Smasmalkra 7:13 - DAWAN BÎLA AISKA

¹³ Kasak pali kaiks, Gâd diara daukan ba: ¿ya sip sa witin warha daukan ba wapni daukaia?

Smasmalkra 7:13 Cross References

Job 11:10

Gâd bal upla ba silak ra mangki lâ ra paiwbia kaka, ¿ya bui sip kabia ki baha lâka krikaia?

Job 12:14

Gâd mita sauhki tikan ba upla âpu sa baha kli paskaia, ani uplika ra Gâd mita durka prakan ba upla wala âpu sa durka ba kwâkaia.

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Job 37:14

Job, kupiam alki bri, wirâ ai wals, Gâd wark aihka nani dauki ba dukiara wirâ luki kaiks.

Job 9:12

Witin diara kum dawanka takbia kaka, ¿ya sip sa makabaia dîa witin dauki ba dukiara?

Lawana Nani 107:43

Ani uplika sins bri ba, naha wal ai dara wali kaia sa bara Dawan latwanka lâka ba tânka briaia.

Lawana Nani 8:3

Kasbrika pura man paskram ba kaikisna ba ra, baku sin man bui kati, slilma nani bahara paski mangkram ba,

Smasmalkra 1:15

¡Diara warha ba sip wapni daukras, diara âpu ba dukiara sin kulkaia apia!

Smasmalkra 3:11

Witin mita piua kat diara sut pranakira yamni daukan; upla kupia lukanka ra mangkan diara tnata âpu ba tânka, upla ai tânka sip briras sakuna, Gâd diara tara daukan ba, baku sin kau daukaia ba.

Smasmalkra 8:17

Kau pali tânka briri upla ba sip ai tânka briras sa, Gâd bui dîa dauki ba bara sin dîa tasba ra taki ba, nahki kat tânka briaia pliki kama sin. Ban sinskira bîla wibia, witin tânka brisa, sakuna kasakka pali ba, witin sin kau tânka pliki sakras sa.

Aiseya 14:27

Kan karnika sut bri Dawanka baku luki kaikan ba, ¿ya mita baha ba alki takaskbia? Ai mihta sakbi klala yabaia ba ban sa, ¿ya mita yaka kli ai ninara lakbia?

Aiseya 43:13

Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”

Aiseya 5:12

Pata tara dauki ba ra, arp, gitar tara, kingbi nani, plut bara wain sin bâra brisa; sakuna Dawan warkka nani ba lika kaikras, Dawan mihta warkka nani ba dukiara sin luki kaikras.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Luk 12:26

Diara wiria lupia ba sin sip daukras kaka, ¿dîa muni diara wala nani ba dukiara trabil taki lukisma?

Roman 9:15

Kan Gâd mita Moses ra naku win: “Yaura yang mita yamni kaikaia kapri ba, ban yamni kaikamna, bara yaura kupi swapni briaia kapri ba, yang ban kupi swapni brimna.”

Roman 9:19

Sakuna man ban ai wima: “Baku sa kaka, ¿dîa kan Gâd mita upla pâtkira kulkisa? Bamna, ¿ya sip sa witin ai kupia lâka ba mapara buaia?”

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.