फिलिप्‍पी 2:29 - मध्‍य पुरविया थारू

²⁹ परभुमे ओकरा भाइ समैझके खुसिसाथ स्‍वागत कर आ एहेन लोकसबके आदर करैले परैछै।

फिलिप्‍पी 2:29 Cross References

लुका 9:5

महज जतेका लोकसब तोरासबके मान-दान नै करतौ तब ओइ सहरसे निक्‍लैतकाल तुसब आपन टाङके गरदा झाइरदैहिये। यि ओकरासबके बिरोधके साक्‍छी हेतै।”

युहन्‍ना 13:20

साँचोके हम तोरासबके कहैचियौ, जे हमर पठेल्‍हा लोकके सुइकार करैछै, उ हमरा सुइकार करैछै आ जे हमरा सुइकार करैछै, उ हमरा पठाइबलाके सुइकार करैछै।”

परेरित 2:46

उसब एकेमन भ्‍याके सबदिन मन्‍दिरमे जमा हैछेलै, घर-घरमे परभु भोज करै आ सबकोइ खुसी मनसे मिल-जुइलके खाइछेलै,

परेरित 28:10

उ सब बहौत तरहसे हमरासबके सेबा सत्‍कार करल्‍कै आ जब जहाद चरहे लागलियै तब उसब हमरासबके जरुरत परैबला सरसमानसब आइनके जहादमे राइख देल्‍कै।

परेरित 8:8

अहिनङे ओइ सहरमे बहौत आनन्‍द भेलै।

रोमी 10:15

सुनाइबला लोकके नै पठाइतै उ कनङके परचार करतै? जनङ पबितर धरमसास्‍तरमे लिखल छै कि, “सुसमाचार परचार करैबलाके टाङ कतहेक सुन्‍दर!”

रोमी 16:2

हम तोरासबके बिन्‍ती करैचियौ कि, ओकरा परमेस्‍वरके एकटा पबितर जन जखा परभुके नाममे स्‍वागत कर। तुसब सके जतहेक ओकर जरुरतमे सहायता कर, कथिलेत उ बहुतो लोकके आ हमरो सहायता करने छै।

१ कोरन्‍थी 16:10

तिमोथी तोरासबलग एतौ त, ओकरा कोनो किसिमके दिकत हैले नै दिहे, कथिलेकी ओहो हमरे जखा परभुके काम करैछै।

१ कोरन्‍थी 16:18

उसब हमर आ तोरासबके मनके सेहो उत्‍साहित बनाइनेछौ। ओहैसे तोरासबके एहेन लोकसबके आदर करैले परतौ।

२ कोरन्‍थी 10:18

कथिलेकी जे आपन तारिफ आपनेसे करैछै, उ कोनो महत्‍वके बात नै चियै, महज जकर तारिफ परभु करैछै उ बहौत मुल्‍यबानके ठानल जाइछै।

२ कोरन्‍थी 7:2

तुसब आपन हिरदयमे हमरासबके ठाम दहै। हमसब ककरो अनियाय नै करनेचियै। हमसब ककरो खराब बाट नै देखाइने चियै आ नै ककरोसे फैदा उठाइने चियै।

फिलिप्‍पी 2:28

ओहैलेल हम ओकरा पठाबैके लेल औरो बेसी इक्‍छा करनेचियै ताकी ओकरा फेनसे देखके तुसब खुस हेब्‍ही आ हमरो चिन्‍ता कम हेतै।

कलस्‍सी 4:10

हमरे सङे जहलमे रहलहा अरिस्‍तारखस तोरासबके गोरलगी पठाइनेछौ। बरनाबासके नातामे परैबला मरकुस सेहो गोरलगी पठाइनेछौ। ओकर बारेमे पहिने हम तोरासबके कैहदेनेचियौ, उ एतौ त असलसे स्‍वागत करिहे।

१ थेसलोनिकी 5:12

हे हमर भाइसब तोरासबके हमसब आगरह करैचियौ कि जतहेक लोकसब तोरासबके बिचमे परभुके काम दिनरात एक कैरके मेहनत करैबला आ सर-सल्‍लाह दैबला अगुवासब चियौ, ओइसबके आदर कर।

१ तिमोथी 5:17

असलसे मन्‍डलीके देख-भाल करैबला अगुवासबके दोबर आदरके योग्‍य हैछै आ बिसेस कैरके जे अगुवासब बचन परचार आ सिखाबैबला काममे मेहनत करैछै।

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

३ युहन्‍ना 1:10

हम तोरासबलग एबौ त ओकर करल नै निक काम आ हमरासबके बिरोधमे बाजल सब खराब बात सुनाइबौ। ओतबेहेकमे सन्‍तुस्‍ट नै भ्‍याके उ अनचिन्‍हार बिस्‍बासी लोकसबके स्‍वागत नै करैछै आ जेसब स्‍वागतो करैले चाहैछै ओइसबके नै करैले दैछै आ ओइसबके मन्‍डलीयोसे बाहर निकाइल दैछै।