Smasmalkra 3:2 - DAWAN BÎLA AISKA

² Aisubaia piua bâra sa, pruaia piua sin. Mangkaia piua bâra sa, mangkan ba dâkaia piua sin.

Smasmalkra 3:2 Cross References

Blasi Sturka 17:21

Ban sakuna yang lâika ba Aisak wal daukamni, luhpiam waitna Sara baiki maikbia ba mani kum alkbia ba ra, mani wala naha piua praiska ra.

Blasi Sturka 47:29

Yu kumi Israel ai dara walan, witin ba pruaia pat baila sa. Bara ai luhpia Josep ba paiwan witin ra sturi wiaia: —Man naku diara kum dauki aikaia brin mai daukisa kaka, nanara yang karniki ra alki tâi baiks. Bara yang dîa man ra makabamna ba daukaia swer taki aisas. ¡Pliskam pali, Idsip tasbaya ra lika ai bikpara!

1 King Nani 13:2

bara Dawan adarka ba mita, ai bîla baikra karna wal altar ba mapara aisin: “Altar, altar: Dawan naku wisa: ‘Debit kiamka wina tukta waitna kumi aisubi takbia, ai nina ba Josías mâkbia, idan nani ai pura suni ba watla ra prîs nani bâra ba witin mita baha nani ba man puramra sakripais daukbia, man puramra kîa yamni ba sin angkbia, upla dusa nani sin witin bui man puramra angkbia.’ ”

2 King Nani 4:16

Bara Ilaidsa win: —Naha mani aula ba yua ra naha sim piua ra, klamhkla ra luhpa kum bri kama. Bara mairin ba mita win: —Apia, dawanki, Gâd waitnika bui albikam mairin ra kunin munpara.

Job 14:14

Upla kumi ba prubia ba ra, ¿kli raya takaia sip sa ki? Piua bani ra yang lika bîla kaiki kamna, warkki ba ban bâra kabia, latwan wahwanki piua ba lubia, maisa nihkra balbia ba kat.

Job 14:5

Upla ba mani an raya kaia piua ba, man mita sika mangkisma ba; man piua mangkram ba wina witin kau sip lui waras.

Job 7:1

Upla rayaka naha tasba ra ba lika suldiar kum rayaka baku sa, dîa daukaia win ba dauki tnata alkaia sa.

Lawana Nani 113:9

Biarapara mairka ra yabisa utla kum brih iwaia, ai luhpia nani baiki yapti liliakira baku kaia. ¡Dawan nina ba mayunan kabia!

Lawana Nani 52:5

ban sakuna, Dawan ba pana man ra mai sauhki tikbia ban kaia ra; man wamtla ba wina mai brih latara mai sâkbia; bara rayakam ba sin sakan kabia.

Sins Lâka 24:27

Bisniskam nani ba yabal ra dauks bara namsla ra sin ridi dauki bris warkkam nani ba; bara baha ningkara wamtla ba mâkma.

Aiseya 28:24

Insla mamangkra kum mangkaia auya bara yu aiska ra tasba tukbi yu dimras, apia kaka tasba baiki, apia kaka tasba aubi.

Aiseya 38:1

Baha yua nani ra Ezequías ba sikniska saura pali alkan, pruaia man kan. Bara Aiseya, Emus luhpia ba balan witin ra kaikaia, bara naku win: —Dawan ba naku wisa: ‘Man wamtla uplika nani ra kasak bîla smalks, kan man pruaia sma, man sikniskam na wina rawma apia.’

Aiseya 38:5

Ezequías ra wih naku wibia: ‘‘Dawan aisikam Debit Gâdka ba naku wisa: ‘Man puram sunram ba yang walri, namkra laya nani ba sin kaikri. Bara kaiks man mankam ba kau mani 15 pura prakuna, kau raya kaia.

Aiseya 54:1

Liliam bas, biarapara mairka nani, luhpa baikras sma ba; lawana aiwans bara lilia tara binka dauks, luhpa baikaia latwanka briras katma ba, kan Dawan naku aisisa: “Lulki swin mairka ba kau luhpa bri kabia, ai maya bri mairka nani ba wal.”

Jirimaya 1:10

“Yang aisaia sna ba man unam ra mangkisna, bara naiwa karnika sut maikisna king nani purara, nisan nani purara sin, daikaia, batakaia, sauhki tikaia, kriki tikaia, baku sin paskaia bara mangkaia.”

Jirimaya 45:4

bara baha mai wiaia ai blikan: ‘Yang mâkri ba yang slingbisna, yang mangkri ba daikisna. Tasba aiska ra sin baku daukamna.

Matiu 13:41

Upla Luhpia Waitna mita insal nani blîkbia bara witin nani mita Gâd king aimaki tasbaya ba wina, upla wala nani ra saura lâka ra bataki nani ba, bara saura dadaukra nani ba sut asla wahbia.

Matiu 15:13

Sakuna witin bila: —Ani dusa Aisiki kasbrika purara ba mita mangkras ba, ai plamaika wina daikan kabia.

Luk 1:13

Sakuna insal ba bila: —Si bripara, Sakaraya. Gâd mita puram sunra ba walan, bamna mayam Elisabet luhpa waitna kum baikbia, bara ai nina ba Jan mâkma.

Luk 1:20

Sakuna diara mai wîri ba kat man kasak lukras kapram bamna, naiwa wina bîlas kama, mai wîri na takbia ai piua aimakbia ba kat.

Luk 1:36

Bara man tamya mairin Elisabet sin luhpa waitna kum baikbia, witin almuk pali sa kuna. Upla biarapara wi kata ba, kaiks nanara pat kwihra tiwan kati 6 brisa.

Jan 16:21

Mairin kum tukta briaia ba ra sari sa, kan latwan wahwaia piua ba aimakan sa; kuna witin baha tuktika ba brin ningkara, latwan wahwata ba dukiara kli sin ai kupia kraukras sa, sakuna lilia sa witin tuktan kum tasba ra aisubi takan bamna.

Jan 7:30

Baku mika, upla nani ba mita Jisas ba priski bri waia luki kan; kuna upla kumi sin witin ra ai mihta mangkras kata, kan ai piua ba kau aimakras kan bamna.

Apastil Nani Sturka 7:17

“Gâd bui Ebraham ra swer taki kira pramis munan yua ba pat aimakaia man kan ba ra, Israel nisanka ba Idsip ra ailal pali sahwan kan.

Apastil Nani Sturka 7:20

Baha sim piua ra sika Moses aisubi takan. Naha tuktika Gâd mita yamni kaikan kan, bara ai aisika nani ai watla ra kati yumhpa yukuki paki kan.

Galesha 4:4

Sakuna piua ba aimakan ba ra, Gâd ai Luhpia ba blikan, witin ba mairin kum wina aisubi takan, Moses lâka mununhtara.

Kli Smalkanka 34:5

Dawan aisin ba kat, baku Moses Gâd napakanka ba Moab tasbaya ra pruan, Dawan baku wisata ba kat.

Hibru Nani 9:27

Upla bani ba aima kumi baman pruaia sa, bara baha ningkara Gâd mita lâka daukbia.

1 Samuil 2:5

Witin nani diara pura luan bri kata ba, nanara plun yuya mana wark takisa; sanglang iwi nani kata ba, nanara aibanhwan sa. Mairin sip luhpa sakras kata ba, nanara luhpa 7 taim baikisa; mairin luhpira kata ba nanara ai luhpias takan.