Lukas 24:32 - Muna Southern Dialect

³² Dopugaumo sapada andoa ambado, “Ingka uumbemo, totono lalonto notisangke sepaliꞌa wakutuu nopugau bhe intaodi we laano sala nofotalesaꞌao wambano Kitabi.”

Lukas 24:32 Cross References

Markus 4:34

Dadiꞌanomo ane nefoinaꞌu mie bhahi, sadhia nepalendaanda. Tamaka ane tanomoisa bhe anaguhuꞌino, kosasawiꞌae nofohatoandae bhe maꞌanano.

Lukas 24:45

Pada anaꞌa Yesus nolengkamo fekihindo sampe dolosangiemo wambano Kitabi.

Yohanes 6:63

Fowaꞌaono dadi buꞌou ingka Rohino Lahataꞌala, kaꞌosano mbadhano manusia miina sepaliꞌa nakofahalaa. Sabhaha wamba nefosampeku ne hintimiu, wambano Rohino Lahataꞌala, meowanomo dadi.

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

Ibrani 4:12

Bhoasaono Lahataꞌala nodadi bhe nolaku, nohoko anoa bhe kampue komata haa wetaꞌano. Bhoasaono Lahataꞌala nofotobho ampa nopolekaꞌao alusu bhe rohi, nopogaatiꞌao losua bhe lolino buku, nopooli nopofelesaane sabhaha fekihi bhe dukuno lalondo manusia.