2 ᑎᒧᑎ 1:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓂᔾ ᑈᓪ, ᑲ ᒥᓯᓇᐊᒪᑕᓐ᙮ ᒋᓴᔅ ᙭ ᐅᑦ ᐊᑈᔅᑕᓂᒪ ᓂᔾ, ᐛᔅ ᐊᐅᒄ ᐅᔭ ᑲ ᐃᓯ ᐅᑎᓂᑦ ᒋᓴᒪᓂᑐᐤ᙮ ᐎᔾ ᒋᓴᒪᓂᑐᐤ ᓂᒋ ᐃᑎᓴᐅᒄ ᒐᒋ ᐊᔨᒧᑎᒧᒡ ᐊᓂᔭ ᐱᒪᑎᓯᐅᓂᔪᐤ ᑕᓐ ᑲ ᐃᓯ ᒐᔅᑎᓇᑎᔅᑕᑦ ᒐ ᐊᔭᔨᒋ ᐊᐛᔪᐛ ᑕᑈᔭᔨᒪᔨᒐ ᒋᓴᔅ ᙭ᑕ᙮

2 ᑎᒧᑎ 1:1 Cross References

ᒠᓐ 10:28

ᓂ ᒥᔭᐅᒡ ᑲᒋᒡ ᐱᒪᑎᓯᐅᓂᔪᐤ, ᓇᒪ ᒪᒃ ᓂᑕ ᒋᑭ ᐅᒋ ᓂᓱᐅᓇᑎᓯᐅᒡ᙮ ᑭᔭ ᓇᒪ ᐊᐛᓐ ᓂᑭ ᒋ ᒥᔅᑭᒧᒄ ᐊ ᑕᐧᑯᓂᒥᒋ᙮

ᒠᓐ 17:3

ᒪᐅᑕ ᒪᒃ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ, ᒋᔅᒐᔨᒥᔅᒐ ᒋᔾ ᒥᒄ ᐊ ᐸᐃᑯᓯᔨᓐ ᐊ ᒋᓴᒪᓂᑐᐎᔨᓐ, ᑭᔭ ᒋᔅᒐᔨᒪᒐ ᒋᓴᔅ ᙭ᑕ, ᐊᓂᔭ ᑲ ᐸᒋ ᐃᑎᓴᐅᒥᑎ᙮

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

ᒠᓐ 6:40

ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ᐛᐱᒪᔨᒋ ᑭᔭ ᑲ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”

ᒠᓐ 6:54

ᐊᓐ ᒪᒃ ᐊᐛᓐ ᒐ ᒥᒋᒂ ᓂᔭᓯᔪᐤ ᑭᔭ ᒐ ᒥᓂᒂ ᓂᒥᐧᑯᔪᐤ ᐊᔭᐤ ᑲᒋᒡ ᐱᒪᑎᓯᐅᓂᔪᐤ, ᑭᔭ ᓂᔾ ᓂᑭ ᐅᓂᔅᑲᓇᐤ ᒪᔅᑕᔾ ᒋᓯᑲᔨᒐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᐱᒋᐊᑭᓇ᙮ ᒋᓴᒪᓂᑐᐤ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᑕᐅᒡ ᑭᔭ ᐎᔾ ᓂᒋ ᑕᑈᑎᒄ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:21

ᑕᑈ ᑭᑈ ᓱᒋᐱᔪᐤ ᒥᒋᑥᐅᓐ᙮ ᐛᔅ ᓇᔅᒡ ᑎᐸᔨᒥᑯᐅᒡ ᐊᐛᓐᒋ ᐊᐅᒄ ᒪᒃ ᐛᒋ ᐃᑕᔨᑕᑯᓂᔨᒡ ᒐᒋ ᓂᐱᒡ᙮ ᐊᑐᐎᔅ ᒪᒃ ᒋᓴᒪᓂᑐᐤ ᐅᒋᓴᐛᑎᓯᐅᓐ ᓱᒐᔨᑕᑯᓂᔪᐤ᙮ ᐅᑯᐃᔅᑯᑕᑎᓯᐅᒡ ᒋ ᐊᑎ ᐃᓯ ᑭᓄᐛᐱᒥᑯᓄᐤ ᐊᓂᔭ ᐅᒋ ᑕᓐ ᑲ ᐃᓯ ᐃᑐᑎᒪᑎᔨᐧᑯ ᒋᓴᓴ ᒋᑎᐸᔨᒋᒐᓯᒥᓄᐛ᙮ ᐊᑯᑕ ᒪᒃ ᒐᒋ ᐅᒋ ᐊᔭᐛᐧᒄ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:23

ᐛᔅ ᓂᐳᐅᓂᒡ ᐃᑐᑕᐃᑯᐤ ᐊᐛᓐ ᒥᒋᑥᐅᓂᔪᐤ᙮ ᐊᑯ ᐊᓐ ᐊᐛᓐ ᑲ ᐎᒐᐛᑦ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᒋᓴᒪᓂᑐᐛ ᓴᒐᔾ ᒥᔨᑯᐤ ᑲᒋᒡ ᐱᒪᑎᓯᐅᓂᔪᐤ᙮

1 ᑯᕆᓐᑎᔭᓇ 1:1

ᓂᔾ ᑈᓪ, ᒋᓴᒪᓂᑐᐤ ᓂᒋ ᐅᑎᓂᒄ ᙭ ᒋᓴᔅ ᐅᑦ ᐊᑈᔅᑕᓂᒪ ᒐᒋ ᐃᑕᐱᒋᐃᑦ᙮ ᒋᐧᑲᓂᓯᓄᐤ ᓱᔅᑎᓂᔅ ᑭᔭ ᐎᔾ ᑕᐤ ᐅᑕ ᐊ ᑕᐅᒡ᙮

2 ᑯᕆᓐᑎᔭᓇ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ ᑲ ᒥᓯᓇᐃᒐᔭᓐ᙮ ᐎᔾ ᒋᓴᒪᓂᑐᐤ ᑲ ᐅᑎᓂᑦ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᓂᔾ ᑭᔭ ᒋᐧᑲᓂᓯᓄᐤ ᑎᒧᑎ ᑕᐱᔅᑯᓐ ᒋ ᒥᓯᓇᐊᒪᑎᓇᓐ᙮ ᒋᔨᐛᐤ ᒋᓴᒪᓂᑐᐤ ᐊ ᑕᑦ ᑲ ᐃᓯ ᒪᒧᐤ ᐊᔭᒥᐊᔭᒄ ᐊᓐᑕ ᑯᕆᓐᑦ ᐊ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ ᒋ ᒥᓯᓇᐊᒪᑎᓇᓐ᙮ ᑭᔭ ᒥᓯᐛ ᐊᓐᒡ ᑲ ᑕᑈᑕᒡ ᐊᓐᑕ ᐊᑲᔭ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ ᓂ ᒥᓯᓇᐊᒺᓇᓂᒡ᙮

2 ᑯᕆᓐᑎᔭᓇ 1:20

ᒋᓴᒪᓂᑐᐤ ᐊᐱᒋᐊᐤ ᒋᓴᓴ ᒐᔅᑎᓇᔅ ᒐᒋ ᐃᑐᑕᐧᒃ ᑕᓐ ᑲ ᐃᔅᒋᔄᑦ ᒐ ᐃᑐᑕᐧᒃ ᑭᔭ ᒐ ᐊᑎ ᒋᔅᑕᔨᑕᑯᐊᑭᓄᐅᑦ᙮

ᑲᓚᓯᔭᓇ 3:26

ᒥᓯᐛ ᒋᔨᐛᐤ ᑲ ᑕᑈᔭᔨᒪᒄ ᒋᓴᔅ ᙭ ᐊᑯᑕ ᐛᒋ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 3:28

ᒥᓯᐛ ᐸᐃᑯᓄᒡ ᒋ ᐊᑎ ᐃᓯ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᓇᒪ ᒐᒂᓐ ᐊᓐ ᒍᐤ ᑭᔭ ᒪᒃ ᐊᑲ ᒍᐤ ᐊ ᐃᑎᔅᑲᓇᓱᐛᒂ, ᑭᔭ ᐊ ᐊᐱᒋᐊᑭᓂᐛᒂ ᑭᔭ ᒪᒃ ᐊᑲ ᐊ ᐊᐱᒋᐊᑭᓂᐛᒂ, ᐊ ᓇᐸᐅᐛᒂ ᑭᔭ ᒪᒃ ᐊ ᐃᔎᐅᐛᒂ᙮

ᐃᐱᓯᔭᓇ 3:6

ᐊᐅᒄ ᒪᒃ ᐅ ᐊᑲ ᐅᒋ ᒋᔅᒐᔨᑕᑭᓄᐅᒡ ᐊᓐᑕ ᐛᔅᑭᒡ, ᐊᓐ ᒥᔽᒋᒧᐅᓐ ᐅᒋ ᐊᑯᑕ ᐛᒋ ᓇᐃᐱᔨᒡ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐ ᐊᔭᒡ ᑕᓐ ᒐ ᐃᓯ ᒥᔭᑦ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮ ᒋᓴᒪᓂᑐᐛ ᒋ ᒥᔨᑯᐅᒡ ᒍᐤ ᐃᔪᒡ ᐊ ᑕᔨᒋ ᒐᒋ ᐃᓯ ᒥᓯᓇᓱᒡ ᑭᔭ ᐊᓂᔭ ᐊ ᓇᓴᐛᒡ ᒋᓴᓴ ᑭᔭ ᐎᔨᐛᐤ ᒐ ᐊᔭᒡ ᑕᓐ ᑲ ᐃᓯ ᐊᓱᑎᒧᐛᑦ ᒋᓴᒪᓂᑐᐤ ᒍᐤ ᐃᔪᐛ᙮

1 ᑎᒧᑎ 6:19

ᐅᔭᔪᐤ ᒪᒃ ᐃᑐᑕᒂᐛ ᐊᑯᑕ ᒐᒋ ᐅᒋ ᐊᔭᒡ ᒋᒋᐛ ᐛᔪᑎᓯᐅᓂᔪᐤ ᐊᓐᑕ ᓂᔅᑕᒥᒡ, ᐊᑯᑕ ᑭᔭ ᒋᒋᐛ ᒐᒋ ᐅᒋ ᒋᔅᒐᔨᑕᒡ ᐱᒪᑎᓯᐅᓂᔪᐤ ᐅᑕ ᐊᔅᒋᒡ᙮

2 ᑎᒧᑎ 1:10

ᐃᔅᐱ ᒪᒃ ᒋᐱᒪᒋᐃᐛᒥᓄᐤ ᒋᓴᔅ ᙭ ᑲ ᐸᒋ ᓄᑯᐊᑭᓄᐅᑦ ᐅᑕ ᐊᔅᒋᒡ ᐊᑯᑕ ᑲ ᐅᒋ ᒋᔅᒐᔨᑎᒪᐧᒄ ᒋᓴᐛᑎᓯᐅᓐ᙮ ᐎᔾ ᒋᓴᔅ ᒋ ᓴᐧᑯᒋᑕᐤ ᓂᐳᐅᓂᔪᐤ ᑭᔭ ᔅᒋ ᐛᐸᑎᔨᑯᓄᐤ ᒥᔽᒋᒧᐅᓂᒡ ᐅᒡ ᐊ ᑎᒂᒡ ᑲᒋᒡ ᐱᒪᑎᓯᐅᓐ᙮

2 ᑎᒧᑎ 1:13

ᓱᒃ ᐃᔭᒂ ᓂᓇᑭᑐᐛᔨᑕ ᑭᔭ ᒧᔅ ᓇᓴᐊ ᑕᓐ ᑲ ᐃᓯ ᒋᔅᑯᑎᒪᑕᓐ, ᑕᑈᑎᒧᐅᓂᒡ ᑭᔭ ᓴᒋᐃᐛᐅᓂᒡ ᒐᒋ ᐃᓯ ᐱᒪᑎᓯᔨᓐ ᐊ ᐎᒐᐅᑦ ᙭ ᒋᓴᔅ᙮

2 ᑎᒧᑎ 1:9

ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ ᑭᔭ ᔅᒋ ᑕᑈᑎᑯᓄᐤ ᒐᒋ ᐸᔭᒋᓯᔭᐧᒄ ᐊ ᐅᑦ ᐃᔨᒥᑕᑕᐧᒄ᙮ ᓇᒪ ᐎ ᐊᓂᔭ ᑕᓐ ᑲ ᐃᓯ ᐊᑐᔅᒐᐛᐧᒄ ᐅᔭ ᐛᒋ ᐃᑐᑕᑕᐧᒄ᙮ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ ᓴᔅ ᒋ ᐎᔭᔨᑎᒻ ᐅᔭ ᒐ ᐃᑐᑕᑕᐧᒄ ᒋᓴᒪᓂᑐᐤ᙮ ᔅᒋ ᐎ ᐛᐸᑎᔨᑯᓄᐤ ᐅᒋᓴᐛᑎᓯᐅᓐ ᙭ᑕ ᐊ ᑕᔨᒋ ᐅᒡ᙮

2 ᑎᒧᑎ 2:1

ᒋᔾ, ᓂᑯᓯᐧᑲᐅᓐ ᑎᒧᑎ, ᓱᒃ ᐎ ᓱᐧᑲᑎᓯ ᙭ ᒋᓴᔅ ᐅᒋᓴᐛᑎᓯᐅᓂᒡ ᐅᒡ᙮

2 ᑎᒧᑎ 2:10

ᐊᑯ ᒪᒃ ᐊ ᓱᒋᐱᔨᒡ ᒥᓯᐛ ᒐᒂᓐ ᒐᒋ ᓴᐧᑯᒋᑕᔭᓐ ᑕᓐ ᒐ ᐃᓯ ᓂᓇᐧᑲᒋᐃᑯᐛᓇ, ᐊ ᐱᑯᓴᔨᒧᔭᓐ ᐊᓂᔭᔪᐛ ᒋᓴᒪᓂᑐᐤ ᑲ ᐅᑎᓇᑦ ᒐ ᐅᑦ ᐃᔨᒥᑦ ᒐ ᐊᔭᔨᒋ ᐱᒪᒋᐃᑯᓯᐅᓂᔪᐤ ᑭᔭ ᑲᒋᒡ ᒋᔅᑕᔨᑕᑯᓱᐅᓂᔪᐤ ᙭ ᒋᓴᓴ ᐊ ᑕᔨᒋ ᑲ ᐅᒋᐱᔨᒡ᙮

2 ᑎᒧᑎ 2:3

ᓱᒃ ᐎ ᓯᐱᔪᐛᓯ ᐊ ᐊᔨᒧᐎᔨᓐ ᒧᔭᒻ ᙭ ᒋᓴᔅ ᐅᒥᔪᐤ ᒪᓯᒐᐤ ᐃᔨᒪ ᐊ ᐃᑎᔨᒋ᙮

2 ᑎᒧᑎ 3:15

ᐛᔅ ᒋ ᒋᔅᒋᓯᓇᒐ ᒪᒂᒡ ᐊ ᐊᐛᓯᐎᔨᓐ ᓴᔅ ᔅᒋ ᒋᔅᑯᑎᒪᑯᐅᓐ ᑕᓐ ᑲ ᐃᓯ ᒥᓯᓇᐃᑭᓄᐎᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᐊᑯᑕ ᑲ ᐅᒋ ᐊᔭᔨᓐ ᑭᒐᑕᐛᔨᑎᒧᐅᓐ ᒐᒋ ᒋᔅᒐᔨᑎᒥᓐ ᐊ ᑕᑈᔭᔨᒪᑦ ᐊᐛᓐ ᙭ ᒋᓴᓴ ᐊᑯᑕ ᒐᒋ ᐅᒋ ᐱᒪᒋᐅᑦ᙮

ᑕᐃᑕᔅ 1:2

ᐊᓂᔭ ᒪᒃ ᑕᓐ ᐊ ᐃᓯ ᒋᔅᑯᑎᒧᐅᒂᐤ ᐊᑯᑕ ᒐ ᐅᒋ ᒐᔅᑎᓇᑕᔨᑕᒡ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒋᓴᒪᓂᑐᐛ ᐊᓐᑕ ᐸᒋ ᐛᔅᑭᒡ ᒐᔅᑎᓇᔅ ᒐ ᐊᔭᐛᑯᐱᓇ᙮ ᓇᒪ ᒪᒃ ᓂᑕ ᑭᑭᒋᔭᐤ ᒋᓴᒪᓂᑐᐤ᙮

ᑕᐃᑕᔅ 1:4

ᒋᔾ ᑕᐃᑕᔅ ᒋ ᒥᓯᓇᐊᒪᑎᓐ᙮ ᒧᔭᒻ ᑎᐱᔨᐛ ᓂᑯᔅ ᐊᐅᑯᓐ ᐊ ᐃᑕᔨᒥᑕᓐ ᐛᔅ ᐸᐃᑯᓄᒡ ᒋ ᐊᑎ ᐃᓯ ᑕᑈᑕᓇᓄᐤ᙮ ᓂᑦ ᐊᔭᒥᐊᐤ ᒋᓴᒪᓂᑐᐤ ᐅᑕᐎᒪᐤ ᑭᔭ ᒋᓴᔅ ᙭ ᒋᐱᒪᒋᐃᐛᒥᓄᐤ ᒐᒋ ᒋᓴᐛᑐᑕᔅᒡ ᑭᔭ ᒐᒋ ᒥᔨᔅᒡ ᒋᔭᒪᔨᑎᒧᐅᓂᔪᐤ᙮

ᐃᑉᕈᐛ 9:15

ᐊᑯ ᒪᒃ ᐎᔾ ᑎᐱᔨᐛ ᐅᒥᐧᑯᒡ ᐅᒡ ᒋᓴᔅ ᒋ ᐅᓯᑕᐤ ᐊ ᐅᔅᑲᔨᒡ ᓂᔅᑯᒧᐅᓂᔪᐤ᙮ ᐊᑯ ᒪᒃ ᐊᓐᒡ ᒋᓴᒪᓂᑐᐛ ᑲ ᑕᑈᑎᑯᒡ ᒐᒋ ᐅᑦ ᐃᔨᒥᑐᑕᑯᒡ ᑲᒋᒡ ᒐ ᐊᔭᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᒥᔨᑯᒡ᙮ ᒋᓴᓴ ᐅᓂᐳᐅᓂᔨᒡ ᐅᒡ ᐊᑯᑕ ᐊ ᑎᒂᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ᒥᒋᑐᑕᒡ ᐊᔅᒄ ᐊᒋ ᐊᐱᑎᓂᔨᒡ ᐛᔅᑭᒡ ᓂᔅᑯᒧᐅᓂᔪᐤ᙮

1 ᒠᓐ 2:25

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ ᙭, ᒐᔅᑎᓇᔅ ᒐ ᒥᔨᑕᐧᒄ ᑲᒋᒡ ᐱᒪᑎᓯᐅᓂᔪᐤ᙮