फिलिप्पियो 4:10 - मंडयाली नंऊँआं नियम

¹⁰ हांऊँ प्रभु मन्झ बौह्त खुस आ कि, तुस्से इतने ध्याड़े ले बाद मुंजो मदद रे रूपा मन्झ पैसे भेजी किन्हें दबारा याद कितेया। पक्का तुस्से सुर्हू ले ही एह्ड़ा करणा चांहे थे, पर तुस्सा जो मौका नी मिल्या।

फिलिप्पियो 4:10 Cross References

2 कुरिन्थियो 11:9

होर जेबे हांऊँ तुस्सा साउगी था, होर मुंजो पैसे री कमी हुई, ता मैं केसी पर भार नी पाया, क्यूंकि विस्वासी लोके, मकीदुनिया ईलाके ले आई किन्हें मेरी कमी पूरी किती। होर मैं केसी गल्ला मन्झ आपणे आपा जो तुस्सा पर बोझ नी बणने दितेया, होर ना आगे बणने देणा।

2 कुरिन्थियो 6:7

आस्से सच्चाई री खबर सुणाई, होर परमेसरा री सामर्थे आस्सा मन्झ काम कितेया। आस्से सीधे हाथा ले हमला करणे रे कठे होर पूठे हाथा ले बचाव करणे रे कठे धार्मिकता रे हथियारा रा इस्तेमाल करहे। इन्हा सभ गल्ला ले पता लगां कि आस्से परमेसरा रे सेऊआदार ऐं।

गलातियो 6:10

इधी कठे जेबे भी आस्सो मौका मिले, आस्से सभी लोका रा भला करहे; खास करी किन्हें विस्वासी भाईया रा।

गलातियो 6:6

जिन्हा लोका जो परमेसरा रा बचना सखाई जाहाँ, तेस जो आपणे स्खाणे वाले साउगी आपणा सभ कुछ (पैसा या खाणा) साझा करहे।

फिलिप्पियो 1:1

हांऊँ पौलुस, तिमिथियुस साउगी ये चिठ्ठी लिखी करहा, होर आस्से यीसू मसीह रे सेऊआदार ऐं। हांऊँ ये चिठ्ठी फिलिप्पी सैहरा मन्झ रैहणे वाले परमेसरा रे पवित्र लोका रे कठे होर कलीसिया रे अगुवे होर सेऊआदारा रे नांऊँ लिख्या करहा।

फिलिप्पियो 1:3

हांऊँ जेबे-जेबे तुस्सा जो याद करहा, तेबे-तेबे हांऊँ आपणे परमेसर रा धन्यावाद करहा।

फिलिप्पियो 2:30

क्यूंकि तिन्हें मसीह रे कामा रे कठे आपणे जिन्दगी जो खतरे मन्झ पाई दितिरा था तेबे भी मरदे-मरदे बची गया, ताकि से तिन्हा गल्ला मन्झ मेरी मदद करहे जेस जो तुस्से मेरे कठे नी करी सके क्यूंकि तुस्से मेरे ले दूर ऐं।