Daniyeli 10:9 - BIBLIYA NTAGATIFU OMU MASHI

⁹ Nanaciyumva izù ly’ebinwa byâge, n’erhi nyumva eryo izù ly’ebinwa byâge, nakumba n’entemu, nayûbikira ak’amalanga oku idaho.

Daniyeli 10:9 Cross References

Murhondêro 15:12

Erhi izûba libà likola lyazika, enjôli nnene yarhogerakwo Abramu, ecôbà cinene camugwârha.

Murhondêro 2:21

Nyakasane Nyamuzinda arhogezakwo omuntu îrò ly’enkwîra, nyamuntu ahunira; amushugula omurhibadu ashosha eminyafu aha omurhibadu gwarhengaga.

Ayubu 33:15

Omu bilôrho na muli ngasi biyishira omuntu budufu, nk’obôba bwamârhûnga ebiremwa, oku ncîngo zâbo;

Ayubu 4:13

Omu ntuliranyè y’ebilôrho, gala mango irò linene ligonza abantu,

Lwimbo 5:2

Ngwîshîre ci omurhima gwâni guzîne. Namâyumva Muzigirwa wâni akomomba oku lumvi: Nyigulira mâshi mwâli wîrhu, mukazi wâni, mâshi ngûkù yâni, mâshi Mwinjà-Muzira-ishembo. Kali irhwe linyunjwire lumè, emviri zinyunjwire mirhonyi ya budufu.

Daniyeli 10:16

Lolà oku oli nka mwene omuntu anacimpumakwo oku milomo, nanacibumbûla akanwa narhangira okuderha; nanacibwîra olya wali oyîmanzire embere zâni nti: «Yâgirwa Nnawîrhu, muli okûla kubonekerwa nieshi nyunjwîre malumwa ntà misî ncigwêrhe.

Daniyeli 8:18

Oku anacidwîrhe andesa nieshi nahirima n’entemu, narhimba ak’amalanga oku idaho; ci ampumakwo, anashubinyîmanza ahôla nanali.

Habakuki 3:16

Nayumvîrhe okwo, obulà bwâni bwajuguma, eryo izù lyarhuma akanwa kandirhimana; akafinjo kangera omu rhuvuha, obwôba bwantwa enjingo z’amagulu. Ndwîrhage nalingûza n’omwîshingo olwo lusiku lw’ebihamba, olwâyishira ishanja likaz’irhulibuza.

Luka 22:45

Erhi ayûs’ishenga, ajà emunda abaganda bâge bâli, abashimâna bali îrò erhi burhè burhuma.

Luka 9:32

Petro n’abâbo erhi bazidohîrwe n’îrò. Erhi basinsimuka, babona irenge lyâge, na balya bantu bo­mbî bayimanzire bo naye.

Mafulûlo 1:17

Erhi mmubona, nacîrhimba aha magulu gâge, nâbà nk’ofîre. Anacimpumakwo n’okulyo kwâge, ambwîra, erhi: «Orhayôbohaga: ‘nie Murhanzi, nie na Muzinda’,