ᐱᓕᐱᔭᓇ 1:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᓇᔅᒡ ᓂ ᐱᑯᓴᔨᑕᓐ ᑭᔭ ᓂᑦ ᐊᔅᐸᔨᒧᓐ ᐊᑲ ᓂᑕ ᒐᒋ ᐃᑐᑎᒪᓐ ᒐᒂᓐ ᐊᓐ ᒐᒋ ᐅᒋ ᐅᓂᑐᑎᒪᓐ ᐊ ᐊᑐᔅᑯᐅᒃ ᙭᙮ ᑎᔭᐧᑯᓂ ᒐᒋ ᓱᒋᑕᐊᔭᓐ ᒧᔅ ᒐᒋ ᒋᔅᑕᔨᑕᑯᐊᑭᓄᐅᑦ ᙭ ᓂᐱᒪᑎᓯᐅᓂᒡ ᒺᒡ ᐊᓄᒡ ᐊ ᐃᓯ ᒋᔅᑕᔨᑕᑯᐊᑭᓄᐅᑦ᙮ ᓂ ᐱᑯᓴᔨᑕᓐ ᒐᒋ ᒋᔅᑕᔨᑕᑯᐊᑭᓄᐅᑦ ᙭ ᓂᐱᒪᑎᓯᐅᓂᒡ ᒪᒂᒡ ᐊ ᐱᒪᑎᓯᔭᓐ ᑭᔭ ᒪᒃ ᓂᐸᐃᑯᐅᒐ ᐎᔾ ᐅᒡ᙮

ᐱᓕᐱᔭᓇ 1:20 Cross References

ᑎᐱᑦ ᐅᓂᑭᒧᐅᓇ 119:116

ᓯᑐᓂ ᐊ ᐃᔅᒋᔄᒥᑭᒡ ᒋᑦ ᐃᔨᒧᐅᓐ, ᒐᒋ ᐱᒪᑎᓯᔭᓐ: ᐊᑲ ᒪᒃ ᓇᐊᔨᒥ ᒐᒋ ᓴᒂᔨᒧᔭᓐ ᓂᑦ ᐊᔅᐸᔨᒧᐅᓂᒡ ᐅᒡ᙮

ᑎᐱᑦ ᐅᓂᑭᒧᐅᓇ 119:80

ᐊᑯᔅ ᓂᑕᐃ ᒋᑭ ᓱᑲᔅᑕᐤ ᒋᑦ ᐃᑎᓱᐛᐅᓂᒡ; ᒐ ᐊᑲ ᒋ ᓴᒂᔨᒧᔭᓐ᙮

ᑎᐱᑦ ᐅᓂᑭᒧᐅᓇ 25:2

ᐅ ᓂᒋᓴᒪᓂᑐᒻ, ᒋ ᒪᒥᓯᑐᑕᑎᓐ: ᐊᑲᐎᔾ ᓇᐊᔨᒥ ᒐᒋ ᐛᐛᓇᔨᑎᒪᓐ, ᐊᑲᐎᔾ ᓇᐊᔨᒥᒡ ᑲ ᐛᐧᑲᓯᒡ ᒐᒋ ᓴᐧᑯᒋᐃᒡ᙮

ᑎᐱᑦ ᐅᓂᑭᒧᐅᓇ 62:5

ᓂᑦ ᐊᒐᐧᒄ, ᒋᑭ ᐊᓯᓄᐛᐤ ᒋᓴᒪᓂᑐᐛ ᒥᒄ; ᐛᔅ ᐎᔾ ᓂᑦ ᐊᔅᐸᔨᒪᐤ᙮

ᒠᓐ 21:19

ᐅᔭ ᒪᒃ ᒋᓴᔅ ᑲ ᐃᔅᒋᔄᑦ ᒋ ᓂᑐᐛᔨᒪᐤ ᒐᒋ ᒋᔅᒐᔨᑎᒥᔨᒋ ᑕᓐᑕ ᒐ ᐃᓯ ᓂᐱᔨᒋ ᒐᒋ ᐅᒋ ᒋᔅᑕᔨᒪᑭᓄᔨᒋ ᒋᓴᒪᓂᑐᐛ᙮ ᐊᑯ ᒋᓴᔅ ᐊᑕᑦ, “ᐸᒋ ᐱᐸᐎᒐᐎ᙮”

ᐊᑈᔅᑕᓇᒡ 20:24

ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”

ᐊᑈᔅᑕᓇᒡ 21:13

ᒥᒄ ᒪᒃ ᓂᒋ ᐃᑎᑯᓇᓐ, “ᒐᒂᓐ ᐛᒋ ᒪᔭᒄ, ᓂ ᑯᓯᑯᑕᐊᓐ ᐊ ᒪᔭᒄ᙮ ᐃᔭᐱᒡ ᐛᔅ ᓂᑭ ᐃᑐᑕᓐ ᐊᓐᑕ ᒋᕈᓯᓕᒥᒡ᙮ ᓴᔅ ᐛᔅ ᐊᓐ ᓂᑦ ᐊᔭᔅᑯᔨᓐ ᓇᒪ ᒥᒄ ᒐᒋ ᒋᐸᐅᑯᔭᓐ ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᐅᒋ, ᓂᑦ ᐊᔭᔅᑯᔨᓐ ᑭᔭ ᒐ ᐎ ᓂᐸᐃᑯᐛᓇ ᐎᔾ ᐅᒡ᙮”

ᐊᑈᔅᑕᓇᒡ 4:31

ᐃᔅᐱ ᒪᒃ ᑲᒋ ᐃᓯ ᐊᔭᒥᐊᒡ, ᒋ ᐊᔭᒋᐱᔪᐤ ᐊᓂᔭᔪᐤ ᐊᓐᑕ ᑲ ᒪᒧᐎᒡ᙮ ᒥᓯᐛ ᒪᒃ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ, ᐊᑯ ᒪᒃ ᑲ ᓱᒐᔨᒧᒡ ᑭᔭ ᓇᒪ ᐅᒋ ᑯᔅᑕᒍᐅᒡ ᐊ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:1

ᐊᓂᔭ ᐊ ᐃᔅᐱᔅ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᒋ ᓂᑐᐛᔨᒥᑎᓇᐛᐤ, ᓂᐧᑲᓂᓯᑐᒄ, ᒐᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᒧᔭᒻ ᐊ ᐱᒪᑎᓯᒥᑲᒋ ᒥᔨᐛᐅᓇ ᐊ ᐃᓯᓇᒂᒋ, ᐊ ᐸᔭᐧᑲᒋ ᑭᔭ ᐊ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒋᐸ ᐃᑎᓇᐛᐤ ᒋᒋᐛ ᒐᒋ ᐃᓯ ᐊᑐᔅᑯᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:5

ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:13

ᐊᑲᐎᔾ ᑭᔭ ᓇᔅᒡ ᐱᔅᑎᓂᒥᒄ ᒋᔪᐛᐛ ᒥᒋᑥᐅᓂᒡ ᒐᒋ ᐃᓯ ᐊᐱᑎᒋ᙮ ᒋᓴᒪᓂᑐᐤ ᐃᔭᐱᒡ ᐱᔅᑕᔨᒥᑎᓱᔅᑐᐛᐧᒄ᙮ ᐊᑯ ᒪᒃ ᒐ ᐃᓯᓇᑯᓯᔭᒄ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ᙮ ᓇᔅᒡ ᐱᔅᑎᓂᒧᐛᐧᒄ ᒋᓴᒪᓂᑐᐤ ᒐᒋ ᑎᐸᔨᑕᐧᒃ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐᒋ ᐊᐱᒋᐃᑕᒄ ᒐᒋ ᒥᔪᑐᑎᒺᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:19

ᐊᐅᒄ ᐊ ᐃᓯ ᐃᔨᒥᐃᑎᑯᒡ ᐛᔅ ᐊᑯᑕ ᒥᒄ ᒐᒋ ᐅᒋ ᓂᔅᑐᑎᒪᒄ᙮ ᐸᐃᒂᐤ ᔅᒋ ᐃᓯᓇᑯᓯᓇᐛᐤ ᓇᔅᒡ ᐊᒋ ᐱᔅᑎᓂᓱᔭᒄ ᐎᓂᓱᐛᑎᓯᐅᓐ ᒐᒋ ᑎᐸᔨᒥᑯᔭᒄ ᑭᔭ ᔅᒋ ᐱᔅᑎᓂᓱᓇᐛᐤ ᐊᔭᔅᒃ ᒐᒋ ᐊᑎ ᒥᒐᑎᓯᔭᒄ᙮ ᐊᓄᒡ ᒪᒃ ᓇᔅᒡ ᐱᔅᑎᓂᓱᒄ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒧᑕᔭᒄ ᒐᒋ ᐅᒋ ᐸᔭᒋᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:19

ᒥᓯᐛ ᒐᒂᔪᐤ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᓇᔅᒡ ᐱᒂᔨᑎᒧᒥᑭᓂᔪᐤ ᐊ ᐊᓱᐛᐸᑎᒧᒥᑭᓂᔨᒡ ᒐ ᐃᔅᐱᔅ ᒧᓴ ᓄᑯᐊᑦ ᐅᑦ ᐊᐛᓯᒪ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:33

ᐊᐅᒄ ᐊ ᐊᔨᒧᑕᒡ ᒋᓴᒪᓂᑐᐤ ᐅᒥᓯᓂᐃᑭᓂᒡ ᐊᓐᑕ ᑲ ᐃᑎᔅᑕᒡ, ᐃᑕᐱᒄ ᒪ, ᓂ ᐱᔅᑎᓇᐤ ᓴᐃᔭᓂᒡ ᐊᓯᓂᔾ ᒐ ᐱᓱᓯᒧᐛᑦ᙮ ᒥᒐᐱᔅᒋᓱᐤ ᐅ ᐊᓯᓂᔾ, ᒋᑭ ᐸᒋᓯᓂᔪᐛ ᒪᒃ ᐊᓂᔭᔪᐛ ᐊᐛᔪᐛ ᒐ ᐱᓱᔅᑲᑯᑦ᙮ ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᓇᒪ ᓂᑕ ᒋᑭ ᐅᒋ ᐃᑕᔨᑎᒻ ᓴᒐᔾ ᐊ ᑕᑈᔭᔨᒪᑦ᙮

1 ᑯᕆᓐᑎᔭᓇ 15:31

ᓂᐧᑲᓂᓯᑐᒄ, ᐊᓯᑯᒻ ᒋᓯᑲᐛ ᓂ ᐸᓱᐛᐸᑕᓐ ᓂᐳᐅᓐ᙮ ᐊᓐ ᐊ ᐃᓯ ᒪᒥᒋᐃᔭᒄ ᑕᐱᔅᑯᓐ ᐊ ᐎᒐᐅᒄ ᐅᑎᐸᔨᒋᒐᐤ ᒋᓴᔅ ᐊᑯᑕ ᐛᒋᐱᔨᒡ ᐅ ᒐᒋ ᐃᔅᒋᔄᔭᓐ᙮

1 ᑯᕆᓐᑎᔭᓇ 6:20

ᐛᔅ ᒐᒂᔪᐤ ᒋ ᐃᓯ ᑎᐸᔨᒐᐤ ᒐᒋ ᐊᔭᐅᔅᒃ᙮ ᐊᐱᒋᑕ ᒋᔪᐤ ᒋᓴᒪᓂᑐᐤ ᒐᒋ ᒋᔅᑕᔨᑕᑯᐃᑦ᙮

1 ᑯᕆᓐᑎᔭᓇ 7:34

ᓂᓱᐎᒡ ᑎᑯᓂᔪᐤ ᐛ ᐃᓯ ᓂᓇᐊᔨᑎᒥᐃᐛᑦ, ᐎ ᐃᑐᑎᒻ ᑕᓐ ᐊ ᐃᑎᓱᒥᑯᑦ ᒋᓴᒪᓂᑐᐛ ᑭᔭ ᐎᐛ ᐎ ᓂᓇᑭᑐᐛᔨᒪᐤ᙮ ᐊᑯ ᒪᒃ ᐃᔎᐤ ᒪᒃ ᐃᔎᔅ ᐊᑲ ᓂᐳᐅᑦ ᐃᐛᒃ ᐃᑕᔨᑎᒥᐃᑯᐤ ᒋᓴᒪᓂᑐᐛ ᒐᒋ ᓂᓇᐃᑎᒪᐊᑦ, ᓇᔅᒡ ᐎ ᐸᔭᒋᓯᐤ ᐎᔭᒡ ᑭᔭ ᐅᑦ ᐊᒐᐧᑯᒡ᙮ ᐊᑯ ᒪᒃ ᐊᓐ ᐃᔎᐤ ᑲ ᓂᐳᐅᑦ ᐊᔅᒋᔪᐤ ᐱᒪᑎᓯᐅᓂᔪᐤ ᓇᔅᒡ ᒪᒥᑐᓇᔨᑎᒥᐃᑯᐤ ᐅᓇᐸᒪ ᐊ ᐎ ᓂᓇᐃᑎᒪᐊᑦ᙮

2 ᑯᕆᓐᑎᔭᓇ 10:8

ᑕᐸ ᓂ ᓴᒂᔨᒧᓐ ᐊᑎ ᐊᐱᓯᔅ ᐊᑐᐎᔅ ᑲ ᐃᓯ ᐊᔨᒧᑎᒧᐛᓇ ᐊᓐ ᑎᐸᔨᒋᒐᐅᓐ ᑲ ᒥᔨᑯᐅᔭᒡ ᒐᒋ ᐎᒋᐃᑕᒡ᙮ ᐅᑎᐸᔨᒋᒐᐤ ᓂᒋ ᒥᔨᑯᓇᓐ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑕᒡ, ᓇᒪ ᐎ ᒐᒋ ᓂᑕᐅᑕᒡ᙮

2 ᑯᕆᓐᑎᔭᓇ 3:12

ᓇᔅᒡ ᑕᑈ ᓂ ᒐᔅᑎᓇᑕᔨᑎᒥᐃᑯᓇᓐ ᐅ᙮ ᐊᐅᒄ ᒪᒃ ᐛᒋ ᒥᔪᐱᔨᒡ ᒥᒄ ᒐᒋ ᐃᓯ ᐎᑎᒪᑕᒡ᙮

2 ᑯᕆᓐᑎᔭᓇ 4:10

ᒧᔅ ᑭᔭ ᓂ ᓂᒋᔅᑲᓇᓐ ᐊ ᐎ ᓂᐸᐃᑯᐅᔭᒡ ᒧᔭᒻ ᒋᓴᔅ ᒧᔅ ᑲ ᐃᓯ ᓂᒋᔅᑲᐧᒃ᙮ ᐊᑯᑕ ᒪᒃ ᐛᒋ ᐛᐸᑕᒡ ᐊᐛᓐᒋ ᐅᑕ ᓂᔪᓇᒡ ᐊᓂᔭ ᐱᒪᑎᓯᐅᓂᔪᐤ ᒋᓴᔅ ᑲ ᐎᐧᑯᒋᑎᒧᔨᒥᑦ ᑲ ᐅᓂᔅᑲᑦ ᓂᐳᐅᓂᒡ ᐅᒡ᙮

2 ᑯᕆᓐᑎᔭᓇ 5:15

ᒥᓯᐛ ᐊᐛᔪᐛ ᒋ ᓂᐱᔅᑎᒧᐛᐤ ᙭᙮ ᐊᑯᑕ ᒪᒃ ᐛᒋ ᐱᑯᓴᔨᑕᒂᒡ ᐊᓐᒡ ᑲ ᐱᒪᑎᓯᒡ ᐊᑲ ᐊᑯ ᒥᒄ ᐎᔨᐛᐤ ᐊ ᐃᓯ ᓇᐊᔨᑕᒡ ᒐᒋ ᐃᓯ ᐱᒪᑎᓯᒡ ᒪᒃ ᒐᒋ ᐱᒪᑎᓯᒡ ᒐᒋ ᓇᐊᔨᑎᒥᐊᒡ ᐊᓂᔭᔪᐛ ᑲ ᓂᐸᐊᑭᓄᔨᒋ ᑭᔭ ᑲ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮

2 ᑯᕆᓐᑎᔭᓇ 7:14

ᓂᑲᓐ ᓂᒋ ᐎᑎᒧᐛᐤ ᑕᓐ ᐊ ᐃᓯ ᒪᒥᔽᔨᑎᒥᔨᔭᒡ᙮ ᓂᒋ ᑕᑈᑕᑯᑕᓇᑯᐱᓐ ᒪᒃ ᐊᓂᔭ ᑕᓐ ᑲ ᐃᓯ ᐎᑎᒧᐅᒋᒡ᙮ ᒧᔅ ᓂᒋ ᑕᑈᓇᓐ ᑕᓐ ᑲ ᐃᓯ ᐎᑎᒪᑕᒡ ᑭᔭ ᓂᒋ ᑕᑈᓇᓐ ᑕᓐ ᑲ ᐃᑕᒋᒧᔅᑐᐅᒋᒡ ᑕᐃᑕᔅ᙮

2 ᑯᕆᓐᑎᔭᓇ 7:4

ᒥᔅᑎ ᒋᑕᑈᐅᒐᔨᒥᑎᓇᐛᐤ᙮ ᑭᔭ ᓇᔅᒡ ᑕᑈ ᒋ ᒪᒥᒋᐃᓇᐛᐤ᙮ ᓇᔅᒡ ᑕᑈ ᓂ ᒥᔽᔨᒧᐃᑯᐅᓐ ᐊ ᒋᔅᒋᓯᑐᑕᑎᑯᒡ᙮ ᐊᑎ ᐊ ᐊᔨᒥᐅᔭᒡ ᐃᔭᐱᒡ ᓇᔅᒡ ᓂ ᒥᔽᔨᑕᓐ᙮

ᐱᓕᐱᔭᓇ 1:14

ᑭᔭ ᐊ ᑕᔭᓐ ᐅᑕ ᑲᒪᑯᓄᐛᓯᐅᒋᐛᐱᒡ ᒥᒐᑦ ᒋᐧᑲᓂᓯᓄᐅᒡ ᐊᑎᑐᐤ ᓱᒋᑲᐳᐅᒡ ᐊ ᑕᑈᔭᔨᒪᒡ ᐅᑎᐸᔨᒋᒐᐛ, ᐊᑎᑐᐤ ᐊᑎ ᓱᒋᑕᐊᐅᒡ ᐊ ᐛᐎᑕᒡ ᒥᔽᒋᒧᐅᓂᔪᐤ ᐊᑲ ᓇᔅᒡ ᑯᔅᑕᒋᒡ᙮

ᐱᓕᐱᔭᓇ 2:17

ᒂᔄᓐ ᓂᑭ ᓂᐸᐃᑯᐅᓐ᙮ ᐊᑯ ᒪᒃ ᐊᓐ ᑕᐱᔅᑯᓐ ᒥᓯᐛ ᐊᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᐊᑎ ᓂᐸᐃᑯᐅᔭᓇ ᓂᑭ ᒥᔽᔨᑕᓐ ᑭᔭ ᑕᐱᔅᑯᓐ ᒋᑭ ᒥᔽᔨᑕᓇᓄᐤ ᐛᔅ ᐊᐅᑯᐤ ᒐ ᐅᒋ ᐃᔭᐱᒡ ᐱᔅᑎᓂᒧᐛᒄ ᒋᓴᒪᓂᑐᐤ ᑕᓐ ᐊ ᐃᓯ ᑕᑈᔭᔨᒪᒄ᙮

ᑯᓚᓯᔭᓇ 1:24

ᓂ ᒥᔽᔨᑕᓐ ᒪᒃ ᐊ ᓂᓇᐧᑲᑕᔨᒧᐃᑯᐅᔭᓐ ᒋᔨᐛᐤ ᐅᒋ, ᑭᔭ ᓂᔭᓯᒡ ᓄᐅᔅᒋᑕᓐ ᐊᓂᔭ ᑕᓐ ᐊ ᐃᓯ ᓄᑕᐱᔨᒡ ᙭ ᐅᐎᓯᒐᔨᑎᒧᐅᓂᒡ, ᒐᒋ ᐎᒋᐃᒂᐤ ᒪᒧᐤ ᑲ ᐊᔭᒥᐊᐛᑎᓯᒡ, ᙭ ᐎᔪᐤ᙮

1 ᑕᓴᓗᓂᔭᓇ 5:23

ᓇᓂᑐᑎᒧᐛᐤ ᒋᓴᒪᓂᑐᐤ ᐊᓐ ᑲ ᒥᔨᐛᑦ ᒋᔭᒪᔨᑎᒧᐅᓂᔪᐤ ᓇᔅᒡ ᒐᒋ ᐸᔭᒋᐃᑕᒄ᙮ ᓇᓂᑐᑎᒧᐛᐤ ᒋᑦ ᐊᒐᐧᑯᐛᐛ, ᑭᔭ ᒋᒥᑐᓇᔨᒋᑭᓄᐛᐛ ᑭᔭ ᒋᔪᐛᐛ ᒐᒋ ᑭᓄᐛᔨᑕᒂᒋ ᐊᑲ ᓇᔅᒡ ᒐᒂᓐ ᒐᒋ ᐃᓯ ᐊᑕᒪᔨᑕᒂᒋ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᐱᑕᕐ 4:16

ᒪᒃ ᒧᔭᒻ ᐊ ᓇᐧᑲᒋᐅᐛᒂ ᐊ ᓇᓴᐛᒄ ᙭, ᐊᑲᐎᔾ ᒋᑭ ᐅᒋ ᓴᒂᔨᒧᓇᐛᐤ᙮ ᒋᐸ ᓂᓇᔅᑯᒪᐛᐤ ᒋᓴᒪᓂᑐᐤ ᙭ ᐊ ᐊᔭᐅᑕᒄ᙮

1 ᒠᓐ 2:28

ᐊᐛᓯᑐᒄ, ᒧᔅ ᐎᒐᐛᐧᒄ ᒋᓴᔅ᙮ ᐊᑯ ᒪᒃ ᒐ ᒐᔅᑎᓇᑕᔨᒧᔭᒄ ᐸᒋ ᓄᑯᓯᒐ ᑭᔭ ᓇᒪ ᒋᑭ ᐅᒋ ᓴᒂᔨᒧᓇᐛᐤ ᑎᑯᓯᒐ᙮