फिलिप्‍पी 1:8 - मध्‍य पुरविया थारू

⁸ खिरिस्‍ट येसुवे जखा हम्‍हु तोरासबके परेम करलासे तोरासबके भेटैके एकदम इक्‍छा करनेचियै से परमेस्‍वर जानैछै।

फिलिप्‍पी 1:8 Cross References

लुका 1:78

परमेस्‍वरके दयालु किरपाके कारन, स्‍वरगसे बिहन्‍का मुक्‍तीके इजोत हमरासबके लग पठाइतै।

रोमी 1:9

हम आपन पुरे मनसे परमेस्‍वरके बेटाके बारेमे सुसमाचार परचार कैरके सेबा करैचियै। हम आपन परथनामे तोरासबके सबदिन सम्‍झैचियौ से बातके साक्‍छी परमेस्‍वर आपने चियै।

रोमी 9:1

हमर कहल बात सत छै, झुठ नै, कथिलेत हम खिरिस्‍टके लोक चियै। पबितर आत्‍माके अधिनमे रहल हमर बिबेक हम झुठ नै बोलैचियै कैहके साक्‍छी दैछै।

२ कोरन्‍थी 13:9

हमसब कमजोर भेलियै तैयो तुसब बौकार चिही तहैमे हमसब खुस चियै आ तुसब परिपक हैले सक कैहके परथना करैचियौ।

२ कोरन्‍थी 6:12

हमरासबके परेम तोरासब परती कम नै भेलछौ, बरु तोरासबके परेम हमरासब परती कम भेलछौ

२ कोरन्‍थी 7:15

तोरासबके आग्‍याकारिताके जिबन, डर आ आदरकेसाथ ओकरा स्‍वागत करलिही। यि सब बात याद कैरके तितस तोरासबके औरो बेसि परेम करैछौ।

गलाती 1:20

हमर लिखल बात साँच चियै आ हम झुठ नै बोलैचियै से परमेस्‍वर जानैछै।

गलाती 3:26

कथिलेत बिस्‍बाससे येसु खिरिस्‍टमे तुसब परमेस्‍वरके सन्‍तान भेलचिही।

गलाती 4:19

हमर धियापुतासब, तोरासबमे जाबे तलिक खिरिस्‍टके स्‍वभाब नै बन्‍तौ ताबे तलिक हम फेनो जलमासोचके पिरा जखा दुख सहैत रहबौ।

फिलिप्‍पी 2:1

यदि खिरिस्‍टमे रहलाके कारन तुसब कुछ उत्‍साह पाबनेचिही, या ओकर परेमसे तुसब कुछ सानत्‍वना पाबनेचिही, या पबितर आत्‍माके संगती पाबनेचिही, या एक दोसरसङे परेम आ दया करैचिही त,

फिलिप्‍पी 2:26

तोरासबके भेटैके ओकर एकदम इक्‍छाछै। उ बिमार परल बात तुसब सुनलासे उ एकदम चिन्‍ता कैररहलछै।

फिलिप्‍पी 4:1

अहैलेल हे हमर पिरिय भाइ-भैयासब, तुहिसब हमर लेल पिरिय चिही। हम तोरासबके कतहेक याद करैत रहैचियौ। तुसब हमर आनन्‍द आ मुकुट चिही। हे हमर पिरियसब, अहिनङे तुसब परभुमे अस्‍थिर रह।

कलस्‍सी 2:1

हम तोरासबके लेल, लाउडिकियामे रहल मन्‍डलीके लेल आ हमर मुहो नै देखने बिस्‍बासीसबके लेल मैर-मैरके काम करनेचियै से बात तुसब जान कैहके हमर इक्‍छाछै।

कलस्‍सी 3:12

तुसब परमेस्‍वरके छानल पिरिय पबितर लोकसब चिही। अहै कारन मया, दया, नरमता, कोमलता आ सहनसिलताके धारन कर।

१ थेसलोनिकी 2:5

तोरासबके थाहे छौ कि, हमसब तोरासबके चापलुसी नै करलियौ आ नै त कोनो चिज पेबै कैहके लोभ करलियौ। अकर साक्‍छी परमेस्‍वर स्‍वयम छै।

१ थेसलोनिकी 2:8

हमसब तोरासबके बेसी परेम करलाके कारन परमेस्‍वरके सुसमाचार मातरे नै बल्‍की आपन परानो तक दैले तयार भेलियै। कथिलेकी तुसब हमरासबके लेल कतेक पिरिय भेल छेल्‍ही।

२ तिमोथी 1:4

जब तोहर चुबल लोरके याद आबैछौ, तब तोहरसे भेट करैले मन लागैछै ताकी तोहर सङे भेटके हम खुसी हेतियै।

फिलेमोन 1:12

ओनेसिमस, जे हमर हिरदयके टुकरा चियै, हम ओकरा फेनसे तोहर लग पठारहल चियौ।

फिलेमोन 1:20

ओहैसे हे हमर पिरिय भाइ, परभुके खातिर यि हमर लेल कैरदहै आ हमर हिरदय खिरिस्‍टमे आनन्‍द हेबे।

१ युहन्‍ना 3:17

जे लोकसङे सन्‍सारके धन-सम्‍पैत छै, महज आपन भाइके घटि-कमीमे देखभाल करैले मन कठोर करैछै त वेहन लोक परमेस्‍वरके कनङ परेम करे सक्‍तै?