Mukaanda kuri bari Filipo 2:15 - Musamu Wamubwete 2013

¹⁵ mpisi luhele kuba na mi baluseembele, luhele kuba na kinsaangi-nsobo, luba baala ba Nzaambi bahele na mi babaseembele, ha kakati dya kiseendu kya baatu bawumuka na bababi. Ha kakati dya baatu babo, beenu luri mu kweseme bunu byuufu bya mbaawu mu nsi,

Mukaanda kuri bari Filipo 2:15 Cross References

Musamu wamubwete watina Matayi 10:16

«Mono, me nyiluheeke bunu bimeeme ha kakati dya bango-mbulu. Ngo beenee balubuka bunu banyoko, na badweeteme bunu mabeembe.

Musamu wamubwete watina Matayi 17:17

Yesu wabvutula, waleele ti: «Ha! Kiseendu kyahele na kanyi, na kyawumuka. Natee mantaangu makwe me nyiba na beenu? Natee mantaangu makwe me nyikuunda beenu? Muntwalikilee hamaha!»

Musamu wamubwete watina Matayi 5:45

mpisi luba baala ba taayi dyeenu diri ku mayulu, bukuri nde wuteekisaa mwiini waandi ha yulu bababi, na ha yulu bababwete, na wunokisaa mvula ha yulu basuunguma, na ha yulu bahele kusuunguma.

Musamu wamubwete watina Matayi 5:48

Hango beenee bayirima kwakuka, bunu buri Taayi dyeenu diri ku mayulu nde wayirima kwakuka.»

Musamu wamubwete watina Luka 1:6

Boboolo baba baatu basuunguma ha busu bwa Nzaambi, bakwedyaatila kunsa mangisi na ntumu dza Mfumu kwahele maseembu.

Musamu wamubwete watina Luka 6:35

Ngo kasi, tyeeneenu bataatu beenu, yirikeenu mamabwe na soomboseenu kwahele kitsimi kiri ti balubvutikila. Museendu weenu sa kaba wamunene, na sa lwaba baala ba Mwa-yulu, bukuri nde wuri na mutima-bubwete, kuri bari bayaari kutoondo ko, na kuri bangaa-mutima-bubi.

Musamu wamubwete watina Yowane 5:35

Yowane waba bunu mwiinda wanamuku na wuri mu kweseme; ngo beenu lwatiiri kukeembe mu mwaa-kilookolo kimosi, mu buungi bwaandi.

Biyiriki bya Bantumu 2:40

Mu maampu makimi malaka, nde watswiikisa na wabasyaamisa, waleele ti: "Bvuukeenu kweenu mu kiseendu kyakibi ki!"

Biyiriki bya Bantumu 20:30

na munsa beenu se sa kwateleme baatu ba kwesa biwobiri, mu kunata bayiki ha mambisa ma bo.

Mukaanda kuri bari Loma 16:19

Mukwongo, bintambukulu byeenu byayabakana kuri bobanso. Ngo me nyimono kiminu mu ntoono beenu, me ntiiri ti beenu luba na madyeele mu mamabwete, na luba kutsyeemeke kwahele mamabi.

1 Kol 1:8

Nde ngo wulukumisa natee kunu manunu, mpisi heki luba bahele maseembu mu kiluumbu kya Mfumu yeetu Yesu Kiristo.

2 Kol 6:17

Hango nkuumbu, Mfumu ti: «Paleenu ha kakati dya bo, na haambikiseenu na bo. Yaa lubelemene kitotolo ti kimosi kya sumuka ko, na me sa nyalutaambula.

Mukaanda kuri bari Efeso 5:27

mpisi kamonokoso kuri nde-meene, dibuundu dyakeembusu, dyahele na mpita bunu pe mihonyi, bunu pe kitotolo kyafwanikina na bibyo, ngo kasi diba dyangisi na dyahele maseembu.

Mukaanda kuri bari Filipo 1:10

mu kuyaaba kusobokoso miri mufunu. Mu bubwo beenu luba batsyeemeke, na kuhele kuba na mi baluseembele mu kiluumbu kya Kiristo,

Mukaanda kuri bari Filipo 3:6

mu kifiki, me mukwaamisi dibuundu, mu mitariri nsungumunu mu mangisi, me nyiri na mi banseembele ko.

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

1 Tim 3:10

Bayelemini kutekesele kubafyoongokono; tumi basala kisalu kya dibuundu, mbuti bahele na mi babaseembele.

1 Tim 3:2

Mukuutu dibuundu yelemini kuba wahele na di bamuseembele, mulumi wuri na mukasi mosi, wuri na ndiilu na nwiinu byayelemene, wasoongolo, wakiinsuma, mutaamburi-banzeense, wakuka mu kuyikisa;

1 Tim 5:14

Ngo me ntiiri ti bafwiiri bakiri mu buntuumba bakweele, babuta baala, batwaalisa manzo maaku, na yaa baha mpwaani ti mosi ko kuri mutaatu mu kudzoonso mamabi.

1 Tim 5:20

Babwiiri mu masumu, lo baseembe ha busu bwa baatu bobanso, mpisi baatu bakaka se baba na boomo.

1 Tim 5:7

Mimyo ye yelemini kubatuma, mpisi bahele kuba na mi babaseembele.

Mukaanda kuri Tito 1:6

mbuti kubakimini muutu wahele na ntoono yi bamuseembele, wuri na mukasi mosi, wuri na baala bari na kanyi, bahele na kibila mu ndyaatulu, bunu pe bahele na nko.

Mukaanda kuri Tito 2:10

yaa beyiba ko, ngo bamonokoso mu myominso kanyi dyadibwete, mpisi babweeyese mu myominso, nyikusulu dza Mubvuukisi weetu Nzaambi.

Mukaanda kuri Tito 2:15

Ye yelemini kudzoonsolo mu mamo, kusyaamisa na seembe mu lutumu lwolunso. Muutu yaa kakunyaafuna ko.

Mukaanda kuri Bahebeleho 7:26

Mukwongo, kuri beetu mukuutu bangaanga-nzaambi waba wayelemene ngo wabubwo. Nde wangisi, wahele na mamabi, wahele na masumu, wahaambuka na bangaa-masumu, na bamunaakisa ku nkati yulu.

1 Pet 2:12

Beenee na ndyaatulu yayibwete ha kakati dya bangooyi, mpisi heki ti hayuku bakwelufutukila misamu, bunu bayiriki ba mamabi, lo bo bamono biyiriki byeenu byabibwe, na bakeembise Nzaambi mu kiluumbu ki kakwiisa kulumono.

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.

2 Pet 3:14

Hango-nkuumbu, banduku ba mutima, bu luri mu kwekiingila mamo, seenee makwa, mpisi nde kiisa kalutangusina mu kiyeengi, kuri lwahele na maka na mi baluseembele

Nyabusulu ya Yowane 2:5

Hango, baambuka mwooyo mu ha wuri wabwiilila, yiinga dyeele na bvutukila biyiriki byaaku byatete; mbuti ka bubwo ko, lo me sa nyiisa kuri ye, na sa nyiinga kibeendu kya kitetukulu kya mwiinda waaku, mbuti ye wahele kuyiinga dyeele.

Nyabusulu ya Yowane 3:9

Mono ma nyiyirika me kuri bari mu nzo lukutukunu ya Satana, bakweleele ti bo Bayudayo, kasi bari Bayudayo ko, bukuri bari bangaa-mpya. Me tsa sa kuri ti bo biisa na batsukumina hari miilu mya ye, na kuyaaba ti me nyakutya.