲ ᐅᑎᓂᑕᒄ ᑲ ᐸᔭᒋᓯᔨᒋ ᐅᑦ ᐃᔨᒪ ᑭᔭ ᑲ ᓴᒋᐊᑦ, ᒋᓴᐛᑎᓯᒄ, ᒋᔅᑎᒪᒐᔨᒪᐧᑯᒡ ᐊᐛᓐᒋ, ᑎᐱᑕᔨᒥᓱᒄ, ᔪᔅᐸᑎᓯᒄ ᑭᔭ ᓯᐱᔨᐛᓯᒄ᙮

ᐃᑉᕈᐛ 6:18

ᐛᔅ ᓇᒪ ᒋᑭ ᒋ ᑭᑭᒋᔭᐤ ᒋᓴᒪᓂᑐᐤ᙮ ᐛᔅ ᑕᓐ ᐊ ᐃᓯ ᒐᔅᑎᓄᒡ ᐃᔅᒋᔄᑦ ᒐᒂᔪᐤ ᐊᐅᑯᓐ ᒐ ᐃᔅᐱᔨᒡ᙮ ᒋ ᐃᔅᒋᔄᐤ ᒪᒃ ᐅᔭ ᒐᒋ ᒐᔅᑎᓇᑕᔨᑎᒪᐧᒄ ᐊᑲ ᓂᑕ ᐃᔭᒡ ᒐ ᐅᒋ ᐃᑕᔨᑕᐧᒃ᙮ ᐊᑯ ᒪᒃ ᐃᔅᐱ ᓇᑕᓯᒧᑐᑐᐛᒂ ᒐᒋ ᐱᒪᒋᐃᑕᐧᒄ, ᒐ ᔭᐃᑎᔅᑕᒡ ᒋᑦ ᐊᔅᐸᔨᒧᐅᓄᐤ ᐊ ᒐᔅᑎᓇᑕᔨᑎᒪᐧᒄ ᑕᓐ ᑲ ᐃᓯ ᓇᔅᐱᒡ ᑕᑈᑦ᙮

1 ᐱᑕᕐ 1:2

ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮

1 ᒠᓐ 3:24

ᒥᓯᐛ ᐊᓐᒡ ᑲ ᐃᑐᑎᒺᒡ ᑕᓐ ᐊ ᐃᑎᓱᒥᑯᒡ ᒋᓴᒪᓂᑐᐛ ᒧᔅ ᐎᒐᐛᐅᒡ ᒋᓴᒪᓂᑐᐛ ᑭᔭ ᐎᔨᐛᐤ ᒪᒃ ᒧᔅ ᐎᒐᐅᑯᐅᒡ᙮ ᐊᓂᔭᔪᐛ ᒪᒃ ᐅᑦ ᐊᒐᒂ ᑲ ᒥᔨᑕᐧᒄ, ᐊᑯᑕ ᐛᒋ ᒋᔅᒐᔨᑎᒪᐧᒄ ᐊ ᐎᒐᐅᑕᐧᒄ ᒋᓴᒪᓂᑐᐤ᙮

1 ᒠᓐ 4:12

ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒧᔭᒻ ᓯᐊᒋᐃᑐᐛᐛᒂ, ᒋ ᐱᒋᔅᑲᑯᓄᐤ ᒋᓴᒪᓂᑐᐤ ᑭᔭ ᐅᓴᒋᐃᐛᐅᓐ ᒐᔅᑎᓇᑕᔨᑕᑯᓂᔪᐤ ᐊ ᐱᒋᔅᑲᑯᐛᐧᒄ᙮

1 ᒠᓐ 4:16

ᐊᑯ ᒪᒃ ᒋᔅᒐᔨᑕᓇᓄᐤ ᑭᔭ ᒋ ᑕᑈᑕᓇᓄᐤ ᑕᑈ ᐊ ᓴᒋᐃᑕᐧᒄ ᒋᓴᒪᓂᑐᐤ᙮ ᒋᓴᒪᓂᑐᐤ ᐊᐅᒄ ᓴᒋᐃᐛᐅᓐ᙮ ᐊᓐ ᒪᒃ ᑲ ᑕᑦ ᓴᒋᐃᐛᐅᓂᒡ, ᐱᒋᔅᑯᐛᐤ ᒋᓴᒪᓂᑐᐛ ᑭᔭ ᐱᒋᔅᑲᑯᐤ ᒋᓴᒪᓂᑐᐛ᙮