Mukaanda kuri bari Filipo 2:2 - Musamu Wamubwete 2013

² lo kukiseenu kiminu kya me, mu kuba ndyaatulu mosi, ntiilu mosi, mutima mosi, kitsimi kimosi, na kuba na kintwaari.

Mukaanda kuri bari Filipo 2:2 Cross References

Musamu wamubwete watina Yowane 3:29

Ngaa-mukasi mulumi; nduku mulumi wuri ha teke nde na wuri mu kumuywiila, wuri na kiminu mu kuyuka mbeembu mulumi. Kikyo ngo kiminu kya me kyaluula

Biyiriki bya Bantumu 1:14

Bobanso babo, baba basyaama mu mutima mosi, mu lusaambulu, kintwaari na bakyeetu na Mariya nguri Yesu na bampaangi ba Yesu.

Biyiriki bya Bantumu 2:1

Kiluumbu kya Pantekote bu kyayisa, bobanso baba bakutukuna ha kibeendu kyokimosi.

Biyiriki bya Bantumu 2:46

Mpisi kiluumbu, baba namitinaana kuba mu kintwaari mu Nzo-nzaambi, mu kubukuna mpa, na kukabula byandya ku nzo,

Biyiriki bya Bantumu 5:12

Bimaangu na bidiimbu byalaka byayirima mu myooko mya bantumu ha kakati dya baatu. Bobanso baba yukusunaana ha kimosi ha saansi dya Solomo.

Mukaanda kuri bari Loma 12:16

Beenee na nyukusunu beenu na beenu, yaa luba na masiiku ko, ngo tambukilee ma kuluka. Yaa lumonoko ba bangaa-madyeele mu beenu-meene ko.

1 Kol 1:10

Bampaangi, me nyiluyingukila mu nkuumbu ya Mfumu yeetu Yesu Kiristo, yukusuneenu beenu na beenu, na yaa kuba nkabunu ha kakati dya beenu ko; beenee kintwaari mu mpeeve mosi na mu kitsimi kimosi.

2 Kol 13:11

Mu misiiri ngo miri, bampaangi, monee kiminu, sakeenu kuba babaanguka, syamisinee beenu na beenu, beenee kitsimi kimosi, beenee na kiyeengi, na Nzaambi ya ntiilu na ya kiyeengi sa kaba na beenu.

2 Kol 2:3

Me nyatinini mimyo, mu kubata kuri ti babo baketi kuha me kiminu, bankotoso mu ngebe mu ntaangu yi nyikwiisa. Me nyirikiri kuyaaba ti, kiminu kya me, kya beenu-banso se.

2 Kol 7:7

kari munu mu nyisulu nde ko, ngo se na mu mboondulu yi kabakiri nde kuri beenu; nde watuyaabisiri musoongo wu luri na nde, bidilu byeenu, na kuheme ku luri na kwo mu me, na mu didyo me nyabweesiri kumono kiminu kibvuriri bunene.

Mukaanda kuri bari Filipo 1:4

Mantaangu momanso ma nyisaambilaa me mu beenu-banso, nyisambikilaa mu kiminu,

Mukaanda kuri bari Filipo 2:16

bu luri lwakaangama mu maampu ma mwooyo. Mu mimyo me nyiba na kimweese mu kiluumbu kya Kiristo, bukuri me nyasii kudzumuna kwa buunu ko, na nyasii mono mpasi kwa buunu ko.

Mukaanda kuri bari Filipo 2:20

Mukwongo, me nyahele na muutu mukimi ha yulu nde, wuri bitsimi byobimosi na me, wutsiminaa misamu mitariri beenu mu ngwanwa.

Mukaanda kuri bari Filipo 4:2

Me nyisyaamisa Evodya na Sintike mu kuba na nyukusunu mu Mfumu.

Mukaanda kuri bari Kolosayi 2:5

Mukwongo, mbuti heki mu nyutu ya muswinyi me nyahele kuba na beenu, ngo mu kimpeeve nyiri kintwaari na beenu, lo me nyimono kiminu, mu kumono ti beenu luri na bunkete, na luri babukekete mu kanyi dyeenu mu Kiristo.

2 Tes 2:13

Beetu ngo bari, tuyelemini kubvutula matoondo kuri Nzaambi mpisi ntaangu, mu ntoono beenu bampaangi batya kuri Mfumu, bukuri Nzaambi walusoolo bunu mintekesele, mu kuba babvuuka kunsa bungisi buluha Mpeeve, na kanyi mu ngwanwa.

2 Tim 1:4

Bu nyibaambuka mwooyo mu mansangasa maaku, nyibaana na musoongo walaka wa kumono ye, mpisi mba nyaluula mu kiminu.

Film 1:20

Heehe, mpaangi, nyirikila mamo mu Mfumu. Dzuunisa mutima waami mu Kiristo.

2 Yow 1:4

Me nyankeembiri kwalaka, bu nyamwiini ti baala baaku, bakwedyaatila mu ngwanwa, bunu buri lutumu lu turi twataambula kuri Taata.

3 Yow 1:4

Kiminu kya me kibvuriri bunene, mu kuyuka ti baala ba me, ba kwedyaatila mu ngwanwa.