फिलिप्‍पी 1:18 - मध्‍य पुरविया थारू

¹⁸ चाहे जे हेबे, असल मनसे हेबे या खराब मनसे हेबे जनङकेभी खिरिस्‍टके परचार हैतरहे। हम अहैमे खुसी चियै आ खुसी मनाबैत रहबै।

फिलिप्‍पी 1:18 Cross References

मतीके लिखल सुसमाचार 23:13

“तोहे धरमगुरुसबके आ फरिसीसबके धिक्‍कार! तुसब कपटी चिही! कथिलेत तुसब स्‍वरगके राजके केबार खोलैबला कुजी त लेल्‍ही, महज नै अपने ढुकलिही नै दोसरके ढुकैले देल्‍ही।

मरकुस 12:40

उसब बिधुवासबके घर हरैप लैछै आ देखाबटी बरका-बरका परथना करैछै। साच्‍चे एहेन लोकसब बेसीसे कठोर सजाय पाबतै।”

लुका 9:45

महज चेलासब यि बात नै बुझल्‍कै, कथिलेत यि बात उसब नै बुझे कैहके उसबसे घोसरल छेलै। उसब यि बारेमे येसुसे पुछैले डराइछेलै।

लुका 9:50

महज येसु ओकरा कहल्‍कै, “अकरा नै रोक। कथिलेत जे तोहर बिरोधमे नै छौ, उ तोहर पक्‍छमे हेतौ।”

रोमी 3:9

ओहेन छै त, कि हम यहुदीसब औरोसे असल चियै त? कदापी नै चियै। यहुदी आ गैर-यहुदी दुनु समान रुपसे पापके अधिनमे छै कैहके हम पहिने देखाइने चियौ।

रोमी 6:15

माइनले हमसब बेबस्‍थाके अधिनमे नै चियै, महज परमेस्‍वरके अनुगरहके अधिनमे चियै त, कि पाप करबै? कदापी नै।

१ कोरन्‍थी 10:19

हम कि कहैले चाहैचियौ? कि मुरतिके चरह्‍याल चिजके कोनो महत्‍व छै? या कि मुरतिके कोनो महत्‍व छै?

१ कोरन्‍थी 14:15

आब हम कि करबै? हम आपन आत्‍मासे परथना करबै आ आपन मनसे सेहो बुझैबला भसामे परथना करबै। हम आपन आत्‍मासे भजन गाब्‍बै आ आपन मनसे सेहो बुझैबला आपन भसामे भजन गाब्‍बै।

१ कोरन्‍थी 15:11

तैखातिर चाहे हम, चाहे औरो परेरितसब, हमसब ओह्‍या परचार करैचियै, ओइमे तुसब बिस्‍बास करनेचिही।

फिलिप्‍पी 1:19

कथिलेत हमरा थाहछै, कि तोरासबके परथनासे आ येसु खिरिस्‍टके आत्‍माके मदतसे हम छुटकरा पाब्‍बै।