ᐱᓕᐱᔭᓇ 1:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᑕᑈ ᒋᐸ ᑕᐅᒡ ᐊᐛᓐᒋ ᒥᒄ ᐊ ᐅᑕᔨᒥᒡ ᒪᒃ ᐊ ᐎ ᒪᒥᒋᐱᔨᒡ ᐊᐅᒄ ᐛᒋ ᐊᔨᒧᒪᒡ ᙭ᑕ᙮ ᐊᑯ ᑯᑎᑭᒡ ᓱᒃ ᐛᐎᑎᒧᒡ ᒥᔽᒋᒧᐅᓂᔪᐤ ᑯᐃᔅᒄ ᐊ ᐃᑎᒡ᙮

ᐱᓕᐱᔭᓇ 1:15 Cross References

ᒪᑎᔪᐤ 23:5

ᒥᓯᐛ ᒐᒂᔪᐤ ᑲ ᑐᑕᒡ ᐅᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐸᕆᓯᔨᒡ ᐱᑯᓴᔨᑎᒧᒡ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᐊᓂᔭ ᐊ ᐃᑕᔅᐱᓱᒡ ᑭᔭ ᐊ ᑕᐱᔅᑲᒡ ᒥᐅᑎᓯᔪᐤ ᒋ ᐱᑯᓴᔨᒧᐅᒡ ᒐᒋ ᐃᑕᔨᒥᑯᒡ ᐊᐛᔪᐛ ᓇᔅᒡ ᐊ ᐊᔭᒥᐊᐛᑎᓯᒡ᙮

ᐊᑈᔅᑕᓇᒡ 10:36

ᒋᔅᒐᔨᑕᓇᐛᐤ ᐊᓐ ᐃᔨᒧᐅᓐ ᒋᓴᒪᓂᑐᐤ ᑲ ᐃᑎᓴᒧᐛᑦ ᐃᔅᕋᐃᓪ ᐃᔪᐛ, ᐊ ᐛᐎᑎᒧᐛᑦ ᒥᔽᒋᒧᐅᓂᔪᐤ ᐊᓐᑕ ᒐᒋ ᐅᒋ ᐊᔭᔨᒋ ᒋᔭᒪᔨᑎᒧᐅᓂᔪᐤ ᒋᓴᔅ ᙭ᑕ ᐅᒡ᙮ ᐛᔅ ᐎᔾ ᒋᓴᔅ ᒥᓯᐛ ᐊᔭᐤ ᑎᐸᔨᒋᒐᐅᓂᔪᐤ᙮

ᐊᑈᔅᑕᓇᒡ 11:20

ᒥᒄ ᒪᒃ ᐱᔅᒐ ᐊᓐᒡ ᑲ ᑕᑈᑕᒡ ᐊᓐᑕ ᓴᐃᐳᕋᔅ, ᑭᔭ ᓴᐃᕆᓐ ᑲ ᐅᒋᒡ ᒋ ᐃᑐᑕᐅᒡ ᐊᓐᑕ ᐊᓐᑎᔭᑭᒡ ᐊᑯ ᒂ ᐎᑎᒧᐛᒡ ᐊᓂᔭ ᑯᕆᒃ ᐃᔪᐤ ᒥᔽᒋᒧᐅᓂᔪᐤ ᒋᓴᓴ ᐊ ᑎᐸᔨᒋᒐᔨᒋ᙮

ᐊᑈᔅᑕᓇᒡ 5:42

ᐊᑯ ᒪᒃ ᐊᓯᑯᒻ ᒋᓯᑲᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᐊᓐᑕ ᐊᐛᔪᐛ ᐎᒋᔨᒡ, ᐃᔭᐱᒡ ᒋ ᒋᔅᑯᑎᒪᒐᐅᒡ ᑭᔭ ᒋ ᑭᒐᔅᒋᒧᐅᒡ ᒋᓴᔅ ᙭ᑕ ᐊ ᐊᔨᒧᒪᒡ, ᐊᓂᔭᔪᐛ ᒋᓴᒪᓂᑐᐛ ᑲ ᐸᒋ ᐃᑎᓴᐛᔨᒋ᙮

ᐊᑈᔅᑕᓇᒡ 8:35

ᐊᑯ ᐱᓕᑉ ᐎᔭᐎᑎᒧᐛᑦ ᒋᒋᒥᓯᓇᐃᒐᐅᓂᔪᐤ ᐊ ᐅᒋ ᒋᒋᐱᔨᑦ, ᑭᔭ ᒋ ᐊᔨᒧᑎᒧᐛᐤ ᒥᔽᒋᒧᐅᓂᔪᐤ ᒋᓴᓴ ᐊ ᐊᔨᒧᒥᑭᓄᔨᒋ᙮

ᐊᑈᔅᑕᓇᒡ 8:5

ᐱᓕᑉ ᒪᒃ, ᒋ ᐃᑐᑕᐤ ᐅᑕᓇᔪᐤ ᐊᓐᑕ ᓴᒪᕆᔭ ᐊᔅᒋᒡ ᐊ ᑎᑯᓂᔨᒡ᙮ ᐊᑯ ᒂ ᐛᐎᑎᒧᐛᑦ ᐊᓂᔭ ᐃᔪᐤ, ᒋᓴᓴ, ᐊ ᐊᐎᔨᒋ ᙭᙮

ᐊᑈᔅᑕᓇᒡ 9:20

ᑎᐛᒡ ᒪᒃ ᒋ ᐃᑐᑕᐤ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ, ᐊ ᑭᒐᔅᒋᒧᑦ ᐊ ᐃᔅᒋᔄᑦ, “ᒋᓴᔅ, ᐊᐅᒄ ᒋᓴᒪᓂᑐᐤ ᐅᑯᓴ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:8

ᐊᑯ ᐊᓂᔭ ᑯᑎᑲ ᐊᐛᔪᐛ ᒥᒄ ᐎᔨᐛᐤ ᑲ ᒪᒥᑐᓇᔨᒥᓱᔨᒋ ᐊᑲ ᓇᔅᒡ ᐊᐱᑕᔨᑎᒥᔨᒋ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᒐᒋ ᐃᑐᑎᒥᔨᒋ, ᐱᓯᒄ ᑲ ᒥᒋᑐᑎᒥᔨᒋ, ᐊᐅᑯᓐ ᐅᔭ ᒪᐅᒡ ᐃᔭᒂᒡ ᒐ ᐃᓯ ᑎᐸᔅᑯᓇᑦ ᒋᓴᒪᓂᑐᐤ᙮

1 ᑯᕆᓐᑎᔭᓇ 1:23

ᒋᔭᓄᐤ ᒪᒃ ᐎ ᙭ ᐊᒋ ᒋᔅᑕᔎᑕᑭᓄᐅᑦ ᐊᐅᒄ ᐊ ᐃᓯ ᐛᐎᑎᒪᐧᒄ ᐊ ᑭᒐᔅᒋᒧᔭᐧᒄ᙮ ᒥᒄ ᒪᒃ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᓂ ᒪᔭᔨᒥᑯᐅᓇᓐ ᐃᑕᔨᑎᒧᒡ ᐅᔭ ᐊ ᐃᓯ ᑭᒐᔅᒋᒧᓇᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋᔎ ᐃᔨᒧᐅᓐ ᐅᔭ ᐃᑕᔨᑎᒧᒡ᙮

1 ᑯᕆᓐᑎᔭᓇ 13:3

ᑭᔭ ᐊᑎ ᒥᓯᐛ ᒐᒂᓐ ᐱᔅᑎᓂᒪᓐ ᑕᓐ ᐊ ᐃᓯ ᑎᐱᔨᐛᐅᓯᔭᓐ ᒐᒋ ᐎᒋᐊᑭᓄᐅᒡ ᑲ ᒋᔅᑎᒪᑎᓯᒡ, ᐊᑎ ᒪᒃ ᑭᔭ ᐱᔅᑎᓂᒪᓐ ᒐᒋ ᐃᔎᓯᑭᓄᐅᒡ ᓂᔪᐤ, ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᐃᔭᐱᒡ ᓇᒪᐎᔾ ᒐᒂᓐ ᐃᑕᐱᑎᓐ ᐊᓐ ᑕᓐ ᑲ ᐃᑎᔭᓐ᙮

2 ᑯᕆᓐᑎᔭᓇ 1:19

ᐛᔅ ᒋᓴᔅ ᙭ ᒋᓴᒪᓂᑐᐤ ᐅᑯᓴ ᐊᓐ ᑲ ᐊᔨᒧᑎᒪᑕᒡ, ᓂᔭᓐ ᑭᑈ ᓴᓂᔅ, ᑎᒧᑎ ᑭᔭ ᓂᔾ, ᒐᔅᑎᓇᑕᔨᑕᑯᓱᐤ ᑕᓐ ᐊ ᐃᔅᒋᔄᑦ, ᓇᒪ ᓂᑕ ᑭᑭᒋᔭᐤ᙮ “ᓂᐦᐃ” ᐊ ᐃᔅᒋᔄᒋ, ᒐᔅᑎᓇᑕᔨᑕᑯᓂᔪᐤ ᐊᓂᔭ ᓂᐦᐃ ᐊ ᐃᔅᒋᔄᑦ᙮

2 ᑯᕆᓐᑎᔭᓇ 11:13

ᓇᒪᔭᐅᒡ ᐅᒡ ᒋᒋᐛ ᐊᑈᔅᑕᓇᒡ᙮ ᒧᔭᒻ ᑕᑈ ᐊᑈᔅᑕᓇᒡ ᐊ ᐊᑐᔅᑯᐛᒡ ᒋᓴᔅ ᙭ᑕ ᐎ ᐃᑕᔨᑕᑯᐃᓱᒡ ᐅᒡ ᒥᒄ ᒪᒃ ᑭᑭᒋᔭᐅᒡ ᑭᔭ ᐎᔭᓯᐃᐛᐅᒡ᙮

2 ᑯᕆᓐᑎᔭᓇ 12:20

ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮

2 ᑯᕆᓐᑎᔭᓇ 4:5

ᐃᔅᐱ ᐊ ᑭᒐᔅᒋᒧᔭᒡ ᓇᒪ ᓂᔭᓐ ᓂᑦ ᐊᔨᒧᒥᓱᓇᓐ᙮ ᒋᓴᔅ ᙭ ᓂᑦ ᐊᔨᒧᒪᓇᓐ ᐎᔾ ᐊ ᑎᐸᔨᒋᒐᐅᑦ᙮ ᒋᓴᔅ ᓂᒋ ᐸᒋ ᐃᑎᓴᐅᑯᓇᓐ ᒐᒋ ᐊᑐᔅᑲᑕᒡ᙮

ᑲᓚᓯᔭᓇ 2:4

ᒥᒄ ᒪᒃ ᒋ ᑕᐅᒡ ᓇᐸᐅᒡ ᒋᒧᑦ ᐊᒋ ᐸᒋ ᐱᑕᐱᔪᐅᒡ ᐊᓐᑕ ᐊ ᐃᑕᐅᒋᑦ ᒧᔭᒻ ᐊ ᑕᑈᔭᔨᒪᒡ ᑭᔭ ᐎᔨᐛᐤ ᒋᓴᓴ ᐊ ᐃᑎᒡ᙮ ᓂᒋ ᐎ ᓇᓂᑐ ᒋᔅᒐᔨᒥᑯᓇᓂᒡ ᑕᓐ ᐊ ᐃᓯ ᑎᐸᒋᒥᒋᒋ ᒋᓴᔅ ᙭ᑕ ᐊ ᐎᒐᐅᒥᒋᒋ, ᐊᓐ ᑲ ᐊᐱᐧᑯᓂᔨᒥᑦ᙮ ᐊᔪᐅᒄ ᐅᔭ ᑲ ᐃᑎᒡ ᐊᒋ ᐎ ᐃᑐᑐᐎᒥᒡ ᑲᐤ ᒐᒋ ᒪᒋᒂᐱᐧᑲᑎᑯᔭᒡ ᐎᓱᐛᐅᓐ᙮

ᐱᓕᐱᔭᓇ 2:3

ᓇᒪ ᒋᐸ ᐅᒋ ᐃᑐᑕᓐ ᒐᒂᓐ ᒥᒄ ᑭᔭ ᐊ ᒪᒥᑐᓇᔨᒥᓱᔨᓐ᙮ ᒪᒃ ᒥᒄ ᒐᒋ ᐅᒋ ᒪᒥᔽᒋᒥᑯᔨᓐ᙮ ᑎᐱᑕᔨᒥᓱᒄ, ᐊᔪᐛᒃ ᑯᑎᑭᒡ ᐊᐛᓐᒋ ᐊ ᐃᑕᔨᒪᑯᒡ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮