फिलिप्पियो 4:9 - मंडयाली नंऊँआं नियम

⁹ जो गल्ला तुस्से मेरे ले सीखी, होर ग्रहण किती, होर सुणी, होर मेरे मन्झ देखी, तिन्हारा पालन करा, तेबे परमेसरा जो सांति देआ, तुस्सा साउगी रैंह्णां।

फिलिप्पियो 4:9 Cross References

मत्ती 1:23

“कि देखा, एक कुआरिया गर्भ धारण करणा होर तेस्सा एक बच्चे जो जन्म देणा, होर तेसरा नांऊँ इम्मानुएल रख्या जाणा,” इम्मानुएल रा मतलब आ “परमेसर आस्सा साउगी।”

मत्ती 28:20

होर इन्हा चेलेया जो, जो हुक्म मैं तुस्सा जो दितरे तिन्हारा पालन करणा सिखाऊआ: होर सूणां, हांऊँ संसारा रे खत्म हूंणे तक हमेसा तुस्सा साउगी आ।”

मत्ती 7:21

“जो मेरे किन्हें, ‘हे प्रभु, हे प्रभु,’ बोल्हा ऐं, तिन्हा मन्झा ले हर एकिया स्वर्गा रे राजा रे अंदर नी जाणा, पर सिर्फ तेस ई जो मेरी इच्छा पर चल्हा।

लूका 6:46

“जेबे तुस्से मेरा ग्लाईरा नी मन्नदे, ता तुस्से मुंजो हे प्रभु, हे प्रभु किधियो बोल्हा ऐं?

लूका 8:21

पर यीसूए जवाब दितेया होर तिन्हा जो बोल्या कि, “मेरी माऊ होर मेरे भाई यूं ऐं, जो परमेसरा रा बचन सुणहां ऐं होर मन्हां ऐं।”

यहून्ना 13:17

ऐबे तुस्से इन्हा गल्ला जो जाणहां ऐं, होर तिन्हा पर चला तेबे तुस्सा धन्य हूंणां।

यहून्ना 15:14

जो कुछ हांऊँ तुस्सा जो हुक्म देहां, अगर तेह्ड़ा ई करघे ता तुस्से मेरे दोस्त ऐं।

यहून्ना 2:5

पर तेसरी माऊऐ सेऊआदारा किन्हें बोल्या, “जो कुछ से तुस्सा किन्हें बोले, तेह्ड़ा ई करेया।”

चुणिरे चेले रे काम 9:6

पर ऐबे उठी किन्हें सैहरा मन्झ जा, होर तेथी कोई एह्ड़ा हूंणा तेस तुजो दसी देणा तुध क्या करणा।”

रोमियो 15:33

हांऊँ प्रार्थना करहा कि सांति देणे वाल़ा परमेसर तुस्सा सभी साउगी रहे। आमीन।

रोमियो 16:20

होर सांति देणे वाल़ा परमेसर सैताना जो खत्म करी किन्हें तेस जो तुस्सा रे अधीन करी देणा। हांऊँ प्रार्थना करहा कि आस्सा रा प्रभु यीसू मसीह तुस्सा जो आपणा अनुग्रह देंदा रहे।

1 कुरिन्थियो 10:31

होर एता रा जबाब ये आ कि चाहे तुस्से खाऊआ या पिऊआ, या चाहे जो कुछ करा, पर सभ कुछ परमेसरा री महिमा रे कठे करा।

1 कुरिन्थियो 14:33

क्यूंकि परमेसर गड़बड़ी रा परमेसर नी आ, पर सांति रा परमेसर आ। परमेसरा रे पवित्र लोका री सभ कलीसिया मन्झ एस ऐं बिधिया रा पालन करहे।

1 कुरिन्थियो 4:16

इधी कठे हांऊँ तुस्सा ले अर्ज करहा कि, जिहां हांऊँ मसीह साहीं जिन्दगी जीहां, तिहां ईं तुस्से भी मेरे साहीं जिन्दगी जिया।

2 कुरिन्थियो 13:11

हे भाईयो होर बैहणो, ऐबे आखरी मन्झ हांऊँ बोलणा चांहा कि, खुस रैहया, सिद्ध बणदे जाऊआ, होर एक दूजे जो उत्साहित करो, एक ही मन रखा, मिली जुली किन्हें सांति किन्हें रैंहयां, तुस्सा किन्हें प्यार करणे वाल़ा होर सांति देणे वाल़ा परमेसरा तुस्सा साउगी रेहणा।

फिलिप्पियो 3:17

हे भाईयो होर बैहणो, मेरे उदाहरणा रा अनुसरण करहा, होर जो मेरे उदाहरणा रा अनुसरण करहे तिन्हा पर ध्यान देआ, होर तिन्हारे उदाहरणा भी अनुसरण करहा।

फिलिप्पियो 4:7

तेबे सांति देणे वाले परमेसरा, जो माह्णुंआं री समझा ले बाहर आ, तुस्सा रे दिलो होर तुस्सा रे विचारा जो मसीह यीसू मन्झ सुरक्षित रखणा।

1 थिस्सलुनकियो 1:6

होर तुस्से बड़े दुःखा रे बीचा मन्झ भी पवित्र आत्मा रे ज्रीए मिलणे वाली खुसी साउगी खुसी री खबर ग्रैहण कितेया। होर तुस्से आस्सा रा होर आस्सा रे प्रभु यीसू मसीह साहीं जिन्दगी जींदे लगे।

1 थिस्सलुनकियो 2:14

हे भाईयो होर बैहणो, यहूदिया ईलाके मन्झ परमेसरा री कलीसिया होर तिन्हा विस्वासी लोका जो जिन्हें जे यीसू मसीह ग्रैहण करी लईरा था, स्यों जिहां स्ताईरे थे तिहां ही तुस्से भी सताये, क्यूंकि तुस्से भी आपणे लोका ले जिहां दुःख पाया, तिहां ही तिन्हें भी आपणे यहूदी लोका ले दुःख पाईरा था।

1 थिस्सलुनकियो 5:23

सांति देणे वाल़ा परमेसर आपु ई तुस्सा जो पूरी तरहा ले पवित्र करहे; होर तुस्सा री पूरी आत्मा होर प्राण होर सरीर आस्सा रे प्रभु यीसू मसीह रे दबारा वापस आऊणें रे ध्याड़े तक बेकसूर होर सुरक्षित रहे।

2 थिस्सलुनकियो 3:4

होर आस्सा जो प्रभु मन्झ तुस्सा पर भरोसा आ कि, आस्से जो गल्ला करणे जो तुस्सा जो बोलिरी, तुस्से तेह्ड़ा ही करदे लगिरे, होर करदे भी रैंह्णां।

2 तिमिथियुस 4:22

हांऊँ प्रार्थना करहा कि प्रभु तेरे साउगी रहे, होर से तुजो आपणा अनुग्रह देंदा रहे।

याकूब 1:22

पर परमेसरा रे बचना जो मनणे वाले बणा, होर ना की सिर्फ सुणने वाले, क्यूंकि सिर्फ सुणने वाल़ा आपणे आपा जो धोखा देहां ऐं।

2 पतरस 1:10

इधी कठे हे भाईयो होर बैहणो, हर से काम करणे री पूरी कोसिस करहा, जेता ले तुस्से आपणे आपा जो होर दूजे लोका जो जाहिर करी सको कि परमेसरे पक्का तुस्से चुणिरे; होर आपणे लोक हूंणे रे कठे सादीरे। क्यूंकि अगर एह्ड़ा करघे, ता तुस्सा कधी भी पापा मन्झ नी पऊणा।

1 यहून्ना 3:22

होर जो कुछ आस्से मांघ्हा ऐं, से आस्सा जो परमेसरा ले मिल्हा; क्यूंकि आस्से तेसरे हुक्मा जो मन्हां ऐं; होर जो तेस जो खरा लग्हा आस्से तेह्ड़ा ई करहा ऐं।