Juan 1:3 - Manobo Agusan

³ Pighinang to tibo pinaagi kandin. Wada nahinang no wada ipabaja kandin.

Juan 1:3 Cross References

Juan 1:10

Mig-andini sikandin to seini kalibutan no pighinang din, di wada sikandin kiyayaha to kaotawan.

Juan 1:2

Sugud pad to sinugdanan, tahan on sikandin duma to Diyus.

1 Corinto 8:6

Di sikita, namaan ki no sobuuk da yagboy to Diyus no Amoy ta no mighinang to tibo, aw iyan ita to pagsaja dow pagtuman kandin. Aw sobuuk da isab to Magboboot ta, si Jesu-Cristo. Impabaja kandin to paghinang to tibo, aw pinaagi isab kandin meyduon kinabuhi ta no wada katapusan.

Efeso 3:9

Pigpanawnangon a din isab dow og-amonuhon din to pagtuman to sikan nayugoy da no pigplanu din. Su to Diyus no iyan mighinang to tibo, wada din sikan imaan to diya una,

1 Juan 5:1

Inggad hintawa no ogtuu no si Jesus iyan Cristo, no ko ita pa, Anak to Diyus, sikan no otow nahinang on no anak to Diyus. Aw to otow no oghigugma to Diyus no Amoy din oghigugma isab to angod din no mgo anak to Diyus. Sahian ka da to otow no oghigugma to mgo suun din su pighigugma din man to amoy din.

Impaaha 3:14

“Seini to isuyat nu diya to mgo magtutuu no oghihimun to pagsimba diya to Laodicea. Ilingon nu: Siakon sikan og-ilingon to Matuud, su tinood to tibo mgo kagi ku aw ogkasaligan yagboy. Siakon isab to napuunan to tibo mgo hininang to Diyus. Na, seini to ig-ikagi ku iyu.

Impaaha 4:11

“Diyus no Magboboot noy, gamhanan ka yagboy aw angajan no ogsajaon dow ogpasidonggan, su sikuna to mighinang to tibo pinaagi to pagboot nu.”