Mukaanda kuri bari Filipo 3:20 - Musamu Wamubwete 2013

²⁰ Mukwongo, bula bweetu ngo mayulu, kukwo kuri Mubvuukisi wu turi mu kwekiinga, Mfumu Yesu Kiristo.

Mukaanda kuri bari Filipo 3:20 Cross References

Musamu wamubwete watina Matayi 19:21

Yesu waleele kuri nde ti: «Mbuti ye tiiri kuba wakuka, lo yende, yarika bi wuri na byo, ha kuri bawelu, na ye sa baka busina mu mayulu, na wasa nama me.»

Musamu wamubwete watina Luka 12:21

«Bunubwo se buba mu muutu wukutukisaa busina mu ntoono nde-meene, na wahele kusaka busina mu ntoono Nzaambi.»

Musamu wamubwete watina Luka 14:14

Na ye sa ba mu kiminu bukuri, bo babaka bya kubvutula kuri ye ko. Mukwongo, ye sa taambula byo, ha ba mfulukulu ya basuunguma.»

Biyiriki bya Bantumu 1:11

na baleele kuri bo ti: "Bari Ngalili, mu nki ntoono beenu luri mu kutala ku yulu? Yesu di, wu bayisiri ha kakati dya beenu, weensi ku yulu, bunubwo se mbasi-tsuku kabweese kwiisikila, bunu bu lumumwiini bu kensikiri ku yulu."

1 Kol 1:7

kuri lo beenu luri ti na kikabu kimosi ki luri kyo pe ko, buluri mu kwekiingila monokunu ya Mfumu yeetu Yesu Kiristo.

1 Kol 15:48

Bunu buri muutu wa tubuumbu, bunubwo se buri baatu ba tubuumbu; bunu buri muutu wa ku yulu, bunubwo se buri, baatu ba ku yulu.

2 Kol 4:18

Beetu twahele kutala bitotolo bibyo byamonoko, ngo bibyo byahele kumonoko; bukuri bibyo byamonoko byahele kudziingula, ngo kasi bibyo byahele kumonoko, bidziingulaa kwakinkulu.

2 Kol 5:8

Beetu twaluula mu nsiitu, na tumono kuri ti, bubvuriri bubwete mu kupala mu nyutu yimayi, na kweende mu kudzakala kuri Mfumu.

Mukaanda kuri bari Ngalatya 4:26

Yerusalemi dya ku yulu diri na bunsaalisi, dyo diri nguri beetu.

Mukaanda kuri bari Efeso 2:19

Mu didyo, beenu lusii banzeense, na minzakikiri ko, kasi lweki bangaa-nsi kintwaari na bangisi, baatu bari mu kaanda dya Nzaambi.

Mukaanda kuri bari Efeso 2:6

Mu Kiristo Yesu, Nzaambi watufulukisa ha kimosi na nde, na watudzakisa ha kimosi na nde kunu kinsongi-yulu,

Mukaanda kuri bari Filipo 1:10

mu kuyaaba kusobokoso miri mufunu. Mu bubwo beenu luba batsyeemeke, na kuhele kuba na mi baluseembele mu kiluumbu kya Kiristo,

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Kolosayi 1:5

mu ntoono nsiitu yibari balusweekele mu mayulu, yi luri lwatekesele kuyuka, mu maampu mangwanwa ma Musamu Wamubwete.

1 Tes 1:10

na mu kwekiingila Mwaana waandi wufumuna ku mayulu, wu kafulukisi mu bafwa, Yesu, nde wutukuula mu nkesi dzikwiisa.

1 Tes 4:16

Bukuri Mfumu nde-meene, mu kidiimbu kya nyaabusulu, mu mbeembu ya mukuutu bambasi, mu munyiingu mvumvuri ya Nzaambi, sa kasunduka mu mayulu, na babo bafwiila mu Kiristo sa batekesele kufuluka;

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

Mukaanda kuri Bahebeleho 12:22

Ngo kasi beenu lwakokosiri bebele na mulaandu wa Syoni, na bvula dya Nzaambi ya mwooyo, Yerusalemi dya ku yulu, na mafuunda ma bambasi makutukina mu munkeembu,

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!