Mukaanda kuri bari Filipo 2:14 - Musamu Wamubwete 2013

¹⁴ Yirikee momanso kwahele kwemunguta na kwahele nkalikisi,

Mukaanda kuri bari Filipo 2:14 Cross References

Musamu wamubwete watina Matayi 20:11

Bu bari mu kwetaambula mufutu, bari mu kwemunguta mu ntoono ngaa-nzo.

Musamu wamubwete watina Malako 14:5

Habeeri kwaandi lo bamayarikiri mu nkama tatu dza bidenali, na kuha kuri bawelu.» Bo babakila mukyeetu wunde nkesi.

Musamu wamubwete watina Malako 9:14

Bu batubuka hari bayiki bakaka, bo bamono mpuumbu baatu yayinene yaba yabadyengekele, na batini ba mangisi baba kalikisaana na bo.

Musamu wamubwete watina Luka 5:30

Bafarisi na batini ba mangisi babeke kumunguta, na baleele kuri bayiki ba Yesu ti: «Buri beenu luri mu kudya na kunwa kintwaari na batori ba mpaku na bangaa-masumu?»

Biyiriki bya Bantumu 15:2

Yumu na nkalikisi dza makwa byabwa ha kakati dya bayisiri babo na Pawulo, wuri waba kibari kimosi na Barnaba. Bakaanga kitsimi kiri ti Pawulo, Barnaba na bamosi bayisiri, batoomboko ku Yerusalemi, kuri bantumu na bakulu ba babakala, mu mitariri nkalikisi dzidzo.

Biyiriki bya Bantumu 15:39

Hango nkalikisi bu dzabvulula, bo bahambikisa bo na bo. Barnaba waholo Malako na nde na wayende ku Kiporo.

Biyiriki bya Bantumu 15:7

Nkalikisi dzadzinene dzabwa, Petelo wateleme, waleele: "Bampaangi baami, beenu luyaari ti, kuholosono mantaangu mamakulu, Nzaambi wasooriri me ha kakati dya beenu, mpisi heki bangooyi bayuka, mu munwa me, maampu ma Musamu Wamubwe na basa kanyi.

Biyiriki bya Bantumu 6:1

Mu biluumbu bibyo, bayiki baba beki balaka. Mvungutulu ya Bahelene mu Bahebeleho yayukukuna, bukuri bakyeetu babo bafwiiri balumi baba banyaafunu mu nkabukulu byandya, ya kiluumbu ngo kiluumbu.

Mukaanda kuri bari Loma 12:18

mbuti bwadzuka, na diri mu miswa mya beenu, lo beenee na kiyeengi na baatu bobanso.

Mukaanda kuri bari Loma 14:1

Taambulee wunde wuri na bubolo mu kanyi, kwahele kusaana ma kakweleele.

Mukaanda kuri bari Loma 16:17

Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

1 Kol 10:10

Yaa lumunguta ko, bunu babamosi mu bo bamungutini, na mufuukisi wubadzusiri.

2 Kol 12:20

Mukwongo, me nyibata kuri ti, ha nyikwiisa me mpele kulumono mu kiteesu ki ntiiriri me; na beenu se luhele kumono me mu kiteesu ki lutiiriri beenu. Me nyibata ti ha kakati dya beenu, haba mayumu, musoki, mankesi, nkalikisi, makele, kintori, kinwa, na kisaangila.

Mukaanda kuri bari Ngalatya 5:15

Ngo mbuti beenu lukwetatikaa na lukwekaakila bambaasi beenu na beenu, lo seenee madyeele, mpisi heki luhele kwefwilisina beenu na beenu.

Mukaanda kuri bari Ngalatya 5:26

Yaa tubeenee bangaa-masiiku ko, beetu na beetu bisoombolo pe, musoki pe.

Mukaanda kuri bari Filipo 2:3

Yaa lwesalila kunsa nwaanusunu ko, bunu pe mu nzala-kubila yabuunu ko, ngo kasi mu nkulukulu, holulee bambaasi bunu ti bo babvuriri na beenu.

1 Tes 5:13

Namitineenu kubvula kwebasiila mutima na kwebatya, mu ntoono kisalu ki bari na kyo. Beeneenu na kiyeengi beenu na beenu.

1 Tes 5:15

Taleenu yaa kuba muutu wubvutula bubi mu bubi ko, ngo namitineenu kweyirika mamabwete, ha kakati dya beenu na beenu na kuri bobanso.

Mukaanda kuri Bahebeleho 12:14

Namitinee kwesa kiyeengi na bobanso, na kweba kunsa bungisi, buri, mbuti buheriri, lo kuri muutu ti mosi ko wumono Mfumu.

Mukaanda wa Yakobo 1:20

bukuri nkesi dza muutu dzikookukukisaa nsungumunu ya Nzaambi ko.

Mukaanda wa Yakobo 3:14

Ngo mbuti beenu luri na musoki wankari, na mpeeve ya nwanusunu mu mitima myeenu, lo yaa luba na masiiku ko, na yaa lwekitula ngwanwa mu mpya ko.

Mukaanda wa Yakobo 5:9

Bampaangi, yaa lwesilisina minyoongi beenu na beenu ko, mpisi luhele kuba batsuundusu. Monee mutsuundisi telemini ha mweelu.

1 Pet 3:11

kalooso mamabi na kayirika mamabwete, kesaka kiyeengi na kanamitina kusalila mu kyo.

1 Pet 4:9

Yendee lwetaambula bambaasi beenu na beenu, kwahele kwemunguta.

Mukaanda Yuda 1:16

Bo ngo bakwemunguta, bahele kumono kiminu mu kiteesu kyaaku, bakwedyaatila bunu buri nyiimunu dzaaku, na minwa mikwedzoonsolo mu masiiku, na bakwesiikila baatu mu ndaandu.