फिलिप्पियो 4:7 - मंडयाली नंऊँआं नियम

⁷ तेबे सांति देणे वाले परमेसरा, जो माह्णुंआं री समझा ले बाहर आ, तुस्सा रे दिलो होर तुस्सा रे विचारा जो मसीह यीसू मन्झ सुरक्षित रखणा।

फिलिप्पियो 4:7 Cross References

लूका 1:79

ताकि जो लोक नह्यारे मन्झ ऐं होर जिन्हों मौता रा खतरा ऐं, तिन्हो ज्योति मिली सके, होर ये ज्योति आस्सा जो सांति रे पैंडे पर सीधे चलाई सके।”

लूका 2:14

“स्वर्गा मन्झ परमेसरा री महिमा होर धरती पर तिन्हा माह्णुं मन्झ जिन्हा ले से खुस आ, सांति हो।”

यहून्ना 14:27

“हांऊँ तुस्सा जो सांति देहां, हांऊँ आपणी सांति तुस्सा जो देहां। ये से सांति नी जेह्ड़ी संसार देहां, तेह्ड़ा हांऊँ नी देंदा: तुस्सा रा मन ना दुआस होर ना डरे।

यहून्ना 16:33

मैं ये गल्ला तुस्सा किन्हें इधी कठे बोली, ताकि तुस्सा जो मेरे मन्झ सांति मिलो; संसारा मन्झ तुस्सा जो कलेस हुंहाँ, पर हिम्मत करहा! मैं संसार जीती लईरा।”

रोमियो 1:7

ये चिठ्ठी रोम सैहरा रे लोका रे कठे ई, जिन्हा किन्हें परमेसर प्यार करहा होर आपणे पवित्र लोक हूंणे रे कठे चुणिरे। आस्से प्रार्थना करहे कि आस्सा रा बापू परमेसर होर प्रभु यीसू मसीह तुस्सा जो अनुग्रह होर सांति देंदा रहे।

रोमियो 14:17

क्यूंकि परमेसरा रे राजा मन्झ खाणा पीणा बडा नी आ; एता रे बजाय, परमेसरा री नजरा मन्झ धर्मी माह्णुं बणना, सांति होर पवित्र आत्मा मन्झ खुसी, ये गल्ला बडी ई।

रोमियो 15:13

हांऊँ प्रार्थना करहा कि परमेसर जो तुस्सा जो आस देआ, से तुस्सा जो तेस पर विस्वास करणे रे कारण आपणी बड़ी खुसी होर सांति किन्हें भरे, ताकि पवित्र आत्मा री सामर्था ले तुस्सा री आस होर भी बढ़दी जाए।

रोमियो 5:1

इधी कठे यीसू मसीह पर विस्वास करणे रे वजहा ले परमेसरे आस्से आपणी नजरा मन्झ धर्मी माह्णुं बणाए, क्यूंकि प्रभु यीसू मसीहे जो आस्सा रे कठे कितिरा जेसरे ज्रीए आस्सा रा परमेसरा साउगी मेल मिलाप हुआ।

रोमियो 8:6

इधी कठे अगर आस्से पापा रे स्वभाव रे अधीन आ, ता ये आस्सो मौत वखा जो लेई जाई। पर अगर आस्से पवित्र आत्मा रे अधीन आ, ता ये आस्सा जो जिन्दगी होर सांति देईं।

2 कुरिन्थियो 10:5

एसरे ज्रीए आस्से हर एक व्रोधीया जो, होर हर एक बडयाई करणे वाले जो, जो परमेसरा री पैहचाणा रे व्रोधा मन्झ उठा ईं, तेस जो सट्टी देहें। होर लोको रे विचार जो कैद करी किन्हें तिन्हो मसीह रा हुक्म मनणे वाल़ा बणाई देहां ऐं।

2 कुरिन्थियो 13:11

हे भाईयो होर बैहणो, ऐबे आखरी मन्झ हांऊँ बोलणा चांहा कि, खुस रैहया, सिद्ध बणदे जाऊआ, होर एक दूजे जो उत्साहित करो, एक ही मन रखा, मिली जुली किन्हें सांति किन्हें रैंहयां, तुस्सा किन्हें प्यार करणे वाल़ा होर सांति देणे वाल़ा परमेसरा तुस्सा साउगी रेहणा।

गलातियो 5:22

पर परमेसर रा आत्मा आस्सो जो गुण देहां से यूयाँ ऐं, प्यार, खुसी, सांति, सबर,

इफिसियो 3:19

हांऊँ प्रार्थना करहा कि तुस्से मसीह रे एस प्यारा जो जाणी सको, जो माह्णुंआं री समझा ले परे आ, ताकि तुस्से परमेसरा साहीं सारी गल्ला मन्झ भरपूर हुई जाओ।

फिलिप्पियो 1:1

हांऊँ पौलुस, तिमिथियुस साउगी ये चिठ्ठी लिखी करहा, होर आस्से यीसू मसीह रे सेऊआदार ऐं। हांऊँ ये चिठ्ठी फिलिप्पी सैहरा मन्झ रैहणे वाले परमेसरा रे पवित्र लोका रे कठे होर कलीसिया रे अगुवे होर सेऊआदारा रे नांऊँ लिख्या करहा।

फिलिप्पियो 1:2

हांऊँ प्रार्थना करहा कि आस्सा रा बापू परमेसर होर प्रभु यीसू मसीह तुस्सा जो अनुग्रह होर सांति देंदा रहे।

फिलिप्पियो 4:19

होर मेरे बापू परमेसरा भी आपणे तेस धना रे मताबक जो महिमा समेत मसीह यीसू मन्झ ऐं, तुस्सा री हर एक ज्रूरत पूरी करी देणी।

फिलिप्पियो 4:21

यीसू मसीह मन्झ हर एक पवित्र लोका जो हांऊँ नमस्कार बोल्हा। जो विस्वासी लोक मेरे साउगी ऐं, स्यों तुस्सा जो नमस्कार बोल्हा ऐं।

फिलिप्पियो 4:9

जो गल्ला तुस्से मेरे ले सीखी, होर ग्रहण किती, होर सुणी, होर मेरे मन्झ देखी, तिन्हारा पालन करा, तेबे परमेसरा जो सांति देआ, तुस्सा साउगी रैंह्णां।

कुलुस्सियो 3:15

होर मसीह जो सांति देआ से तुस्सा रे दिला मन्झ राज करहे, क्यूंकि तुस्से सभ एक ही सरीर रे अंग ऐं, होर इधी कठे तुस्से सादीरे कि एक दूजे किन्हें मिली जुली किन्हें रहो। होर हमेसा परमेसरा रा धन्यावाद करदे रहूआ।

2 थिस्सलुनकियो 3:16

हांऊँ प्रार्थना करहा कि प्रभु जो सांति देआ, से तुस्सा जो हर प्रकारा ले हर टैम सांति देंदा रहे; प्रभु तुस्सा सभी साउगी रहे।

इब्रानियो 13:20

होर ऐबे परमेसर जो तुस्सा जो सांति देआ, होर जिन्हें प्रभु यीसू जो मरिरे मन्झ ले जिउंदा कितेया, से तुस्सा जो तिन्हा सारी चीजा ले तुस्सा जो सिद्ध करहे कि तुस्से तेसरी इच्छा पूरी करी सको। होर से यीसू मसीह री सामर्था ले तुस्सा मन्झ तिन्हा गल्ला जो बढ़ाए जो तेजो खुस करही। यीसू मसीह अनंतकाला रे वाचा रे ज्रीए जो तिन्हें आपणे खूना ले लिखिरी भेडा रा महान पुहाल आ। तेसरी महिमा हमेसा हुन्दी रहे। आमीन।

यहूदा 1:1

हांऊँ यहूदा एस चिठ्ठी जो लिखी करहा। हांऊँ यीसू मसीहा रा सेऊआदार होर याकूबा रा छोटा भाई आ। परमेसरे जिन्हा लोका जो आपणे गास विस्वास करणे रे कठे सादिरे, हांऊँ तिन्हा लोका जो ये चिठ्ठी लिखी करहा। बापू परमेसर तुस्सा किन्हें प्यार करहा होर यीसू मसीहा रे ज्रीए तुस्से सुरक्षित ऐं।

प्रकासना री गल्ला 1:4

हांऊँ यहून्ना एस चिठ्ठी जो लिखी करहा। हांऊँ ये चिठ्ठी सात कलीसिया रे तुस्सा विस्वासी लोका जो लिखी करहा, जो आसिया रे ईलाके मन्झ रैहया ई। हांऊँ प्रार्थना करहा कि परमेसर, होर सात आत्मा, तुस्सा जो आपणा अनुग्रह होर सांति देंदी रहे। ये परमेसर से ई आ, जो था, होर जो हाया, होर जो आऊणें वाल्आ आ। होर सात आत्मा स्यों ई जो परमेसरा री राजगद्दी रे साम्हणें रैहीं।

प्रकासना री गल्ला 2:17

जो मेरी गल्ला सुणदा लगीरा से बड़े ध्याना किन्हें सुणें कि आत्मा कलीसिया किन्हें क्या बोल्हा: जो लोक जीत हासिल करहे, तिन्हा जो मां, तेस मन्ने ले देणा, जो ल्कोई किन्हें रखिरा। होर तिन्हा सभी जो मां एक चिटा पात्थर देणा, होर तेस पात्थरा पर एक नंऊँआं नांऊँ लिखी जाणा, जेस नाऊँ जो पाणे वाले रे अलावा होर कोसिया नी जाणना।”