Luonmtieb 8:1 - Yiesu Lɑbɑmɑnn Muɑl Ni

¹ Tɔn, mɔtɑɑnɑ Yennu kɑn bu k biil bin nbɑ be Yiesu *Klistu ni,

Luonmtieb 8:1 Cross References

Lɑbɑmɑnn nbɑ k Sɑn diɑn 14:20

L dɑɑl i bɑɑl, i tɑn sɑɑ bɑnn nɑn n be n Bɑɑ ni e, k i mun biɑ be n ni, k n mun be i ni.

Lɑbɑmɑnn nbɑ k Sɑn diɑn 15:4

Ii gɑɑ n pɑɑk mɑn, k n sii be i ni. Tiik yiinu kɑn fit lon luɑnɑ u kuukuɑ, sie k u gɑɑ tiik pɑɑk. I mun kɑn fit lon luɑnɑ, sie k i gɑɑ n pɑɑk.

Lɑbɑmɑnn nbɑ k Sɑn diɑn 5:24

«Bɑlmɔni e k n yien’i nɑ, dɑɑnɔ nbɑ gbɑt n mɑɑn nɑ, k biɑ tien wun nbɑ tun’n nɑ yɑdɑ, ŋuɑ e mɔk mɑnfuol nbɑ kɑɑ gbennu, k Yennu kɑn bu u buut k biil’ɔ. U biɑ ponŋ nyii kuun nuu ni wɑɑ, k be mɑnfuol mɑnŋ ni e.

Luonmtieb 16:3

Fuont Pliisiil nɑn Akiilɑɑs bin nbɑ tie n tuontunlieb Yiesu Klistu tuonɑ ni nɑ.

Luonmtieb 16:7

Fuont Antloniikus nɑn Juniɑs bin nbɑ tie n ninjɑnm, k min nɑn ŋɑnm din lɑkn kuɑ dɑnsɑlk nɑ. Tuomiinbɑ bɑɑk’b bonciɑnn, k b din sint tien Klistuyɑb k n tɑn wei nɑ.

Luonmtieb 5:1

L pɑɑk, Yennu nbɑ jii’t k t tie niŋɑnm u tuɑnn t yɑdɑ pɑɑk nɑ e, k mɑnu ji be tinm nɑn Yennu sinsuuk ni t Yonmdɑɑnɔ Yiesu *Klistu pɑɑk.

Luonmtieb 5:16

Bɔktu be Yennu piini nɑn niyenɔ kuɑ Adɑn biit sinsuuk ni, k mɑɑn niyenɔ kuɑ Adɑn biit mɑnŋ puolpo e k Yennu din bu u buut k yet ɑ u biit mɑnŋ ŋɑn nɑn tubdɑtu, ŋɑɑn ŋuɑ Yiesu piini nbɑ k u pi’t yɑnn nɑ tie nyikcɑbu, biit bonciɑnn puolpo e.

Luonmtieb 7:17

L pɑɑk, l k tie n mɔnŋ kɑɑ tuun’l, ŋɑɑn l tie biit nbɑ be n ni nɑ.

Luonmtieb 7:20

L i tie k n tuun lin nbɑ k n k luon mii tuun, l ji k tie min kɑɑ tuun, ŋɑɑn l tie biit nbɑ be n ni nɑ e tuun.

Luonmtieb 8:11

L i tie k Yennu Siek nbɑ fiin Yiesu kuun ni nɑ be i ni, ŋuɑ nbɑ fiin Yiesu Klistu kuun ni nɑ sɑɑ tul i gbɑnɑnt nbɑ tɑn sɑɑ kpo wɑɑ nɑ mɑnfuol, Siek nbɑ be i ni nɑ pɑɑk.

Luonmtieb 8:14

Bin nbɑ k Foŋɑnm ŋmɑktl’b sɔnu nɑ, ŋɑnm e tie Yennu wɑɑs.

Luonmtieb 8:2

k mɑɑn mɑɑ tɑɑn nɑn Yiesu Klistu nɑ, Foŋɑnm *senni nbɑ tien mɑnfuol nɑ, fɑt’n biit nɑn kuun senni ni wɑɑ.

Luonmtieb 8:34

Ŋmee be k sɑɑ bu b buut k biil’b i? Suɑ kɑɑ, k mɑɑn Yiesu Klistu nbɑ din kpo k fiil kuun ni k biɑ be Yennu niidiitu po k tie t sindɑntinnɔ nɑ.

Luonmtieb 8:39

lin nbɑ be sɑnpɑɑpo ɑmi tinpuɑl ni ɑmi. Siɑl kɑɑ nɑɔnŋ kul ni k sɑɑ fit bɔkt tinm nɑn Yennu lonm nbɑ k t lɑ t Yonmdɑɑnɔ Yiesu Klistu ni nɑ.

Luonmtieb 8:4

Yennu din tun nnɑ, ɑ senni nbɑ boi’t lin nbɑ nɑ, n tun t ni, tinm nbɑ ji k tuun t tiɑɔnŋ gbɑnɑnt lonm, ŋɑɑn tuun Foŋɑnm nbɑ luon bɑnnu nbɑ nɑ.

Luonmtieb 8:9

Foŋɑnm i set be i ni, i k wɑɑ nisɑɑlk binbenŋ kɑɑ, ŋɑɑn i wɑɑ Foŋɑnm nbɑ luon lin nbɑ nɑ e. Wun nbɑ k mɔk Klistu Siek mɑnŋ u ni, l dɑɑnɔ k tie Klistuyuɑ.

1 Kuolent-tieb 1:30

Ŋuɑ Yennu e tɑɑn’i nɑn Yiesu Klistu k Klistu mɑnŋ tien’t yɑn. U pɑɑk e k Yennu yet ɑ t tie niŋɑnm u buol k te k t tie u tiɑɔnŋ niib k biɑ nyinn’t t biit dɑɑbs ni.

1 Kuolent-tieb 15:22

K mɑɑn Adɑn pɑɑk e k nifosɑɑli kul kpenn, k nnɑ e mun Klistu pɑɑk nifosɑɑli sɑɑ lɑ mɑnfuol.

2 Kuolent-tieb 12:2

N mi jɑsuɑ nbɑ tie Klistuyuɑ k Yennu din jii’u k donn’ɔ *Yendɔunŋ ni sɑnpɑɑpo. L binɑ piik nɑn ŋɑnnɑ e nɑ. Wɑɑ set din duo nɑn mɔni ɑmi wɑɑ din lɑ yelntu e, n k mi, Yennu kuɑ e mi.

2 Kuolent-tieb 5:17

L pɑɑk, nilɔ nbɑ be Klistu ni, l dɑɑnɔ ji tie nipɑɑmɔ e. Bonkpel kul ji bot e, k bonpɑɑnn ji be u ni.

Gɑɑlɑɑt-tieb 3:13

Klistu tiɑɔnŋ o din gɑɑl t pɑɑk, k din be mɔtonm mɑnŋ ni k nyinn’t l mɔtonm ni, k mɑɑn l diɑn Yennu lolkpel kɑdɑɑɔk ni ɑ: «Wun nbɑ k b kpɑɑ’u dɑpunpunn pɑɑk nɑ, Yennu mɔtonm be u pɑɑk.»

Gɑɑlɑɑt-tieb 3:26

Yɑɑ tien Klistu yɑdɑ nɑ, ŋɑnn pɑɑk e k i tie Yennu wɑɑs,

Gɑɑlɑɑt-tieb 3:28

L pɑɑk, bɔktu ji k be bin nbɑ tie Suifnbɑ nɑn bin nbɑ k tie Suifnbɑ sinsuuk ni, l biɑ k be bin nbɑ tie dɑɑbɑ nɑn yent-n-mɔnŋ dɑnm sinsuuk ni. Bɔktu biɑ k be puob nɑn jɑb sinsuuk ni. Yɑɑ be Yiesu Klistu ni nɑ pɑɑk e te k i kul ɑ tie yenɔ kuɑ.

Gɑɑlɑɑt-tieb 5:16

Ŋɑɑn n yien’i e, ŋɑɑnt k Foŋɑnm ii diɑ i binbenŋ mɑn, k dɑɑ te k i niɑɔnŋ tuun nisɑɑlk lonm.

Gɑɑlɑɑt-tieb 5:25

L i tie k t be Foŋɑnm ni, ŋɑɑnt mɑn k wuu ŋmɑktl’t t binbenŋ ni.

Efestieb 1:1

Min Pɔul wun nbɑ k Yennu gɑnn’n ɑ n tien Yiesu *Klistu *tuomi nɑ, fuont bin nbɑ tie Yennu yɑb k be Efes duo ni, k tien Yiesu Klistu yɑdɑ nɑ.

Fiiliiptieb 3:9

kii be u ni. N k tie niŋɑnɔ Yennu buol ni senni weiu nɑ pɑɑk kɑɑ, ŋɑɑn n tie niŋɑnɔ Yennu buol ni n yɑdɑ nɑn Klistu nɑ pɑɑk e. Yennu te k nilɔ tie niŋɑnɔ u buol ni wɑɑ tien yɑdɑ nɑ pɑɑk e.