फिलिप्पियो 4:4 - मंडयाली नंऊँआं नियम

⁴ प्रभु मन्झ हमेसा खुस रैहया; हांऊँ दबारा बोल्हा, खुस रैहया।

फिलिप्पियो 4:4 Cross References

मत्ती 5:12

तेबे खुस होर मगन हुएया, क्यूंकि तुस्सा रे कठे स्वर्गा मन्झ बौह्त बडा इनाम रखिरा, इधी कठे कि जो तुस्सा ले पुराणे ज्माने रे नबी थे तिन्हें स्यों भी इंहां करी किन्हें, स्ताईरे थे।

चुणिरे चेले रे काम 16:25

लगभग आधी राती पौलुस होर सिलास प्रार्थना करी किन्हें परमेसरा रे भजन गाया करहा ऐं थे, होर कैदी तिन्हारी सुणेया करहा ऐं थे।

चुणिरे चेले रे काम 5:41

चुणिरे चेले एस गल्ला ले खुस हुई किन्हें माहसभा रे साम्हणें ले चली गये कि, आस्से यीसू रे नांऊँआं रे कठे बेज्जत हूंणे रे लायक ता समझे।

रोमियो 12:12

खुस रैहया क्यूंकि तुस्सा वाले बौह्त बड़ी आस ई; दुःखा मन्झ सबर रखा; प्रार्थना मन्झ लगातार लगी रैहया।

2 कुरिन्थियो 6:10

पर आस्से हमेसा दुखा रे टैमा भी खुसी म्नांहें। हलांकि आस्से आपु ता गरीब ऐं, पर कईया जो आत्मिक रूपा ले अमीर बणाई दितिरा। होर आस्सा वाले आपणा कुछ नी हाया, पर फेरी भी सब कुछ आस्सा रा आपणा। होर येही गल्ला जाहिर करही कि आस्से परमेसरा से सेऊआदार ऐं।

गलातियो 1:8

पर अगर आस्से या स्वर्गा ले कोई भी स्वर्गदूत आई किन्हें तुस्सा जो सच्ची मसीह री खुसी री खबरा जो आस्से तुस्से सुणाई री, तेता रे बदले मन्झ तुस्सा जो कोई दूजा उपदेस सुणाए, ता परमेसरा तेस जो सजा दे।

फिलिप्पियो 2:18

तिहां ईं तुस्से भी खुस हो, होर मेरे साउगी खुसी मणाऊआ।

फिलिप्पियो 3:1

हे मेरे भाईयो बैहणो, इधी कठे प्रभु मन्झ खुस रैहया। तुस्सा जो बार-बार स्यों गल्ला लिख्दे रैंहणें ले मुंजो कोई कस्ट नी हुन्दा, क्यूंकि एता ले तुस्सा झूठे गुरुआ ले बची जाणा।

1 पतरस 4:13

पर जिहां-जिहां तुस्से मसीह रे दुःखा मन्झ साझी हुंहाँ ऐं, खुसी मनाऊआ। एस वजहा ले जेबे मसीहा लोका पर आपणी महिमा जाहिर करदे आऊंणा, तेबे तुस्सा बौह्त ज्यादा खुस हूंणा।