Mukaanda kuri bari Filipo 4:17 - Musamu Wamubwete 2013

¹⁷ Kari kuri ti me nyisaka bi bankabula ko, ngo me nyisaka kuri ti ndaandu yiba yabuukula kuri beenu.

Mukaanda kuri bari Filipo 4:17 Cross References

Musamu wamubwete watina Yowane 15:16

Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Musamu wamubwete watina Yowane 15:8

Mu bumabu Taayi dyaami kaba wakeembese, habaanaana beenu lubuta bimbutu byalaka, na lusoongo kuri ti beenu bayiki baami.

Mukaanda kuri bari Loma 15:28

Me manaa kuyirika mamo, na manaa kubaha lubakusu lulwo, me sa ndutula kuri beenu ha nyikweende ku Espanya.

2 Kol 11:16

Me nyibweese kuleele ti, ya kuba muutu wuhololo me bunu kilawuku ko, ngo mbuti ka bubwo ko, lo taambulee me bunu kilawuku, mpisi me se mba na mwaa-kimweese.

2 Kol 9:5

Ngo me nyamwii mufunu, mu kuloombo kuri bampaangi babo, mpisi batekesele kwiisa kuri beenu na batekesele kuyirikisa bikabu bya lubakusu bi luri lwasa nsiilulu, mpisi heki lubakusu lulwo luba bunu kikabu kya bunsaalisi nkani ka kya lukakutu ko.

Mukaanda kuri bari Filipo 1:11

na luba lwaluula mu biyiriki bya nsungumunu bifumunaana mu Yesu Kiristo, mu nkeembu na ndumusu bya Nzaambi.

Mukaanda kuri bari Filipo 4:11

Kari mu nzala kubaka ko me nyileele bubwo, ngo bukuri me nyayika kuba mu kiminu, kunsa biteesu byobinso bi nyiri.

1 Tes 2:5

Bunu bu luyaari, beetu twasii salila mu nzoonsulu dza lupyelu ko, bunu pe mu buungu dya ntiki-mboongo ko, Nzaambi mbaangi.

1 Tim 3:3

yaa kaba yaa-kinwi ko, yaa kaba se ngaa-bikiindu ko, ngo kasi kaba wadzuuna, wahele kweyumusa baatu, na wahele na ntiki-mboongo.

1 Tim 6:10

Mukwongo, ntiilu ya mboongo ngo mwaansi wa momanso mamabi; babamosi bakaangama mu yo, bayeki badziimbisa kanyi, na bakomono manyutu maaku mu mburi manyoongi.

Mukaanda kuri Tito 1:7

Mukwongo, mukuutu dibuundu wukebaa bya Nzaambi, kayelemini kuba na ntoono yi bamuseembele ko, wahele na masiiku, kari ngaa-mankesi ko, kari yaa-kinwi ko, kari ngaa-bikiindu ko, na kari wukwebakilaa mu bumbabu ko.

Mukaanda kuri Tito 3:14

Baatu ba beetuneenu se, bayelemini kuyika kuheele mutima mu biyiriki byabibwete, mu kubaka bibari na nzala byo bya mufunu, mpisi heki bahele kuba baatu bahele na bimbutu.

Mukaanda kuri Bahebeleho 6:10

Mukwongo, Nzaambi wahele na bubayi, mu kudzimbikina kisalu kyeenu, na ntiilu yi luri lwasoongo mu nkuumbu yaandi, bu lwasariri bangisi, na bu luri mu kunamitina kubasalila.

1 Pet 5:2

Buunguleenu mpuumbu ya Nzaambi yiri ha kakati dyeenu. Kebeenu yo mu bunkete, kari mu kukwiikisa ko, ngo mu mutima-bubwete bunu buri kutya kwa Nzaambi, kari mu kubaka mufutu mu bumpilikisi ko, ngo mu kuheme,

2 Pet 2:15

Bu bamana kusiisa nzila yasuunguma, bayeki bawumuka mu kwenama nzila ya Balaami mwaana Bosoro, watiiri mufutu wa mamabi.

2 Pet 2:3

na mu ntiki-mboongo, mu dzoonsolo dza lupyelu bo sa babadiilila manene. Kuri bo kuholosono na kidzika, mutsuundu wuri mu kwesala, na mfukusulu yaaku yahele kubwa tolo.

Mukaanda Yuda 1:11

Kyaari kuri bo, bukuri banemi nzila ya Kayini, bo bayekimini mu mpumukunu ya Balaami mu ntoono mufutu, na bafuukiri kunsa tungu dya Kore.