Mukaanda kuri bari Filipo 3:2 - Musamu Wamubwete 2013

² Seenee madyeele mu bambwa, seenee madyeele mu bisari byabibi, seenee madyeele mu nteendulu bubakala yampya.

Mukaanda kuri bari Filipo 3:2 Cross References

Musamu wamubwete watina Matayi 24:10

Hanaho, baatu balaka sa babwa, sa bayekele bambaasi bo na bo, na sa bebelesene bo na bo.

Musamu wamubwete watina Matayi 7:15

«Seenee madyeele mu babikiri ba mampya, bo bari mu kwiisa kuri beenu kuri balwaata mikaanda mya bimeeme, ngo kunsa-kati bango-mbulu bansisi.

Musamu wamubwete watina Matayi 7:6

«Yaa luha byangisi kuri bambwa ko, yaa lulooso misaanga myeenu kuri bangulu ko, mu kubata kuri ti bakwiisa kumidzabata mu miilu myaaku, na balutsyetikilaana, balukaakiri.»

Mukaanda kuri bari Loma 2:28

Mukwongo, Muyudayo kari wunde wubamonaa mu miisu ko, na nteendulu bubakala kari yibamonaa mu muswinyi ko,

2 Kol 11:13

Bukuri baatu babo ngo bantumu bampya, bisari byamawunu, bikweswemekene mu kifwaani kya bantumu ba Kiristo.

Mukaanda kuri bari Ngalatya 5:13

Mukwongo, bampaangi, beenu baluteele mbila mu kuba mu bunsaalisi. Ngo kasi, bunsaalisi bubwo yaa buba mpwaani ya kwedyaatila mu kimuutu ko; ngo kunsa ntiilu yendee lwesalisina beenu na beenu.

Mukaanda kuri bari Ngalatya 5:15

Ngo mbuti beenu lukwetatikaa na lukwekaakila bambaasi beenu na beenu, lo seenee madyeele, mpisi heki luhele kwefwilisina beenu na beenu.

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Mukaanda kuri bari Filipo 3:19

Nsukulu bo ngo mfuukulu, Nzaambi bo ngo mwooyo waaku, na nkeembu bo kumwiina kunsa mya nsoni myaaku, bo bakwenama mya nsi.

Mukaanda kuri bari Filipo 3:3

Mukwongo, bateende bubakala ngo beetuneenu, tusaambilaa mu Mpeeve ya Nzaambi, tumonaa kimweese mu Kiristo Yesu, na tuhelaa kusiila nsiitu mu muswinyi,

1 Tim 1:19

bu wuri na kanyi na nsimunu yayibwete. Nsimunu yiyo babamosi bayeki bayilooso, na mu mitariri kanyi bo bayeki bapatuka mu maampa.

Mukaanda kuri Tito 1:16

Bo bakweleele ti bayaari Nzaambi, ngo mu biyiriki bo bakwemutuna. Bo bayeki nkeensu na bangaa-tungu, bakoono kuyirika ntoono ti yimosi yayibwete.

2 Pet 2:22

Ma leele nkuma yangwanwa ma mwaa kubatubukila: «Mbwa yibweesiri kubvutukila biluku byaandi», na: «ngulu yibayoosiri, yibvutukiri ku tamba.»

Mukaanda Yuda 1:4

Mukwongo, baatu babamosi bayolomikini mu nsweeki, bari kuholosono na kidzika, batekesele kubatina mankuumbu mu mutsuundu wunde. Bo ngo bangooyi, bakwekitula bweese bwa Nzaambi yeetu mu buyala, na bakwetuna wunde wuri ndemosi Mutumi na Mfumu yeetu, Yesu Kiristo.

Nyabusulu ya Yowane 2:9

Me nyaari mpasi na buwelu bwa ye, kasi wuri kisina, nyaari se nsaanunu dza babo bari mu kweleele ti Bayudayo bari, ngo bari Bayudayo ko, kasi baatu ba nzo-nkutukunu ya Satana.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Nyabusulu ya Yowane 22:15

Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.

Nyabusulu ya Yowane 3:9

Mono ma nyiyirika me kuri bari mu nzo lukutukunu ya Satana, bakweleele ti bo Bayudayo, kasi bari Bayudayo ko, bukuri bari bangaa-mpya. Me tsa sa kuri ti bo biisa na batsukumina hari miilu mya ye, na kuyaaba ti me nyakutya.