फिलिप्पियो 4:3 - मंडयाली नंऊँआं नियम

³ होर हे सच्चे, सहकर्मी हांऊँ तेरे ले ये अर्ज करहा कि, तू इन्हा दुहीं बैहणा री आपु मन्झा री बैहसा जो सुल्हा करा, क्यूंकि तिन्हें मेरे साउगी खुसी री खबर सुनाणे रे कठे, क्लेमेन्स होर मेरे दूजे सहकर्मी साउगी मैहनत किती। होर ऐबे इन्हा सभीरा नांऊँ जिन्दगी री कताबा मन्झ लिखिरा।

फिलिप्पियो 4:3 Cross References

लूका 10:20

फेरी भी इधी कठे खुस मत हुआ कि दुस्टात्मा तुस्सा री गल्ला मना ई, पर एता ले खुस हुआ कि तुस्सा रे नांऊँ स्वर्गा मन्झ लिखिरे।”

रोमियो 12:1

इधी कठे हे भाईयो होर बैहणो, हांऊँ तुस्सा किन्हें परमेसरा री दया याद दिलाई किन्हें बिनती करहा कि आपणे आपा जो ही जिउंदे होर पवित्र, होर परमेसरा जो खुस करणे वाले बलिदान रे रूपा मन्झ चढ़ाऊआ; येई परमेसरा री अराधना करणे रा सच्चा तरीका आ।

रोमियो 16:12

त्रूफैन्ना होर त्रूफोसा दुहीं बैहणा जो नमस्कार, जो प्रभु रे कामा रे कठे मैहनत करही। लाडली दोस्त पिरसिस बैहणा जो मेरा नमस्कार, जो प्रभु रे कामा रे कठे बौह्त ज्यादा मैहनत करही।

रोमियो 16:9

उरबानुसा भाई जो भी मेरा नमस्कार, जो मसीह यीसू री सेऊआ करणे रे कामा मन्झ आस्सा रा सहकर्मी आ, होर मेरे लाडले दोस्त इस्तखुस भाई जो भी मेरा नमस्कार।

फिलिप्पियो 1:12

हे भाईयो होर बैहणो, हांऊँ चाहां कि, तुस्से ये जाणी लो कि, जो कुछ मेरे पर बीतिरा, तेसरी वजहा ले खुसी री खबरा फैलाणे मन्झ मेरी मदद हुईरी।

फिलिप्पियो 1:16

जो लोक खरी इरादे ले प्रचार करहे स्यों मसीह किन्हें प्यार करहे, होर जाणहां ऐं कि मुंजो मसीह रे खुसी री खबरा रा बचाव करणे री वजहा ले जेल्हा मन्झ पाईरा।

फिलिप्पियो 1:27

बस इतना करा कि तुस्सा री जिन्दगी मसीह रे खुसी री खबरा रे लायक हुई सके। चाहे हांऊँ आई किन्हें तुस्सा जो देखूं, चाहे नी भी आऊँ, तुस्सा रे बारे मन्झ ये सुणूं कि, तुस्से एक ई इरादे ले, होर एक मन हुई किन्हें खुसी री खबरा रे विस्वासा रे कठे बड़ी मैहनत करहा ऐं।

फिलिप्पियो 1:5

इधी कठे कि, तुस्से पैहले ध्याड़े ले जेबे तुस्से खुसी री खबर पर विस्वास कितेया था ता आजा तक खुसी री खबर फैलाणे मन्झ मेरे साथी रहे।

फिलिप्पियो 1:7

तुस्सा रे बारे मन्झ मेरा एह्ड़ा सोचना ठीक ई आ; क्यूंकि तुस्से सभी रे कठे मेरे मना मन्झ बौह्त खास जगहा ई। होर ऐबे जेबे हांऊँ जेल्हा मन्झ आ, होर तेबे जेबे हांऊँ खुसी री खबरा रा बचाव करणे होर एसरी सच्चाई जो जाहिर करणे रे कठे अजाद था, इन्हा दुहीं हालता मन्झ तुस्से सभ मेरे साउगी परमेसरा रे अनुग्रह जो बांडा ऐं थे।

फिलिप्पियो 4:2

हांऊँ युओदिया बैहण होर सुन्तुखे बैहण दुंहीं ले अर्ज करहा कि प्रभु साउगी एक हूंणे री वजहा ले तुस्से एक दूजे किन्हें बैहस करणा छाडी देआ।

कुलुस्सियो 1:7

तुस्से आस्सा रे लाडले भाई होर सहकर्मी इपफ्रासा ले एसरे बारे मन्झ उपदेस सिखिरा। से आस्सा री वखा तुस्सा रे कठे मसीह रा सच्चा सेऊआदार आ।

प्रकासना री गल्ला 13:8

होर धरती रे सभ रैहणे वाले लोका तेसरी राक्सा री अराधना करणी, यानि स्यों सारे लोक जिन्हारे नांऊँ संसारा री सुर्हूआता ले लेई किन्हें छेलू री जिन्दगी री कताबा मन्झ नी लिखी गईरे। छेलू ई आ जो मारी दितिरा था।

प्रकासना री गल्ला 17:8

जो राक्स तैं देख्या, ये पैहले ता जिउंदा था, पर ऐबे जिउंदा नी आ। से डुगहे गड्ढे ले निकल्ने वाल़ा आ, होर परमेसरा तेसरा नास करी देणा। होर धरती रे रैहणे वाले जिन्हा लोका रे नांऊँ संसारा जो रचणे ले पैहले ले ही जिन्दगी री कताबा मन्झ नी लिखिरे, तिन्हा सभिया एस राक्सा जो दबारा जिउंदे देखी किन्हें हरान हूंणां।”

प्रकासना री गल्ला 20:12

फेरी मैं क्या छोटे बडे सभ मरिरे लोका तेस राजगद्दी रे साम्हणें खड़ीरे देख्या। स्यों लोक जो पाणी मन्झ डूबी किन्हें मरिरे थे, होर स्यों मरिरे जो कब्रा मन्झ पईरे थे, होर स्यों लोक जो पताल लोक मन्झ थे, जेथी मरिरे रैंहयां ऐं, स्यों सभ तेस राजगद्दी साम्हणें खड़ी गये। होर कताबे खोल्ही गई जेता मन्झ जिन्दगी री कताब भी थी, होर तेस कताबा मन्झ लिखिरे मताबक होर तिन्हारे कितिरे कामा रे मताबक सभ मरिरे लोका रा न्याय कितेया गया। तिन्हा सभीरा न्याय तिन्हारे कामा रे मताबक कितेया गया।

प्रकासना री गल्ला 21:27

होर तेस सैहरा मन्झ कोई असुद्ध चीज या दुस्ट काम करणे वाल़ा, या झूठ बोलणे वाल़ा, तेस मन्झ दाखल नी हुई पाणा। पर सिर्फ तिन्हा लोका ही दाखल हूंणा, जिन्हारा नांऊँ छेलू री जिन्दगी री कताबा मन्झ लिखिरे।

प्रकासना री गल्ला 3:5

जो लोक जीत हासिल करहे, तिन्हों इंहां ई चिटे कपड़े पैहनाए जाणे, होर मां तिन्हारा नांऊँ जिन्दगी री कताबा मन्झा ले कधी भी नी टाहणा। मां आपणे बापू होर तेसरे स्वर्गदूता रे साम्हणें ये बोलणा कि ये मेरे लोक ऐं।