फिलिप्पियो 4:6 - मंडयाली नंऊँआं नियम

⁶ केसी भी गल्ला री फिकर नी करा; पर हर एक हालात मन्झ आपणी विनती, प्रार्थना होर अर्ज रे ज्रीए धन्यावादा समेत परमेसरा किन्हें बोल्हा।

फिलिप्पियो 4:6 Cross References

मत्ती 10:19

जेबे स्यों तुस्सा जो पकड़वाये ता ये फिकर मत करदे कि, आस्सा क्या होर क्या बोलणा; क्यूंकि जो कुछ तुस्सा जो बोलणा हुन्घा, से परमेसरा तुस्सा जो तेस ई टैम दसी दितेया जाणा।

मत्ती 13:22

होर कुछ लोक तेस बेजे साहीं ऐं जेह्ड़े झाकड़ा मन्झ बाहिरे, यूं स्यों माह्णुं ऐं, जिन्हें परमेसरा रा बचन सुणेया, होर एस संसारा री चिन्ता, पैसे रे धोखा मन्झ फसी किन्हें बचना मन्झ बढ़ने ले रुकी गये, होर स्यों परमेसरा री इच्छा पर नी चली पांदे।

मत्ती 6:34

इधी कठे काला री फिकर मत करा, क्यूंकि काल्के ध्याड़ेया आपणी फिकर आपणे आप करी लैणी, आजके कठे आजा रा दुःख बौह्त आ।”

मत्ती 6:8

इधी कठे तुस्से तिन्हा साहीं नी बणां, क्यूंकि तुस्सा रा बापू तुस्सा रे मांगणे ले पैहले जाणहां कि, तुस्सा री क्या-क्या ज्रूरत ई।”

लूका 10:41

पर प्रभु यीसूए तेस्सा जो जवाब दितेया, “मार्था, हे मार्था; तू बौह्त चीजा रे कठे फिकर करहा ई होर परेसान हुंहाँ ईं।

लूका 12:22

फेरी यीसूए आपणे चेले किन्हें बोल्या, “इधी कठे हांऊँ तुस्सा किन्हें बोल्हा, आपणे जीणे रे कठे खाणे री फिकर मत करा; होर आपणे सरीरा रे कठे कपड़े री फिकर छाडी देआ।

लूका 12:29

होर तुस्से एस गल्ला री तोपा मन्झ नी रैहया कि, क्या खाणा होर क्या पीणा, होर ना ता सक करा।

लूका 18:1

फेरी एक ध्याड़े यीसूए आपणे चेले जो उदाहरण देई किन्हें बोल्या कियां हमेसा प्रार्थना करणा होर हिम्मत नी छाडणी चहिए।

लूका 18:7

एता कठे क्या परमेसरा आपणे चुणिरे लोका रा न्याय नी चुकाणा, जो राती ध्याड़ी तेसरी दुहाई देहां ऐं, होर क्या तेस तिन्हारे बारे मन्झ देर करणी?

1 कुरिन्थियो 7:21

अगर तैं सेऊआदार हुंदे हुए प्रभु यीसू पर विस्वास कितिरा हो, ता तू एता रे बारे मन्झ फिकर नी कर; पर अगर तेरा माल्क बोल्हा कि तू अजाद आ ता तू चली जा, तेबे तू जाईं सक्हा।

1 कुरिन्थियो 7:32

हांऊँ चाहां कि तुस्से संसारा री रोजकी जिन्दगी री फिकरा ले अजाद रहो। कुआरा आदमी प्रभु री सेऊआ रे बारे मन्झ सोच्दा रैंहयां कि से प्रभु जो किहाँ खुस करहे।

2 कुरिन्थियो 1:11

होर तुस्से भी मिली जुली किन्हें प्रार्थना रे ज्रीए आस्सा री मदद करहा ऐं, ताकि परमेसर तिन्हा प्रार्थना रे ज्रीए आस्सा पर अनुग्रह करहे। होर एस गल्ला री वजहा ले कई सारे लोक आस्सा रे कठे परमेसरा रा धन्यावाद करणा।

इफिसियो 5:20

होर जो कुछ आस्सा रे प्रभु यीसू मसीहे कितिरा, इधी कठे हमेसा सभ गल्ला रे कठे आस्सा रे बापू परमेसरा रा धन्यावाद करा।

इफिसियो 6:18

होर हर टैम होर हर तरहा आस्सो तिहां प्रार्थना होर अर्ज करणी चहिए जिहां पवित्र आत्मा बोल्या। इधी कठे त्यार रैहया कि, तुस्से सभ परमेसरा रे पवित्र लोका रे कठे हमेसा प्रार्थना करदे रहो।

कुलुस्सियो 3:15

होर मसीह जो सांति देआ से तुस्सा रे दिला मन्झ राज करहे, क्यूंकि तुस्से सभ एक ही सरीर रे अंग ऐं, होर इधी कठे तुस्से सादीरे कि एक दूजे किन्हें मिली जुली किन्हें रहो। होर हमेसा परमेसरा रा धन्यावाद करदे रहूआ।

कुलुस्सियो 3:17

होर जो कुछ तुस्से बोले होर करहे से सभ प्रभु यीसू रे नांऊँआं ले करहा; होर प्रभु यीसू रे ज्रीए बापू परमेसरा रा धन्यावाद करा।

कुलुस्सियो 4:2

लगातार प्रार्थना मन्झ लगे रहो, होर जेबे तुस्से प्रार्थना करहे ता चतन्न रहा, होर हमेसा परमेसरा रा धन्यावाद करदे रैहया।

1 तिमिथियुस 2:1

सभी गल्ला ले बड़ी किन्हें हांऊँ आपणे दिला ले तुस्सा किन्हें बोलणा चाहां कि, सभ माह्णुंआं रे कठे परमेसरा ले अर्ज होर प्रार्थना होर निवेदन होर धन्यावाद कितेया जाए।

1 तिमिथियुस 5:5

जेस्सा विधवा री देखभाल करणे रे कठे कोई नी हो; से सिर्फ परमेसरा पर आस रख्हा ई, होर राती ध्याड़ी विनती होर प्रार्थना मन्झ लगी रैंहीं कि परमेसर तेस्सा री मदद करहे।

1 पतरस 4:7

सभ गल्ला रा अंत जल्दी हूंणे वाल़ा आ; इधी कठे चतन्न रही किन्हें आपु पर काबू रखा होर प्रार्थना रे कठे त्यार रहा।

1 पतरस 5:7

होर आपणी सारी चिंता तेस पर पाई देआ, क्यूंकि परमेसरा जो तुस्सा री परवाह ई।