Mukaanda kuri bari Filipo 2:5 - Musamu Wamubwete 2013

⁵ Dyaatileenu bubwo ha kakati dya beenu, bunu bwayelemene mu Kiristo Yesu.

Mukaanda kuri bari Filipo 2:5 Cross References

Musamu wamubwete watina Matayi 11:29

Lwaateenu kihaangu kyaami, na yiikeenu kuri me, bukuri me nyiri na bundeembu na nyakuluka mu mutima, beenu sa lwabaka mpuumunu ya miheebulu myeenu.

Musamu wamubwete watina Luka 22:27

Mukwongo, na bvuriri bukuutu, ha kakati dya wunde walaambula miilu mu kudya, na wunde wuri mu kusala? Buri kari wunde walaambula miilu mu kudya ko? Ngo ha kakati dya beenu, me nyiri bunu wunde wuri mu kusala.

Biyiriki bya Bantumu 10:38

Dyaburi Nzaambi kalwiikirye Yesu wa ku Nadzareti Mpeeve Yangisi na mu mpinu. Nde wabee kwelutaana mu kweyirika mamabwe na kwetsinikisa bobanso babeeri kunsa nkwamusunu dza dyabulu, bukuri Nzaambi wabeeri na nde.

Biyiriki bya Bantumu 20:35

Mu myominso, me nyasoongiri kuri beenu ti, mu kusala, beenu luyelemini kubakisa bari na buyonsi, na kubaambuka mwooyo mu maampu ma Mfumu Yesu, bukuri nde-meene waleeriri ti: "Kiminu kibvuriri mu kuha ti na mu kutaambula."

Mukaanda kuri bari Loma 14:15

Ngo mbuti mu ntoono byandya, mpaangi yaaku wuri na ngebe, lo ye wahele kudyaatila bunu buri ntiilu. Mu ntoono ya byandya, yaa suumbula wunde wuri Kiristo wamufwiila ko.

Mukaanda kuri bari Loma 15:3

Mukwongo, Kiristo kasii saka ma kiminu mu nde-meene ko, ngo kasi bunu bu diri dyatinu: «Bitari bya babo batuka ye, byabwiilikila mu me.»

Mukaanda kuri bari Loma 15:5

Nzaambi ya kifiki na ya nsyamusunu, kasa kuri ti beenu luba na nyukusunu beenu na beenu, bunu buri kutya kwa Kiristo Yesu,

1 Kol 10:33

ngo beenee bunu me, wuri mu myominso, nyisakaa kubweeye kuri bobanso. Me nyahele kusaka ndaandu ya wunu me-meene kitsu, ngo ndaandu ya balaka, mpisi baba babvuukusu.

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Mukaanda kuri bari Filipo 1:1

Pawulo na Timoteho, bankutu ba Yesu Kiristo, kuri bangisi mu Kiristo Yesu bari ku Filipo, bari kintwaari na bakuutu ba dibuundu na bisari:

1 Pet 2:21

Mukwongo, mu bubwo bari baluteele mbila, bukuri Kiristo se wabamini mu ntoono beenu; nde walusisikila kifwaani, mpisi heki beenu lunama mu bitaambi byaandi.

1 Pet 4:1

Ngo Kiristo bu kamono mpasi mu muswinyi, beenu se holeenu kitsimi kya bubwo bunu kinwaanunu, ti muutu wu mwaamono mpasi mu muswinyi, mwaahoto kuyirika masumu,

1 Yow 2:6

Wunde wuleelaa ti wasa kikuundi mu nde, lo yelemini kudyaatila se, bunu bu kadyaatiri nde.