फिलिप्पियो 4:8 - मंडयाली नंऊँआं नियम

⁸ इधी कठे हे भाईयो होर बैहणो, जो-जो गल्ला सच्ची ई, जो-जो गल्ला आदरा रे लायक, होर जो-जो गल्ला ठीक ई, होर जो-जो गल्ला पवित्र ई, होर जो-जो गल्ला बांकी ई, होर जो-जो गल्ला तारीफ रे लायक ई, इधी कठे, जो-जो गल्ला सभी ले उतम होर बढ़ाई रे लायक ई, तिन्हा गल्ला पर तुस्सा रा मन लगेया रहे।

फिलिप्पियो 4:8 Cross References

मत्ती 22:16

होर तिन्हें राजा हेरोदेसा रा साथ देणे वाल़े लोका साउगी आपणे कुछ चेले तेस वाले ये बोलणे रे कठे भेजे कि, “हे गुरु, आस्से जाणहां ऐं कि, तू सच्चा आ, होर परमेसरा री गल्ला सच्चाई किन्हें स्खाहां, होर केसी री परवाह नी करदा। क्यूंकि तू माह्णुं रा मुंह देखी किन्हें गल्ला नी करदा।

मरकुस 6:20

हेरोदेस राजा यहून्ना बपतिस्मा देणे वाल़े ले डरा था क्यूंकि से धर्मी होर पवित्र माह्णुं था, होर तेस जो बचाहां था, होर तेसरी गल्ला सुणी किन्हें बौह्त डरी जाहाँ था, फेरी भी से तेसरी गल्ला खुसी किन्हें सुणहां था।

लूका 16:15

यीसुए तिन्हा किन्हें बोल्या, “तुस्से ता माह्णुं रे साम्हणें आपणे आपा जो धर्मी लोक बणाहें, पर परमेसर तुस्सा रे मना जो जाणहां। क्यूंकि जो चीज माह्णुं री नजरा मन्झ बडी ई, से परमेसरा री नजरा मन्झ बड़ी नकम्मी ई।

लूका 2:25

होर तेस टैमा यरुस्लेम सैहरा मन्झ समौन नांऊँआं रा एक माह्णुं था, होर से माह्णुं धर्मी होर भक्त था; होर से मसीहा रा इंतजार करेया करहा था कि से आई किन्हें इस्राएल देसा मन्झ सुख चैन दे, होर पवित्र आत्मा तेस पर था।

लूका 23:50

होर युसुफ नांऊँआं रा एक मंत्री जो सज्जन होर धर्मी माह्णुं था।

यहून्ना 7:18

जो आपणी तरफा ले कुछ बोल्हा, से आपणी ई बड़ाई चाहां, पर जो आपणे भेजणे वाले री बड़ाई चाहां सेई सच्चा आ, होर तेस मन्झ पाप नी आ।

चुणिरे चेले रे काम 10:22

तिन्हें जवाब दितेया, “कुरनेलियुस सूबेदार जो धर्मी होर परमेसरा ले डरने वाल़ा एक भक्त माह्णुंआं होर हरेक जो तेसरे बारे मन्झ जाणहां ऐं स्यों तेस जो एक नेक माह्णुं समझ्हा ऐं। यहूदी लोका मन्झ तेसरी बड़ी इज्जत ई; तिन्हें एक पवित्र स्वर्गदूता ले एक चेतावनी पाईरी कि, तुजो आपणे घरा सादी किन्हें तुध ले बचन सुणे।”

चुणिरे चेले रे काम 22:12

दमिस्क सैहरा मन्झ हनन्याह नांऊँआं रा एक आदमी था, जो मूसा री व्यवस्था रा पालन करणे वाल़ा होर परमेसरा रा डर मनणे वाल़ा माह्णुं था। जो तेथी रे रैहणे वाले सभ यहूदी लोका मन्झ इज्जतदार था।

चुणिरे चेले रे काम 6:3

इधी कठे हे भाईयो बैहणो, आपणे मन्झा ले सात खरे आदमिया जो, जो पवित्र आत्मा होर बुद्धि किन्हें भर्हिरे हो, चुणी लऊआ कि, आस्से तिन्हा जो एस कामा पर ल्गाई दे।

रोमियो 13:13

होर आस्सो एह्ड़े जीणा चहिए जिहां आस्से ध्याड़ीया रे प्रयासे मन्झ जीणे वाले, ना कि न्याहरे मन्झ रही किन्हें बुरे काम करी किन्हें जीणे वाले। इधी कठे आस्सा मन्झ रंगरलिया, पी किन्हें मुतालणा, व्यभिचार, लुचपना, झगड़े होर जल्नी नी हूणीं चहिए।

रोमियो 13:3

अगर कोई खरे कामा करहा, ता तेजो अधिकारी रा डर नी आ अगर बुरा करहा ता तेबे तेजो डर मन्ना चहिए। अगर तू अधिकारी ले बेखौफ रैंह्णां चाहां, ता खरा काम कर होर तेस तेरी तारीफ करणी;

रोमियो 14:18

जो कोई इंहां मसीह री सेऊआ करहा ता परमेसरा तेस ले खुस हुई जां होर माह्णुं भी तेसरे बारे मन्झ खरा बोल्हा।

रोमियो 2:29

पर सच्चा यहूदी लोक सेई आ, जिन्हारा मन परमेसरा रे साम्हणें सच्चा आ; होर सच्चा खतना सेई आ, जो पवित्र आत्मा रे कामा रे ज्रीए दिला रा खतना हुआ। ना कि मूसा री व्यवस्था जो मनणे रे ज्रीए हुईरा। एह्ड़े लोका री बड़ाई माह्णुं नी पर परमेसर आपु करहा।

1 कुरिन्थियो 4:5

इधी कठे आस्सा रे प्रभु रे वापस आऊणें रे ध्याड़े तक कोई केसी रा न्याय नी करहे; क्यूंकि परमेसरा ही लोका रे मना रे मन्झ लुख्ही रे सारे विचार जाहिर करणे जिन्हों कोई नी जाणदा। होर माह्णुंआं रे मना रे विचार जाहिर करणे, होर तेबे परमेसरा हर एक माह्णुं री बड़ाई करणी।

2 कुरिन्थियो 13:7

भले ही तुस्सा मन्झ ले केसियो लगा कि आस्से सच्चे चुणिरे चेले नी ऐं, फेरी भी आस्से आपणे परमेसरा ले प्रार्थना करहा ऐं कि, तुस्से कोई बुराई मत करदे, पर भलाई ही करो।

2 कुरिन्थियो 6:8

चाहें लोके आस्सा री इज्जत किती या बेज्जती किती, या तारीफ किती या बुराई किती, आस्से हमेसा आपणे बारे मन्झ सच्च ही बोल्या, भले लोक आस्सो कपटी ही बोल्हे।

2 कुरिन्थियो 8:18

होर आस्से तितुसा साउगी एक विस्वासी भाई भेजिरा, होर सभ कलीसिया रे विस्वासी लोक तेस जो सराहें क्यूंकि से खुसी री खबरा रा प्रचार बौह्त खरे तरीके किन्हें करहा।

2 कुरिन्थियो 8:21

क्यूंकि आस्से एस गल्ला री फिकर कि ना सिर्फ प्रभु रे साम्हणें बल्की माह्णुं रे साम्हणें भी हर गल्ला जो ठीक ढंगा किन्हें करी सके।

गलातियो 5:22

पर परमेसर रा आत्मा आस्सो जो गुण देहां से यूयाँ ऐं, प्यार, खुसी, सांति, सबर,

इफिसियो 4:25

इधी कठे झूठ बोलणा छाडी किन्हें, हर एक आपणे विस्वासी भाई किन्हें सच्च बोले, क्यूंकि आस्से सभ एक ई सरीरा रे अंग ऐं।

इफिसियो 5:9

क्यूंकि अगर कोई एक माह्णुं प्रयासे मन्झ आ, ता तेस भलाई होर धार्मिकता रे काम करणे, होर आस्से तेस पर भरोसा करी सके।

इफिसियो 6:14

इधी कठे परमेसरा री सच्चाई जो पटे साहीं आपणी कमर मन्झ बान्ही लेया, होर धार्मिकता रे स्वभावा जो झिलमा साहीं पैन्ही लेया।

फिलिप्पियो 3:1

हे मेरे भाईयो बैहणो, इधी कठे प्रभु मन्झ खुस रैहया। तुस्सा जो बार-बार स्यों गल्ला लिख्दे रैंहणें ले मुंजो कोई कस्ट नी हुन्दा, क्यूंकि एता ले तुस्सा झूठे गुरुआ ले बची जाणा।

कुलुस्सियो 4:5

हर एक मौके रा खरा फायदा लेई किन्हें प्रभु यीसू पर विस्वास ना करणे वाले साउगी बड़ी समझदारी किन्हें व्यवहार करहा।

1 थिस्सलुनकियो 4:12

कि अविस्वासी लोका रे साम्हणें तुस्सा री जिन्दगी जीणे रा तरीका इज्जत पाणे रे लायक हो, होर तुस्सा री जरूरता रे कठे तुस्सा जो होरी पर आस नी रखणी पो।

1 तिमिथियुस 2:2

राजेया रे कठे होर अधिकारिया रे कठे प्रार्थना करहा, ताकि आस्से सुख-चैना किन्हें रहे, जेता ले आस्से परमेसरा री भक्ति करी सके होर दूजे लोका साउगी सही बर्ताव करी सके।

1 तिमिथियुस 3:11

एस तरहा सेऊआदारा री लाड़ीया भी तेह्ड़ी हो जिन्हारी सब लोक इज्जत करदे हो, दूजेया जो बदनाम करणे वाली नी हो, पर आपणे आपा पर काबू रखणे वाली हो, होर सभ गल्ला मन्झ भरोसे रे लायक हो।

1 तिमिथियुस 3:4

से आपणे घरा-परिवारा जो ठीक ढंगा किन्हें चलाणे वाल़ा हो, होर से आपणे बाल-बच्चे जो स्खायें कि स्यों हर गल्ला मन्झ बड़ी इज्जता किन्हें तेसरा केहणा मन्हें।

1 तिमिथियुस 4:12

कोई तेरी जुआनी जो बेकार नी समझणे पाए; पर जो गल्ला तू बोल्हा, होर आपणे चाल चलना रे ज्रीए, दूजेया रे कठे तेरे प्यारा रे ज्रीए, होर मसीह पर तुस्सा रे विस्वास होर तुस्सा री पवित्र जिन्दगी रे ज्रीए, तू विस्वासी लोका रे कठे एक उदाहरण बणी जा।

1 तिमिथियुस 5:10

होर दूजे लोक तिन्हारे बारे मन्झ ये बोलदे हो कि तेस्से हमेसा भले काम कितिरे, जिहां कि तेस्से आपणे बच्चे रा पालन पोसण खरे किन्हें कितिरा। सफर करणे वाले विस्वासी लोका जो आपणे घरा मन्झ सादी किन्हें तिन्हारी आदर-खातर कितिरा, तिन्हें परमेसरा रे पवित्र लोका री बड़ी नम्रता किन्हें सेऊआदारा साहीं तिन्हारी सेऊआ कितिरी, जो लोक दुखा मन्झ थे तिन्हारी मदद कितिरी। होर तिन्हें हर एक भले कामा जो मन ल्गाईरा किन्हें कितिरा।

1 तिमिथियुस 5:2

आपणे ले उम्रा मन्झ बडी ज्नानिया किन्हें आपणी माऊआ साहीं बर्ताव कर; होर तुस्सा ले कम उम्रा वाल़ेया किन्हें आपणी बैहणा साहीं बर्ताव कर। एह्ड़ा तू एक पवित्र मना किन्हें कर।

तितुस 1:8

पर आदर-खातर करणे वाल़ा, दूजे री भलाई करणे री इच्छा रखणे वाल़ा, आपणे पर काबू रखणे वाल़ा, धर्मी माह्णुं पवित्र होर हमेसा आपणी भावनाओं पर काबू रखणे वाल़ा हो।

तितुस 2:14

इन्हें यीसू मसीहे आपणे आपा जो आस्सा रे कठे बलिदान करी दितेया, ताकि आस्सा जो हर किस्मा रे पापा ले छुड़ाई ले; होर आस्सो सुद्ध करी दे ताकि आस्से तेसरे खास लोक बणी जाये जो खरे काम करणे री बड़ी इच्छा रखे।

तितुस 2:2

खपरे आदमिया जो सखाया कि स्यों आपणे आपा पर काबू रखे होर तिन्हारा स्वभाव एह्ड़ा हो कि सब तिन्हारी इज्जत करहे, होर समझदारी किन्हें काम करणे वाले हो। परमेसरा पर मजबूत विस्वास करणे वाले, दूजेया किन्हें सच्चा प्यार करणे वाले होर सभ गल्ला मन्झ धीरज रखणे वाले हो।

तितुस 2:7

होर हर गल्ला मन्झ आपणे भले कामा रा उदाहरण दे कि दूजे लोक भी तुस्सा जो देखी किन्हें आपणे आपा जो बदली दे, जेबे तू विस्वासी लोका जो परमेसरा रे बारे मन्झ सखाई करहा ता खरे मकसद साउगी सखा, जेता ले स्यों तुस्सा री इज्जत करहे।

तितुस 3:14

इतना ही नी पर विस्वासी लोका जो ये भी स्खान्दे रैहया कि स्यों दूजेया री ज्रूरता जो पूरा करणे रे कठे खरे कामा मन्झ हमेसा लगे रैंहे। एह्ड़ा करणे ले तिन्हारी जिन्दगी बेकार नी हूणीं।

इब्रानियो 11:2

आस्सा रे बापदादे रा भी एह्ड़ा विस्वास था होर इधी कठे परमेसर तिन्हा ले खुस था।

इब्रानियो 13:18

आस्सा रे कठे प्रार्थना करदे रैहया, क्यूंकि आस्सा जो एस गल्ला रा पक्का आ कि, आस्सा री अंतरात्मा सुद्ध ई, होर आस्से सारी गल्ला जो करणे रे ज्रीए परमेसरा जो आदर दें।

याकूब 1:27

आस्सा रे बापू परमेसरा रे साम्हणें सच्ची होर सुद्ध भक्ति येई कि, अनाथा होर विधवा रे दुःखा मन्झ तिन्हारा ख्याल रखे, होर संसारा मन्झ हूंणे वाले बुरे कामा ले आपणे आपा जो दूर रखा।

याकूब 3:17

पर जो ज्ञान परमेसर देआ से पैहले ता पवित्र हुंहाँ, फेरी सांति फैलाणे वाल़ा, कोमल होर विचारसील होर दया होर भले कामा किन्हें भरीरा होर तेस मन्झ पाखंडा होर कपट नी हुंदा।

1 पतरस 1:22

सच्चा जो मनणे री वजहा ले ही तुस्से आपणे पापा ले सुद्ध किती गईरे। इधी कठे ऐबे आपणे विस्वासी भाई बैहणा किन्हें गहरा होर पुरे दिला किन्हें प्यार करदे रैहया।

1 पतरस 2:12

तुस्सा रे ओरे परे रैहणे वाले लोक जो परमेसरा पर विस्वास नी करदे बोली सके कि तुस्सा रे काम बुरे। एह्ड़ी खरी जिन्दगी जीया ताकि स्यों तुस्सा रे भले कामा जो देखी किन्हें मसीह रे दबारा वापस आऊणें रे ध्याड़े परमेसरा जो महिमा दे।

1 पतरस 4:8

होर सभी ले जरूरी गल येई कि एक दूजे किन्हें गहरा प्यार रखा; क्यूंकि अगर तुस्से एक दूजे किन्हें प्यार करहे, ता तुस्से तिन्हारी हमेसा केसी भी गलती जो माफ करणे रे कठे त्यार रहे।

2 पतरस 3:1

हे लाडले भाईयो होर बैहणो, ऐबे हांऊँ तुस्सा जो ये दूजी चिठ्ठी लिख्हा। होर इन्हा दुहीं चिठिया रे ज्रीए मैं तुस्सा जो तिन्हा गल्ला जो याद कुराई किन्हें जिन्हों तुस्से पैहले जाणांहे, तुस्सा रे मना मन्झ साफ विचार पैदा करणा चाहां।

1 यहून्ना 3:18

हे लाडले बच्चेयो, आस्सा री बोली होर गल्ला मन्झ ई नी, पर काम होर सच्चाई किन्हें भी प्यार सूझणा चहिए।

1 यहून्ना 3:3

होर जो कोई मसीह पर ये आस रख्हा, से आपणे आपा जो तेह्ड़ा ई पवित्र करहा, जेह्ड़ा मसीह आपु पवित्र आ।

1 यहून्ना 4:1

हे लाडले भाईयो होर बैहणो, हरेक तेस माह्णुं पर विस्वास नी करहा जो ये बोल्हा की मेरे मन्झ परमेसरा री आत्मा ई; पर आत्मा जो परखा कि, स्यों परमेसरा री तरफा ले ई कि नी ई; क्यूंकि बौह्त सारे झूठे नबी संसारा मन्झ ऐं जो परमेसरा री तरफा ले नी ऐं।