फिलिप्पियो 4:19 - मंडयाली नंऊँआं नियम

¹⁹ होर मेरे बापू परमेसरा भी आपणे तेस धना रे मताबक जो महिमा समेत मसीह यीसू मन्झ ऐं, तुस्सा री हर एक ज्रूरत पूरी करी देणी।

फिलिप्पियो 4:19 Cross References

मत्ती 6:32

क्यूंकि होर सारे लोक इन्हा सभ चीजा जो तोप्दे रैंहयां ऐं, होर तुस्सा रा स्वर्गीय बापू जाणहां कि, तुस्सा जो केस चीजा री ज्रूरत ई।

यहून्ना 20:17

यीसूए तेस्सा किन्हें बोल्या, “मेरे पैरा किन्हें लिपटी किन्हें मुंजो मत रोक, क्यूंकि हांऊँ हल्ली बापू वाले नी गईरा। पर पैहले मेरे भाईया वाले जाई किन्हें तिन्हा जो बोली दे कि, ‘हांऊँ आपणे बापू होर परमेसर होर जो तुस्सा रा भी बापू होर परमेसरा वाले जाया करहा।’”

यहून्ना 20:27

तेबे यीसूए थोमा किन्हें बोल्या, “आपणी हाथ एथी ल्याई किन्हें मेरी पसली मन्झ पा होर सक नी कर पर विस्वास कर की हांऊँ जिउंदा हुई गईरा।”

रोमियो 1:8

सभी ले पैहले हांऊँ तुस्सा सभी रे कठे यीसू मसीहा रे ज्रीए आपणे परमेसरा रा धन्यावाद करहा, क्यूंकि संसारा रे कई जगहा मन्झ लोक एस गल्ला रे बारे मन्झ गलांण करेया करहा ऐं कि कियां तुस्से यीसू मसीह पर विस्वास कितिरा।

रोमियो 11:33

वाह! परमेसरा रा धन, बुद्धि होर ज्ञान सच्चे ई महान ऐं! तेसरे विचार जो कोई बयान नी करी सकदा, होर तेसरे पैंडे जो कोई नी समझी सकदा।

रोमियो 2:4

क्या तू परमेसरा री असीम कृपा, होर सैहनसीलता, होर सब्रा जो बेकार जाणहां? होर क्या तू ये नी समझ्दा कि, परमेसरा री कृपा तुजो पाप करणा छाडणा स्खाहीं?

रोमियो 8:18

मुंजो पक्का पता कि, जो एस टैम जो दुःख आस्से सहन करहे स्यों तेस महिमा रे साम्हणें कुछ भी नी ऐं, जो परमेसर आस्सा जो देणे वाल़ा आ।

रोमियो 9:23

होर से आपणी महान महिमा जो तिन्हा लोका पर जाहिर करणा चाहां था, जिन्हा पर तिन्हें दया किती, होर जो पैहले ले ही तेसरे महिमा मन्झ साझी हूंणे रे कठे चुणिरे थे।

2 कुरिन्थियो 12:21

केते एह्ड़ा नी हो जेबे हांऊँ दबारा वापस तुस्सा किन्हें मिलणे आऊँ मेरा परमेसर मुंजो बेज्जत करहे। होर मुंजो तिन्हा कईया रे कठे रोणा नी पई जाए, जिन्हें पैहले गंदे काम होर अपवित्रता, होर व्यभिचार, होर भोग विलास जेह्ड़े पाप कितिरे हो, होर तिन्हें पाप करणा नी छाडीरा हो।

2 कुरिन्थियो 4:17

क्यूंकि आस्सा री ऐबे री ये परेसानिया बौह्त छोटी होर स्यों लम्बे टैमा तक नी टिकणी। पर इन्हा परेसानिया री वजहा ले आस्सो जुग-जुग री महिमा मिलणी, जो तिन्हा सब चीज़ा ले बढ़ी किन्हें ई, जेसरे बारे मन्झ समझाणा नामुमकिन आ।

इफिसियो 1:18

हांऊँ ये भी प्रार्थना करहा कि परमेसर तुस्सा रे मना जो खोली दे, ताकि तुस्से इन्हा सच्चाई जो जाणी सको कि परमेसरे तुस्सा जो जेह्ड़ी आसा दितिरी से क्या ई, जेबे तिन्हें तुस्से सादिरे थे; होर से महान होर महिमामय आसीसे क्या ई जो परमेसरे आपणे पवित्र लोका जो देणे रा वादा कितिरा।

इफिसियो 1:7

यीसू रे मरणे रे ज्रीए परमेसरे आस्सा जो छुटकारा दितेया, यानि आस्सा रे पाप माफ करी दिते। परमेसरे आस्सो बौह्त ज्यादा अनुग्रह दितिरा, जो कितना महान आ। परमेसरे आपणे बौह्त ज्यादा ज्ञान होर समझ रे मताबक

इफिसियो 2:7

परमेसरे एह्ड़ा इधी कठे कितेया, ताकि आऊणें वाले टैमा मन्झ से संसारा रे लोका जो दसी सके कि तेसरा अनुग्रह कितना महान आ। आस्से जो मसीह यीसू साउगी एक ऐं, आस्सा रे कठे जो कुछ परमेसरे कितेया, ये अनुग्रह तिन्हें आस्सो दसेया।

इफिसियो 3:16

हांऊँ प्रार्थना करहा कि परमेसर आपणी महिमामय आसिसा रे मताबक, आपणी पवित्र आत्मा रे ज्रीए तुस्सा जो सामर्थ दे; ताकि तुस्सा रा अंदरला माह्णुं मजबूत हुई जाये,

इफिसियो 3:8

हालांकि परमेसरे रे पवित्र लोका मन्झा ले हांऊँ सभी ले छोटा आ। फेरी भी परमेसरे मेरे पर ये अनुग्रह कितेया कि हांऊँ गैर-यहूदी लोका जो ये खुसी री खबर सुणाई सकूं कि, मसीह ले मिलणे वाली आसीसे इतनी बडी कि तिन्हारा आस्से बखान नी करी सकदे।

फिलिप्पियो 4:7

तेबे सांति देणे वाले परमेसरा, जो माह्णुंआं री समझा ले बाहर आ, तुस्सा रे दिलो होर तुस्सा रे विचारा जो मसीह यीसू मन्झ सुरक्षित रखणा।

कुलुस्सियो 1:27

क्यूंकि परमेसर चाहां था कि तेसरे लोक ये जाणी ले कि मसीह रे धन होर महिमा तुस्सा गैर-यहूदी लोका रे कठे भी हाई। होर लुख्ही री गल येई कि मसीह तुस्सा मन्झ वास करहा। होर एता ले आस्सो येह हिम्मत मिली कि आस्सा तेसरी महिमा रे साझीदार हूंणा।

कुलुस्सियो 3:16

मसीह रा बचन तुस्सा रे दिला मन्झ ज्यादा ले ज्यादा बसी जाये, होर तुस्सा जो ज्ञान दे। एस बचना रे ज्रीए एक दूजे जो सखाऊआ होर चेतावनी देआ। आपणे-आपणे मना मन्झ धन्यावादा साउगी परमेसरा रे कठे भजन होर बड़ाई गान होर आत्मिक गीत गाऊआ।

1 थिस्सलुनकियो 2:12

कि तुस्सा एह्ड़ी जिन्दगी जिया जो परमेसरा जो खरी लगे, जो तुस्सा जो आपणे राज होर महिमा मन्झ साद्हा।

1 तिमिथियुस 6:17

एस संसार रे अमीर लोका जो ये आदेस दे कि, स्यों घमंडी नी बणे, होर स्यों धना पर भरोसा नी रखे, जो हमेसा रे कठे नी आ, पर परमेसरा पर ई भरोसा रखे जो आस्सा रे सुखा रे कठे सभ कुछ भरपूरी किन्हें देहां।

फिलेमोन 1:4

जेबे भी हांऊँ तुस्सा रे कठे प्रार्थना करहा ता हांऊँ हमेसा तुस्सा रे कठे परमेसरा रा धन्यावाद करहा।

1 पतरस 5:1

एक होर गल ई जो हांऊँ तुस्सा लोका किन्हें यानि कलीसिया रे अगुवे किन्हें बोलणा चाहां, क्यूंकि हांऊँ भी तिन्हा साहीं एक कलीसिया रा अगुवा। मैं आपु स्यों दुःख देखिरे जो मसीहे बौह्त पैहले काटीरे। जेबे तेस दबारा वापस आऊंणा मां तेसरी महिमा रा भी साझीदार बणना। तुस्सा साहीं अगुवा हूंणे रे नाते हांऊँ तुस्सा किन्हें अर्ज करहा,

1 पतरस 5:10

होर ऐबे परमेसर जो अनुग्रहा ले भरिरा आ, होर जिन्हें यीसू मसीह साउगी जुड़े रैहणे री वजहा ले आस्सा जो स्वर्गा मन्झ आपणी अनंत महिमा मन्झ साझी हूंणे रे कठे सादीरा, तुस्सा रे थोह्ड़ी देरा तक दुःख उठाणे ले बाद तेस आपु ई तुस्से खरे बनाणे, ताकि तुस्सा मन्झ कोई गलती नी हो होर तेस तुस्सा रे दिल मजबूत करणे, होर तेस तुस्से सामर्थी बणाई देणे ताकि तुस्सा रा विस्वास कमजोर नी हो।