Mukaanda kuri bari Filipo 3:8 - Musamu Wamubwete 2013

⁸ Ngo kasi nyimono se ti byobinso byafuukila, ha busu bwa nyaabulu yibvuriri bunene mu Kiristo Yesu, Mfumu yaami. Mu ntoono nde, byobinso bi nyaba na byo nyamana kubibwoongolo, na me nyibimono bunu bitiiti byaloosu, mpisi heki me mbaka Kiristo,

Mukaanda kuri bari Filipo 3:8 Cross References

Musamu wamubwete watina Luka 1:43

Mi kuri mifumini, ti nguri Mfumu yaami, kiisa ku nyiri me?

Musamu wamubwete watina Luka 11:20

Ngo mbuti mu muleembu Nzaambi [me] nyiri mu kwebingisila mampeeve mamabi, haho lo Kimfumu kya Nzaambi ki mwaakwiisa kuri beenu.»

Musamu wamubwete watina Yowane 14:20

Mu kiluumbu kikyo, beenu sa lwabakula ti me nyiri mu Taayi dyaami, na beenu, mu me, na me, mu beenu.»

Musamu wamubwete watina Yowane 14:7

Mbuti beenu luyaari me, lo sa lwayaaba se Taata. Kuholosono kilookolo kimaki, beenu lumwaamuyaaba, na lumwaamumono.»

Musamu wamubwete watina Yowane 16:3

Sa bayirika mamo, bukuri bahele kuyaaba Taata, na me.

Musamu wamubwete watina Yowane 17:3

Kidziingu kya mantaangu mpmanso ngo kimaki: bayaaba ye, Nzaambi yomosi kitsu yangwanwa, na wunde wu wuri waheeke, Yesu Kiristo.

Musamu wamubwete watina Yowane 17:8

bukuri maampu ma wampeeri, me nyabahee mo, na bo bamataamburi na bayaaburi mu ngwanwa ti me nyapalila kuri ye, na basiiriri kanyi ti ye wampeekiri.»

Musamu wamubwete watina Yowane 20:13

Bo baleele kuri nde ti: «Mukyeetu, buri wuri mu kudila?» Nde wabvutula kuri bo ti: «Bo bahoridyee Mfumu yaami, na me nyahele kuyaaba ku bamusuusiryee.»

Musamu wamubwete watina Yowane 20:28

Toma wabvutula na waleele kuri nde ti: «Mfumu yaami na Nzaambi yaami.»

Biyiriki bya Bantumu 20:24

Kasi ha miisu mya me, kidziingu kyaami kyahele mufunu, kasi miri mufunu kuri meenu kusukisa nzila yaami na kisalu ki nyataamburi kuri Mfumu Yesu, kya kweta kimbaangi mu Musamu Wamubwete mu bweese bwa Nzaambi.

Mukaanda kuri bari Loma 8:18

Me nyitsima ti, mpasi dza lumalu dzahele kuyelemene, na nkeembu mbasi-tsuku wuba wayabakana kuri beetu.

Mukaanda kuri bari Loma 8:39

kudzaangama, musundu, ti hayuku kiyiriki kikimi ka kitsiitsa kuhaambula beetu ko, na ntiilu ya Nzaambi, yiri mu Kiristo Yesu, Mfumu yeetu.

1 Kol 2:2

Bukuri me nyasii tsima kuyaaba kitotolo ti kimosi ha kakati dya beenu ko, mbuti ka Yesu Kiristo, wu bakomini ha yulu kuruwa.

1 Kol 9:10

Buri mimyo ngwanwa kari mu beetu kari mu kuleele ko? Mukwongo, mu ntoono beetu miri myatinu ti: wunde wutsabaa nseke, yelemini kutsaba kuri wuri na nsiitu na wunde wudzabata mankono se yelemini kuba na nsiitu ya kubaka kikuuku kya nde.

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

Mukaanda kuri bari Ngalatya 1:16

mu kumonokoso Mwaana waandi kuri me, mpisi heki me nyimuyaabisa ha kakati dya makaanda; ha nsi na nsi, me nyasii loombo ndoongi kuri muutu ko.

Mukaanda kuri bari Efeso 4:13

natee bu tutubukiri beetu-banso, mu kintwaari kya kanyi na kya nyaabulu Mwaana Nzaambi, mu muutu wabuuka, mu kiteesu kya kuba na mutele wasuka wa Kiristo.

Mukaanda kuri bari Filipo 1:1

Pawulo na Timoteho, bankutu ba Yesu Kiristo, kuri bangisi mu Kiristo Yesu bari ku Filipo, bari kintwaari na bakuutu ba dibuundu na bisari:

Mukaanda kuri bari Filipo 3:10

Me ntii kuyaaba nde, na kuyaaba mpinu dza mfulukulu yaandi, na kuba kintwaari mu mpasi dzaandi, mu kunama kifwaani kya nde mu lufwa lwaandi,

Mukaanda kuri bari Filipo 3:12

Pele, me nyahele kuleele ti mwaabakila bunu pe mwaatubuka ha ndilu, ngo nyiri mu kudzumuna mu nsiitu ya kwekwaata, bukuri me se Kiristo Yesu wayeki wankwaata.

Mukaanda kuri bari Filipo 3:7

Kasi bibyo byaba ndaandu kuri me, me nyamono kuri ti byafuukila, mu ntoono Kiristo.

2 Tim 4:6

Mukwongo, makila ma me meki matsaamuna ha yulu kikabu, na ntaangu ya mweendu waami yimwaatubuka.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

1 Pet 2:7

Hango, lukiinsu luba kuri beenu lwasa kanyi; ngo kasi kuri babo bahele kusa kanyi, «Tari dyaloosiri batuungi, dyeki dyanguri ha kuumbu.»

2 Pet 1:2

Bweese na kiyeengi biba byafunusu kuri beenu, mu nyaabulu yangwanwa ya Nzaambi, na ya Yesu Mfumu yeetu.

2 Pet 1:3

Mpinu dza kinzaambi kyaandi, dzatuha byobinso biri mufunu mu kidziingu na kinzaambi, mu nyaabulu ya ngwanwa ya wunde watuteele mbila, mu nkeembu yaandi na mu makwa maandi.

2 Pet 1:8

Mukwongo, lubaanaa luri na mamo, na mabuukila mu beenu, lo maluha bubolo ko, na malusa bisita ko, mu nyaabulu Mfumu yeetu Yesu Kiristo;

2 Pet 3:18

Buukeenu kunsa bweese, na nyaabulu ya Mfumu na Mubvuukisi weetu Yesu Kiristo. Kuri nde, kuba nkeembu lumalu, natee mu kiluumbu kyahele mbandukulu na manunu! Amene.

1 Yow 1:3

Mamo ma turi twamono, ma turi twayuka, tuyaabisa mo se kuri beenu, mpisi heki beenu se luba mu kintwaari na beetu. Ngo kintwaari kyeetu, kintwaari na Taata na Mwaana waandi Yesu Kiristo.

1 Yow 2:19

Bo bapariri ha kakati dya beetu, ngo basii kuba ba beetu ko; bukuri mbuti ngo, baba ba beetu, nkani baketi kudzakala na beetu. Bo bapariri mpisi diba dyayabakana ti bobanso bari ba beetu ko.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.