फिलिप्पियो 4:13 - मंडयाली नंऊँआं नियम

¹³ मसीह रे ज्रीए जो मुंजो सक्ति देहां तेता मन्झ हांऊँ सभ कुछ करी सक्हा।

फिलिप्पियो 4:13 Cross References

मत्ती 14:29

यीसूए बोल्या, “आऊ!” तेबे पतरस किस्ती ले उतरी किन्हें यीसू वाले जाणे रे कठे पाणी पर चल्दा लग्या।

यहून्ना 15:7

अगर तुस्से मेरे मन्झ वास करहा ऐं, होर मेरा बचन तुस्सा मन्झ वास करहा, ता तुस्से जो चाहे मांगा होर से तुस्सा रे कठे हुई जाणा।

इफिसियो 3:16

हांऊँ प्रार्थना करहा कि परमेसर आपणी महिमामय आसिसा रे मताबक, आपणी पवित्र आत्मा रे ज्रीए तुस्सा जो सामर्थ दे; ताकि तुस्सा रा अंदरला माह्णुं मजबूत हुई जाये,

इफिसियो 6:10

होर आखरी मन्झ हांऊँ ये लिखणा चाहां कि, प्रभु ले होर तेसरी महान सामर्था ले ताकत पाई किन्हें आत्मिक रूपा ले मजबूत बणा।

कुलुस्सियो 1:11

हांऊँ प्रार्थना करहा कि परमेसर आपणी महिमा री सक्ति रे मताबक तुस्से सभ किस्मा री सामर्था ले मजबूत करहे। ताकि जेबे तुस्से परेसानिया जो सहे तेबे हर तरहा ले धीरज होर सबर दसी सको। होर खुसी किन्हें भरी जाऊआ।

1 तिमिथियुस 1:12

होर हांऊँ, आस्सा रे प्रभु यीसू मसीह रा धन्यावाद करहा, जिन्हें मुंजो सामर्थ दिती; कि तिन्हें मुंजो भरोसे लायक समझी किन्हें आपणी सेऊआ रे कठे नियुक्त कितेया।