Smasmalkra 5:8 - DAWAN BÎLA AISKA

⁸ Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Smasmalkra 5:8 Cross References

2 Kronikas 26:10

Baha purkara upla iwras tasbaya ra tawer nani paskan, liwanhta nani sin salhkan tasba langni nani ra, waitna nani bri kan unta ra wain nasla warkka dauki kan baha ba il pliska nani ra, kan witin insla warkka dadaukra kan bamna.

Job 24:23

Gâd mita ban swika raya iwi kabia pât sin âpu, sakuna ai mina lulkanka bani ba aihwaki kaiki kabia.

Lawana Nani 12:5

Dawan naha aisin: “Umpira nani ra, swapni nani ra sin taibisa, witin nani ai tâka baha nani pât wahwisa. Baha mita, nanara yang buaisna. Yang bui witin nani ba tâ baikamna, wihka bîli kaiki ba.”

Lawana Nani 55:9

Sauhki tiks Dawan, witin nani ra, dîa aisi ba sip tânka briras dauks, kan yang kaikisna ba saura lâka bara tar baiwan lâka baman bâra sa.

Lawana Nani 82:1

Purara iwi banhwi ba tilara, Gâd ba lâ wihtka sa, witin nani mapara lâ daukaia:

Lawana Nani 83:18

¡Witin nani ai dara wali banhbia, man baman Dawan sma. Kaikbia man baman Laih Purara iwisma ba, tasba aiska ra!

Lawana Nani 95:3

Kan Dawan ba Gâd tara sa, King tara sa, gâd nani sut Gâdka.

Sins Lâka 22:16

Ya ya umpira uplika ra taibi muni ba witin ai dukia kan manis briaia mata, apia kaka ya yuyakira diara yabi ba, baha uplika diara luha takbia.

Sins Lâka 24:12

Man wima kaka: “Kaiks, yang nani naha tânka kaikras kapri”, kuna witinka wan kupia nani paun mangki kakaira ba baha tânka bribia; pain nu kabia baha aihwaki main kaiki ba witinka ya dîa dauki ba kat aibapi ba.

Sins Lâka 8:17

latwan ai kaiki uplika nani ra, yang mita latwan kaikisni; bara ya nani ai pliki ba ai sakisa.

Smasmalkra 3:16

Yang kaikaia sip kapri, naha tasba ra sauhki tikaia lâka bara saura daukaia nani ba uba sa, bara lâ kasak wapni nani ba bâra kaia sa.

Smasmalkra 4:1

Ningkara yang lukanki ba, naha tasba ra taiban lâka nani dauki ba ra aman pali mangkri, bara kaikri taiban lâka mununhtara nani ba, inisa, kuna upla kumi sin âpu baha maisa nihkaia; bara tataibra nani ba bui kau pali karna munisa kuna maisa nanihkra nani lika âpu.

Smasmalkra 5:9

¡Bara baku nina yabisa kuntri pâwanka, bara king ba insla nani warkka dauki kabia!

Smasmalkra 7:7

Taiban lâka ba sinskira ra sauhkisa, bara sauhkanka lâka ba, ai daukanka natka ra sauhkisa.

Smasmalkra 8:9

Naha dukia nani na sut kaikri ba ra, kupi aiska ni tânka pliki kaikri, naha tasba ra dîa dauki ba, bara upla ba nahki karnika bri ba, ai walka ra saura munaia dukiara.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 3:15

¿Man nani raitkam ani wina bri upliki nani yuskisma, bara umpira nani mawan ra taibisma?” Karnika sut bri Dawanka witin aisisa.

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Aiseya 57:15

Kan witin Laih Purara iwi ba, ban kaia ra raya ba, witin ai nina ba holi, witin aisisa: “Yang lika waitla laih purara holikira ba ra iwisna, upla kupia kriwan ai spiritka umpira luki ba baha wal, bawikira nani spiritka ba, ban raya kaia daukisna, kupia kriwan nani spiritka ba, lukanka raya daukisna.

Isikiel 18:18

“Ai aisika, upla ra tataibra kan ba, bara implikan ba, bara diara saura daukan ba uplika tilara, prubia bara klala yabanka baku klauna ai saurka mana.

Emus 5:12

Yang kakaira sna, man watawankam nani ailal, bara saurkam ban dauki auma ba. Upla kasak nani ra taibi munisma kunin lâka ba brih, bara lâ daukaia pliska ra umpira nani ra raitka yaras munisma.

Emus 6:12

¿Walpa tara nani ba purak, aras nani ba pain plapbia lukisma ki? ¿Kabu ra bîp wainhka nani ni, tasba baikbia ki? ¡Lâ wapni daukaia lâka ba, man nani bui puisin daukram! ¡Kasakka lâka daukaia ba sin, laya tahpla ra lakram!

Miqueas 2:9

Mairin nani ai watla latwan kaiki ba wina, man nani mita kangbi sakisa; ai luhpia nani ra yukuki swisa ban kaia ra, yamni kulkanka nani yabri ba wina.

Sakaraya 8:6

Naha sut aisisna, baha piua kat baku takaia sip apia lukisa upliki nani, kau raya nani ba lukanka ra bâra bamna, sakuna yang maipara sip apia ba âpu sa. Yang Dawan, karnika sut brisna, kasak aisisna:

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Luk 1:32

Witin lika tara pali kabia; Gâd Laih Purara iwi ba Luhpia mâkan kabia, bara Dawan Gâd ai damika Debit baku king mangkbia,

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Luk 1:76

Bamna man, luhpi lupia, Gâd Laih Purara iwi ba prapitka mai mâkan kabia, kan Gâd kainara yabalka nani ba man mita ridi dauki wama,

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.

Roman 11:33

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

1 Pita 4:12

Muihki laitwankira nani, traika kaikanka tara nani man nani puramra aula ba dukiara aihka lukpara; baha ba diara tringsar kum mai takuya baku lika luki kapara.

1 Jan 3:13

Muihki nani, naha tasba uplika nani mita misbara mai kaikisa kaka, baha dukiara aihka lukpara.