Lukas 8:47 - Muna Southern Dialect

⁴⁷ Nopandeꞌaomo lalono gahaꞌa habuno maitu notipandeꞌaomo, hobhine maitu nodhulu te wise nogugue kateꞌino. Lasao nosudhu notaohao sombano ne Yesus maka netula-tula ne mie bhahi noafa katidingkuꞌano Yesus bhe peda amai tanosimoꞌosaꞌamo.

Lukas 8:47 Cross References

Matius 28:8

Dofetingke peda naꞌa, lasao dohunsa kobuhu naꞌa bhe dotende damohato anaguhuꞌino. Ponamisindo doteꞌi tamaka doꞌia dua sepaliꞌa.

Markus 5:33

Nopandeꞌaane kaowu noꞌosamo, hobhine aitu nofotiumba wutono, tamaka nohengkue kateꞌino. Notaohaomo sombano ne wiseno Yesus maka netula-tulaꞌao kosasawiꞌae kumadhadhiaꞌano ne uluno.

Lukas 8:46

Tamaka ambano Yesus, “Nandoo seemie dumingku kanau, kapaꞌamo anamisi bhe kuasa lumimbaꞌano maiꞌao ne wutoku.”

Lukas 8:48

Ambano Yesus ne hobhine anaꞌa, “Anaku, hampano kaparasaeamu ne Idi, osalamatimo. Kalamo weo katohopo.”

Tula-tulando rasulu 16:29

Mandeꞌaono lambu katohongku maitu nesalo kantalea maka notende we lalo, tanokahedu-hedumo nolongko notaohao sombano ne Paulus bhe Silas.

1 Korintus 2:3

Wakutuuno amai we hintimiu itu, idi ini aonale sepaliꞌa, bhe nogugu kanau kateꞌi.

2 Korintus 7:15

Aitu sedhuluꞌamo dua kabhalano kanini kaasino ne hintimiu, hampano nofeꞌulai kosasawimiu angkafiomu pugauno, wakutuuno tahimaeꞌomu fosibhalae bhe mihikieꞌomu.

Filipi 2:12

Dadiꞌanomo bhahitieꞌi nemoasiꞌaoku, pedamo endefiꞌini nandoo kanau bhe hintimiu sadhia angkafiomu katangahiku, mangke-mangke aitu dopokodoꞌotiomu, gaoku mpuu sadaa-daa mangka kanauꞌomu. Uleiꞌe lalomiu so nasumangkaꞌao kasalamatimiu; dhalangieꞌomu weo kamihi bhe kafosibhala ne Lahataꞌala.

Ibrani 12:28

Kanandooꞌanomo naetaa daefoampe katumpuno lalo ne Lahataꞌala, hampano detahimaomu kafopahintaꞌa tapa tifoguguno. Naetaa natumumpu lalontoomu bhe dasumombaomu weo kamihi bhe kafosibhala ne Lahataꞌala, naposahataa bhe kapoindalono Wutono.