फिलिप्पियो 4:1 - मंडयाली नंऊँआं नियम

¹ इधी कठे हे लाडले भाईयो होर बैहणो, हांऊँ तुस्सा किन्हें प्यार रखा होर मुंजो तुस्सा लोका किन्हें मिलणे री बढ़ी इच्छा ई। तुस्से लोक मेरे खुसी होर मेरे ताज ऐं, होर तुस्से प्रभु पर आपणे विस्वासा मन्झ मजबूत बणी रहा।

फिलिप्पियो 4:1 Cross References

मत्ती 10:22

होर तुस्से मेरे पर विस्वास रख्हा इधी कठे सभी लोका तुस्सा किन्हें बैर करणा; पर जो मरणे रे टैमा तक मेरे पर विस्वास करघा, तेसरा ई उद्धार हूंणां।

यहून्ना 8:31

तेबे यीसूए तिन्हा यहूदी लोका किन्हें जिन्हे जे तेस पर विस्वास कितिरा था बोल्या, “अगर तुस्से आपणी जिन्दगी मेरे बचना रे मताबक जिन्घे ता तेभे तुस्सा मेरे सच्चे चेले बणना।

चुणिरे चेले रे काम 11:23

से तेथी पूजी किन्हें, होर परमेसरा रे अनुग्रह जो देखी किन्हें खुस हुएया; होर सभी जो उपदेस दितेया कि तन मन ल्गाई किन्हें प्रभु मन्झ बणी रहो।

चुणिरे चेले रे काम 14:22

होर हर गांऊँआं रे चेले रे मना जो मजबूत करदे रैहे होर ये उपदेस देंदे रैहे कि, “आस्सा जो बडे दुःख सही किन्हें परमेसरा रे राजा मन्झ दाखल करणा पऊणा।”

चुणिरे चेले रे काम 2:42

होर स्यों चुणिरे चेलेया ले उपदेस पाणे, होर एक दूजे किन्हें संगती करणे, होर प्रभु भोज लेणे होर प्रार्थना करणे मन्झ व्यस्त रहे।

रोमियो 2:7

जो लोक खरे कामा जो करदे हुए परमेसरा री वखा ले मिलणे वाली महिमा, आदर होर कधी ना खत्म हूंणे वाली जिन्दगी री तोपा मन्झ रैंहयां ऐं, परमेसरा तिन्हा सभी जो अनंत जिन्दगी देणी।

1 कुरिन्थियो 15:58

इधी कठे हे मेरे प्यारे भाईयो होर बैहणो, आपणे विस्वासा मन्झ मजबूत रैहया, कोई तुस्सा जो नी भड़काए, होर प्रभु रे कामा मन्झ हमेसा बढ़दे जाऊआ, क्यूंकि तुस्से जाणहां ऐं कि, तुस्से प्रभु रे कठे मैहनत करहे, से बेकार नी ई।

1 कुरिन्थियो 16:13

चतन्न रहुआ, तुस्से विस्वासा मन्झ मजबूत बणी रहुआ, होर साहसी बणा।

गलातियो 5:1

मसीहे आस्सा जो अजाद कितिरा, ताकि आस्से मूसा री व्यवस्था जो मनणे ले मुक्त हुई जाये। इधी कठे आपणी अजादी मन्झ मजबूत बणी रैहया, दबारा आपणे आपा जो व्यवस्था जो मनणे रे कठे गुलाम मत बनाऊआ।

फिलिप्पियो 1:27

बस इतना करा कि तुस्सा री जिन्दगी मसीह रे खुसी री खबरा रे लायक हुई सके। चाहे हांऊँ आई किन्हें तुस्सा जो देखूं, चाहे नी भी आऊँ, तुस्सा रे बारे मन्झ ये सुणूं कि, तुस्से एक ई इरादे ले, होर एक मन हुई किन्हें खुसी री खबरा रे विस्वासा रे कठे बड़ी मैहनत करहा ऐं।

फिलिप्पियो 1:8

क्यूंकि परमेसर मेरा गुआह आ; कि हांऊँ मसीह यीसू रे प्यारा साहीं तुस्सा सभी जो देखणे कितना चाहां।

फिलिप्पियो 2:16

जिन्दगी रे बचना जो मजबूती किन्हें पकड़ी रखा ताकि मसीह रे दबारा वापस आऊणें रे ध्याड़े मुंजो एस गल्ला रा बडयाई हो कि, मेरी जिन्दगी री भाग दोड़ होर मेरी मैहनत बेकार नी हुई।

फिलिप्पियो 2:26

क्यूंकि तेस जो तुस्सा सभी किन्हें मिलणे रा बड़ा मन आ। से बेचैन हुईरा क्यूंकि तुस्सा लोका जो तेसरे ब्मार हूंणे रा पता लगी गईरा।

कुलुस्सियो 4:12

इपफ्रासा रा भी तुस्सा जो नमस्कार, से भी तुस्सा रे गांऊँआं ले आ। से मसीह यीसू रा सेऊआदार आ, होर हमेसा तुस्सा रे कठे दिला किन्हें प्रार्थना करहा, ताकि परमेसर तुस्सा जो मजबूत होर सिद्ध बणाए, होर एस गल्ला रा पूरा भरोसा दे कि तुस्से पुरे मना ले परमेसरा री इच्छा पर चले।

1 थिस्सलुनकियो 3:13

आस्से ये भी प्रार्थना करहे कि प्रभु यीसू मसीह तुस्सा रे मना जो एह्ड़ा मजबूत करहे कि, जेबे आस्सा रे प्रभु यीसू आपणे सभ परमेसरा रे पवित्र लोका साउगी वापस आये, ता स्यों आस्सा रे बापू परमेसरा रे साम्हणें पवित्रता मन्झ बेकसूर बणें।

2 थिस्सलुनकियो 2:15

इधी कठे, हे भाईयो होर बैहणो, मजबूत बणी रैहया होर जो उपदेस आस्से तुस्सा जो तेथी रही किन्हें सखाया, होर जो गल्ला आस्से तुस्सा जो चिठ्ठी रे ज्रीए सखाई, तिन्हा उपदेसा पर तुस्से लगातार आपणा विस्वास बणाई रखा।

2 तिमिथियुस 2:1

इधी कठे हे मेरे मह्ठे तिमिथियुस, तू ये जाणी किन्हें आपणे आपा जो मजबूत कर कि, परमेसरे तुजो से अनुग्रह दितिरा, जो आस्सा रे मसीह यीसू साउगी एक हूंणे ले वजहा ले मिला।

इब्रानियो 10:23

आस्से आपणी आसा रे बारे मन्झ गुआही देणे रे कठे मजबूत होर टिकीरे रहे, क्यूंकि परमेसरे आस्सा किन्हें वादा कितिरा, होर से भरोसे रे लायक आ।

इब्रानियो 3:14

जो विस्वास आस्सा रा मसीह जो अपनाणे टैमा मन्झ था, अगर आखरी ध्याड़े तक हिम्मता साउगी आस्से आपणे तेस विस्वासा मन्झ बणी रैहन्गे, ता तेबे आस्सा मसीह साउगी साझी बणी जाणा।

इब्रानियो 4:14

परमेसरा रा मह्ठा यीसू, जो आस्सा सभीरा बडा याजक आ, स्वर्गा मन्झ परमेसरा वाले चली गया। इधी कठे जेस विस्वासा रा अंगीकार आस्से सभी रे साम्हणें कितिरा था, एता जो नी छाडी किन्हें आस्से मजबूत किन्हें खड़ीरे रहे।

2 पतरस 3:17

हे लाडले भाईयो होर बैहणो, तुस्से लोक पैहले ले ई जाणहां ऐं कि युयां गल्ला हूणीं। इधी कठे चतन्न रैहया, परमेसरा री व्यवस्था जो नी मनणे वाले लोक तुस्सा जो झूठ बोली किन्हें नी भड़काए, एह्ड़ा करी किन्हें तुस्सा सच्ची गल्ला पर विस्वास करणा छाडी देणा, जिन्हा गल्ला पर तुस्से पैहले विस्वास कितिरा था।