Mukaanda kuri bari Filipo 4:18 - Musamu Wamubwete 2013

¹⁸ Me nyataambula byobinso, na nyiri na byabuukula, me nyaluula bu nyataamburi bi lwampeekiri kuri Epaforodito, biri bunu mananaasi ma mfuku yayibwete, kikabu kya kudzusa kyataambulu na kyabweeye kuri Nzaambi.

Mukaanda kuri bari Filipo 4:18 Cross References

Biyiriki bya Bantumu 10:4

Nde watala yo kisoosi tumi na boomo bwobunso, nde waleele ti: "Bi nki Mfumu?" Mbasi yaleele ti: "Nsaambulu dzaaku na lubakusu lwaaku bitoombokirye bunu kikabu ha busu bwa Nzaambi.

Mukaanda kuri bari Loma 12:1

Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.

2 Kol 11:8

Me nyakuukusa mabuundu makaka, mu kutaambula mufutu kuri bo mu kusalila beenu.

2 Kol 9:12

bukuri kisalu kikyo kya ntolulu bikabu, kari lunu lubakusu kiha kuri bangisi ko, ngo se kisa kuri ti, baatu babvutula matoondo malaka kuri Nzaambi.

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Mukaanda kuri bari Filipo 4:12

Me nyaari kuba kunsa buwelu, na nyaari kuba se kunsa byabuukula; mu byobinso na mu myominso, me bansaatsa mu kuba wayukuta na mu kukolo nzala, kuba kunsa byabuukula na kuba na nzala kubaka.

2 Tes 1:3

Bampaangi, Beetu tuyelemini kubvutula matoondo mpisi ntaangu kuri Nzaambi, mu ntoono beenu. Buri bwabubwete, bukuri kanyi dya beenu diri mu kwebuuka kwalaka, na ntiilu yi luri na yo mu bambaasi yiri mu kwehamisa mu muutu-muutu.

Mukaanda kuri Bahebeleho 13:16

Yaa ludzimikina nyirikulu mamabwe ko, na kwebakisina beenu na beenu, bukuri Nzaambi wumonaa kiminu mu bikabu bya bubwo.

1 Pet 2:5

na beenu-meene se, bunu matari mamwooyo, beene batuunguma mu nzo ya kimpeeve, mu kuyirika kingaanga kyangisi, mu kuha bikabu byayoku byakimpeeve, byataambulu kuri Nzaambi mu Yesu Kiristo.