फिलिप्‍पी 2:3 - मध्‍य पुरविया थारू

³ आपन मातरे भलाइ नै खोज आ अहङकारमे कुछ नै कर, महज नमर्‌तामे एक दोसरके आपनसे बरका ठान।

फिलिप्‍पी 2:3 Cross References

लुका 18:14

तब येसु ओइसबके कहल्‍कै, “हम तोरासबके कहैचियौ, बटी उठाइबला लोक फरिसीसे बेसी धरमी ठहैरके आपन घर गेलै। कथिलेत जे आपनके बरका सोचैछै उ सबसे छोट हैछै आ जे आपनके छोट सोचैछै उ सबसे बरका हैछै।”

रोमी 12:10

एक-दोसरके आपने भाइ-भैया जखा परेम कर। अपनासे बेसी दोसरके आदर कर।

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

रोमी 2:8

महज आपनेके मातरे परेम करैबला, सत बातके पालन नै करैबला आ खराब बातमे लागल रहैबला लोकसबमे परमेस्‍वरके करोध आ दन्‍ड परतै।

१ कोरन्‍थी 15:9

हम परेरितसबमेसे सबसे तुच्‍छ चियै। हम परेरित कहैके योग्‍यके नै चियै कथिलेत हम परमेस्‍वरके मन्‍डलीके सताइने चियै।

१ कोरन्‍थी 3:3

कथिलेत तुसब अखुन्‍तो सन्‍सारके लोकसब जखा जिबन बिताबैचिही। यदि तोरासबके बिचमे डाह आ झगरा छौ त, कि तुसब सन्‍सारके औरो लोकसब जखा बेबहार नै करैचिही से?

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।

गलाती 5:15

तुसब एक-दोसरके आपन बोलिसे जङली जानबर जखा दात काटैचिही आ नोच-नाच करैचिही त होस कर, नै त एक-दोसरके नास करबिही।

गलाती 5:26

हमसबके एक-दोसरसङे घमन्‍ड, रिस आ डाह नै करैके चाही।

एफिसी 4:2

सबदिन नर्‌म, सोझ आ धिरजी भ्‍याके एक-दोसरके परेम कर।

एफिसी 5:21

तुसब खिरिस्‍टके आदर करलाके कारनसे एक-दोसरके अधिनमे रह।

फिलिप्‍पी 2:14

गनगन आ बाद-बिबाद नै कैरके सबकाम कैरते जो।

कलस्‍सी 3:12

तुसब परमेस्‍वरके छानल पिरिय पबितर लोकसब चिही। अहै कारन मया, दया, नरमता, कोमलता आ सहनसिलताके धारन कर।

कलस्‍सी 3:8

महज आब तुसब रिस-राग, करोध, डाह, निन्‍दा आ आपन मुहसे निकलैबला अधलाह बोली हटाइले परतौ।

१ तिमोथी 6:4

उ लोक घमन्‍डसे भरल रहैछै आ कुछो नै जानैछै। एहेन लोक बेरथेमे बाद-बिबाद करैछै। बात-बातमे झगरा करैछै। एहेन बातसबसे त डाह, फुट, बदनाम आ संखासब हैले लागैछै।

१ पतरुस 3:8

अन्‍तमे हम यि कहैले चाहैचियौ, तुसब एके मनके हो, एक दोसरके पिर मरका बुझ, एक दोसरके भाइ दाखिल माइनके परेम कर। तुसब दयालु आ नम्‌र बन।

१ पतरुस 5:5

तहिनङे जबानसब, बुढ लोकसबके अधिनमे रह। तुसब नम्‌र भ्‍याके एक दोसरके सेबा कर। कथिलेकी पबितर धरमसास्‍तरमे लिखल छै कि, “परमेस्‍वर घमन्‍डी लोकसबके बिरोध करैछै, महज नम्‌र लोकसबके अनुगरह करैछै।”