Mukaanda kuri bari Filipo 4:8 - Musamu Wamubwete 2013

⁸ Mu misiiri ngo miri bampaangi, myominso miri myangwanwa, myominso myalukiinsu, myominso myasuunguma, myominso myatsyeemeke, myominso mi batiiri, myominso myamibwe mu kuleele, na mbuti kuri manzelu mamabwete, na myayelemene kusiika, lo tsiminee myominso mimyo.

Mukaanda kuri bari Filipo 4:8 Cross References

Musamu wamubwete watina Matayi 22:16

Bo baheeke bayiki ba bo, kintwaari na baatu ba Erode kuri nde, baleele ti: «Muyikisi, beetu tuyaari ti ye ngaa-ngwanwa, na ye wuri mu kweyikisa nzila ya Nzaambi mu ngwanwa; ye wabataa muutu ko; bukuri ye wamonaa kinzeri kya baatu ko,

Musamu wamubwete watina Malako 6:20

bukuri Erode waba kwebataa Yowane, bu kaba kayaari ti nde muutu wasuunguma na wangisi, na waba kwemukalaana. Erode haba bu kayuka ma leele Yowane, lo weki dunga kwalaka; ngo waba na kiminu mu kuyuka ma kaleele.

Musamu wamubwete watina Luka 16:15

Nde waleele kuri bo ti: «Beenu lukwesoongo ha busu bwa baatu ti lwasuunguma, ngo kasi Nzaambi yaari mitima mya beenu. Mukwongo, bibyo biri baatu bamono ti byadzaangama, ha busu bwa Nzaambi biri byanyaafuna.»

Musamu wamubwete watina Luka 2:25

Ku Yerusalemi, kwaba muutu mosi nkuumbu Simehoni. Muutu wunde waba wasuunguma, na wubvuminaa Nzaambi; waba kiingaana mboondulu ya Isaheli, na Mpeeve Yangisi yaba ha yulu nde.

Musamu wamubwete watina Luka 23:50

Kwaba muutu mosi, nkuumbu Yosefi, waba muhe-mandoongi, [na] muutu wuri na mutima-bubwete, na wasuunguma.

Musamu wamubwete watina Yowane 7:18

Wunde wudzoonsolo mu nde-meene wusaka nkeembu ya nde-meene, ngo kasi wunde wusakaa nkeembu ya wunde wamuheeke, lo wuri wangwanwa, na bubayi bwahele mu nde.

Biyiriki bya Bantumu 10:22

Bo baleele «Kornelyo wuri mukuutu nkama bayongolo, muutu wasuunguma na wuri na kibvumi kya Nzaambi, kaanda dyodinso dya Bayudayo bamuteelaa kimbaangi kyakibwete, mbasi yangisi yimulubiryee mu kutumisa ye ku nzo yaandi, na kuyuka maampu ma ye.»

Biyiriki bya Bantumu 22:12

Kwaba muutu mosi, nkuumbu Ananya, wuri na kinzaambi bunu buri mangisi, wuri na kimbaangi kyakibwete, ha kakati dya Bayudayo bobanso badzakalaa haho.

Biyiriki bya Bantumu 6:3

Saakeenu bampaangi nsaamu, ha kakati dya beenu, bari na kimbaangi kyakibwete, baluula mu Mpeeve na mu madyeele, batuheenee kisalu kikyo.

Mukaanda kuri bari Loma 13:13

Twedyaatileenu bunu buyelemini mu mwiini-ngeembe: kwahele ndiilu ya mawaamba, nkolulu malu, kimpala, buyala, mayumu na musoki,

Mukaanda kuri bari Loma 13:3

Mukwongo, batumi bari ba kumwiinina boomo ko, mbuti mu biyiriki byabibwe, ngo mu biyiriki byabibi. Buri ye tiiri kubata lutumu ko? Yirika mamabwe, na ye sa wataambula masiiku kuri lutumu;

Mukaanda kuri bari Loma 14:18

Wunde wusalila Kiristo mu kiteesu kikyo, lo wabweeye kuri Nzaambi, na wataambulu kuri baatu.

Mukaanda kuri bari Loma 2:29

ngo Muyudayo, wa mansweeki; na nteendulu bubakala, ya mutima mu Mpeeve, nkani ka ya mu mukaanda ko. Wa bubwo wutaambula ndumusu ya Nzaambi nkani ka ya baatu ko.

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.

2 Kol 13:7

Ngo beetu tusaambila Nzaambi, mpisi beenu luhele kuyirika ntoono ti mosi yayibi; kari mu kuri ti beetu twaswiikama tumonokono ko, ngo mu kuri beenu luyirika mamabwe, ti hayuku beetu turi bunu twahele kuswiikama.

2 Kol 6:8

mu nkeembu na mu nsaanunu, mu mvuumfu yayibi na yayibwe, bunu bangaa-mpya koomosoko turi bangaa-ngwanwa,

2 Kol 8:18

Beetu twaheekiri mpaangi mosi, yikweyende kintwaari na nde, mpaangi yiyo mabuundu momanso mari mu kumusiikaana, mu dyaambu ditariri Musamu Wamubwete.

2 Kol 8:21

bukuri beetu tutiiri kuyirika mamabwe, kari hani ha busu bwa Mfumu ko, ngo se na ha busu bwa baatu.

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Mukaanda kuri bari Efeso 4:25

Hango-nkuumbu, hotee mpya, dzoonsee ngwanwa mpisi muutu kuri mbaasi yaandi, bukuri turi binamu bamosi na bakaka.

Mukaanda kuri bari Efeso 5:9

Mukwongo, kimbutu kya buungi kiri mu nyirikulu momanso ma mbweeyulu, ma nsungumunu, na ma ngwanwa.

Mukaanda kuri bari Efeso 6:14

Telemeenu na ngwii, lwateenu ngwanwa ngo musweele mu luketu lweenu, na lwaateenu nsungumunu ngo kinkuta kya mu ntulu kya mukaanda kibulu.

Mukaanda kuri bari Filipo 3:1

Mu misiiri ngo miri, bampaangi baami, monee kiminu mu Mfumu. Me nyahele kuholo-bito mu kulutinina misamu myomimosi mimyo, miha nsiitu kuri beenu.

Mukaanda kuri bari Kolosayi 4:5

Dyaatilee mu madyeele ha busu bwa baatu ba ku mbasi; salilee ntaangu.

1 Tes 4:12

Mpisi heki luba na ndyaatulu yayelemene ha busu bwa baatu bari ku mbasi, na muutu kahele kulubuungula.

1 Tim 2:2

mu bambyaasi, na mu bobanso bari na lutumu, mpisi tubeeneenu na kidziingu kya mpolo na kidzuunu, kunsa kinzaambi kyokinso na lukiinsu lwolunso.

1 Tim 3:11

Bakyeetu se bwobumosi, bayelemene kuba bakiinsuma, bahele na makele, bari na ndiilu na nwiinu byayelemene, bakwiikama mu myominso.

1 Tim 3:4

Nde yelemini se kutwaalisaa nzo ya nde-meene kwa kubwete, wusuusaa baala kunsa lutumu na kunsa kibvumi kyokinso.

1 Tim 4:12

Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.

1 Tim 5:10

wayabakana mu biyiriki byabibwete, wayeki wabuukisa baala, wataambula banzeense, waswaaka miilu mya bangisi, wabakisa bari mu ngebe, na wasa mutima mu mpisi kiyiriki kyakibwete.

1 Tim 5:2

bakyeetu babuuka, bahololo bunu banguri, bantuumba bunu bibusi, kunsa bungisi bwobunso.

Mukaanda kuri Tito 1:8

Ngo nde yelemini kuba mutaamburi-banzeense, nduku mamabwe, wasoongolo, wasuunguma, wangisi, yaa kukebe nyutu yaandi.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Tito 2:2

Babakala ba binuni baba na ndiilu na nwiinu byayelemene, baba bakiinsuma, basoongolo, bakuma mu kanyi, mu ntiilu, na mu kifiki.

Mukaanda kuri Tito 2:7

mu myominso. Ye-meene se, soongo kifwaani mu biyiriki byabibwete, nsyemukunu na lukiinsu kunsa nyikisulu.

Mukaanda kuri Tito 3:14

Baatu ba beetuneenu se, bayelemini kuyika kuheele mutima mu biyiriki byabibwete, mu kubaka bibari na nzala byo bya mufunu, mpisi heki bahele kuba baatu bahele na bimbutu.

Mukaanda kuri Bahebeleho 11:2

Mu kanyi didyo, bari ba bateelele bankaaka kimbaangi.

Mukaanda kuri Bahebeleho 13:18

Saambileenu mu beetu. Mukwongo, beetu tuyirikiri kuyaaba ti turi na nsimunu yayibwete, mu nzala kuba na ndyaatulu yayibwete mu myominso.

Mukaanda wa Yakobo 1:27

Nsambukulu ya ngwanwa, na yahele nsumukunu ha busu bwa Taayi Nzaambi, ngo yimayi: kweyilimina bisaani na bafwiilila balumi, kunsa mpasi dzaaku, na kukebe nyutu yaandi mu nsumukunu dza nsi.

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

1 Pet 2:12

Beenee na ndyaatulu yayibwete ha kakati dya bangooyi, mpisi heki ti hayuku bakwelufutukila misamu, bunu bayiriki ba mamabi, lo bo bamono biyiriki byeenu byabibwe, na bakeembise Nzaambi mu kiluumbu ki kakwiisa kulumono.

1 Pet 4:8

Tekeselee meti, kutilisina kwalaka beenu na beenu, bukuri "ntiilu yifuukaa fundu-fundu dya masumu".

2 Pet 3:1

Banduku ba mutima, wumawu ngo mukaanda wamyoolo, me nyiri mu kulutinina. Mu myo myoolo, me nyilubaambula mwooyo, mpisi nyilusyaamisa mu mitariri madyeele ma bukensekelee mari mu beenu,

1 Yow 3:18

Mwaa-baala, yaa twetiilee mu bini bibori ko; ngo twetiilee mu biyiriki na mu ngwanwa.

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.

1 Yow 4:1

Banduku ba mutima, yaa lwesiila kanyi mu mpisi mpeeve ko, ngo fyongokinee mampeeve, mbuti ma Nzaambi mari; bukuri babikiri bampya balaka bamwaakwiisa mu nsi.