Mukaanda kuri bari Filipo 4:11 - Musamu Wamubwete 2013

¹¹ Kari mu nzala kubaka ko me nyileele bubwo, ngo bukuri me nyayika kuba mu kiminu, kunsa biteesu byobinso bi nyiri.

Mukaanda kuri bari Filipo 4:11 Cross References

Musamu wamubwete watina Luka 3:14

Bayongolo se bamufuula ti: «Heki beetu nki tuyelemini kusa?» Nde waleele kuri bo ti: «Yaa ludzika kya muutu mu makwa ko, na yaa lufutukila muutu ko; ngo monee kiminu mu mufutu wa beenu-meene.»

2 Kol 11:27

Me nyasala na nyamono mpasi, me nyakyeelele bitulu bya bwiisi ntaangu ngo ntaangu, nyakolo nzala na mpwiisu, nyakoto maloomi ntaangu ngo ntaangu, nyakuukila kyoosi na nyaba mpene.

2 Kol 6:10

bunu bari mu ngebe, koomosoko bari mu kiminu; bunu bari kunsa buwelu bwa makwa, koomosoko bakwekabula busina; bunu bahele na kitotolo, koomosoko bari na byobinso.

2 Kol 8:9

Mukwongo, beenu luyaari bweese bwa Mfumu yeetu Yesu Kiristo: nde waba kisina, kasi mu ntoono beenu, walwaata buwelu, mpisi heki mu buwelu bwaandi, beenu luba bisina.

2 Kol 9:8

Nzaambi wakuka mu kululuulusa mu mabweese ma bitsuumbu-bitsuumbu, mpisi heki mu mantaangu momanso beenu luba na byakuka, na luba se na bya mansaalisi mu kweyirika momanso mamabwe,

Mukaanda kuri bari Filipo 3:8

Ngo kasi nyimono se ti byobinso byafuukila, ha busu bwa nyaabulu yibvuriri bunene mu Kiristo Yesu, Mfumu yaami. Mu ntoono nde, byobinso bi nyaba na byo nyamana kubibwoongolo, na me nyibimono bunu bitiiti byaloosu, mpisi heki me mbaka Kiristo,

Mukaanda kuri Bahebeleho 10:34

Mukwongo, beenu lwakabula mpasi dza babo baba mu boroko, na beenu lwataambula mu kiminu, ti baluhosono na bitotolo byeenu, bu lwaba luyaari kuri ti luri na busina bubvuriri bubwete, na buri bwawaana ko.