फिलिप्पियो 3:9 - मंडयाली नंऊँआं नियम

⁹ होर हांऊँ तेस साउगी एक हुई किन्हें जीऊ। परमेसरे मुंजो आपणी नजरा मन्झ धर्मी इधी कठे नी बणाया कि मैं मूसा री व्यवस्था रा पालन कितिरा, पर मसीह पर विस्वास करणे री वजहा ले ही परमेसरे हांऊँ आपणी नजरा मन्झ धर्मी माह्णुं बणाया।

फिलिप्पियो 3:9 Cross References

मत्ती 9:13

इधी कठे तुस्से जाई किन्हें एता रा मतलब सीखी लऊआ कि, हांऊँ बलिदान नी पर अनुग्रह चाहां; क्यूंकि जो आपणे आपा जो धर्मी सोच्हा ऐं तिन्हा जो मेरी ज्रूरत नी ई, पर तिन्हा जो मेरी जरूरत ई स्यों जे आपणे आपा जो पापी मन्हां ऐं।”

रोमियो 1:17

क्यूंकि खुसी री खबरा एस गल्ला जो जाहिर करी कि परमेसरे आस्से आपणी नजरा मन्झ धर्मी माह्णुं बणाये, जो सुर्हू ले लेई किन्हें आखरी तक विस्वासा पर टिकीरी; जिहां पवित्र सास्त्रा मन्झ भी लिखिरा कि, “परमेसरे जेस जो आपणी नजरा मन्झ धर्मी माह्णुं बणाया, तेस विस्वासा ले ही जिउंदे रैंह्णां।”

रोमियो 10:10

होर आस्से आपणे मना ले विस्वास करहे, होर इधी कठे ही परमेसरे आस्सो आपणी नजरा मन्झ धर्मी माह्णुं बणाया। आस्से ये अंगीकार करहे होर मसीह पर विस्वास करहे, इधी कठे आस्सा रा उद्धार हुणा।

रोमियो 16:7

अन्द्रुनिकुस भाई होर युनियास बैहण जो भी मेरा नमस्कार जो यहूदी लोक ऐे, होर मेरे साउगी जेल्हा मन्झ थे। इन्हों चुणिरे चेले बौह्त इज्जत देहें, क्यूंकि स्यों मेरे ले पैहले मसीह विस्वासी बणी गईरे थे।

रोमियो 5:21

परमेसरे ये इधी कठे कितेया क्यूंकि लोक पाप करी किन्हें मरदे लगिरे थे, पर यीसू मसीह रे ज्रीए परमेसरा रा अनुग्रह तिन्हो तेसरी नजरा मन्झ धर्मी माह्णुं बणा होर अनंत जिन्दगी देआ।

रोमियो 8:1

इधी कठे ऐबे जो मसीह यीसू मन्झ विस्वास करहे, तिन्हा पर सजा रा हुक्म नी आ।

रोमियो 8:3

मूसा री व्यवस्था आस्सो नी बचाई सकदी, क्यूंकि पापा रा स्वभाव व्यवस्था जो कमजोर बणा। पर परमेसरे आपणे मह्ठे जो आस्सा पापी लोका री समानता मन्झ एस संसारा मन्झ भेजी किन्हें होर आस्सा रे पापा रे कठे बलिदान करी किन्हें तिन्हें आस्से बचाई दिते। परमेसरे मसीह रे सरीर मन्झ पापा री सजा रा हुक्म देई दितेया।

1 कुरिन्थियो 1:30

पर परमेसरे तुस्सा जो मसीह यीसू साउगी एक कितिरा होर मसीह रे ज्रीए से आस्सो आपणा ज्ञान देआ। होर परमेसर आस्सा जो आपणी नजरा मन्झ धर्मी भी बणा। मसीह रे ज्रीए आस्से पवित्र कितिरे होर से आस्सो आस्सा रे पापा ले अजाद करहा।

2 कुरिन्थियो 5:17

इधी कठे अगर कोई मसीह पर विस्वास करहा, ता से नौंईं सृस्टी ई। पुराणी गल्ला बीती गई; होर स्यों सभ गल्ला नौंईं हुई गईरी।

2 कुरिन्थियो 5:21

मसीह जो पापा ले अनजाण था, तेस जो ही परमेसरे आस्सा रे कठे पापी बणाया, ताकि आस्से परमेसरा री नजरा मन्झ धर्मी माह्णुं बणी जाये, क्यूंकि मसीहे आस्सा रे पापा री सजा जो आपणे गास लेई लितिरा।

गलातियो 2:16

आस्से यहूदी विस्वासी लोक जाणांहे कि माह्णुं मूसा री व्यवस्था जो मनणे ले परमेसरा री नजरा मन्झ धर्मी नी बणदा, पर सिर्फ यीसू मसीह पर विस्वास करणे ले ही परमेसरा री नजरा मन्झ धर्मी बणहां। इधी कठे आस्से आपु भी मसीह यीसू पर विस्वास कितेया कि, आस्से मूसा री व्यवस्था जो मनणे ले नी पर यीसू मसीह पर विस्वास करणे ले परमेसरा री नजरा मन्झ धर्मी बणी जाये। क्यूंकि व्यवस्था जो मनणे ले कोई भी माह्णुं परमेसरा री नजरा मन्झ धर्मी नी बणना।

फिलिप्पियो 3:6

जेथी तक मेरे जोसा रा सुआल आ, ता हांऊँ कलीसिया जो सताणे वाल़ा; होर यहूदी बिधियो जो मनणे मन्झ धार्मिक माह्णुं था, क्यूंकि हांऊँ सारी बिधियो जो मना था।

2 तिमिथियुस 1:9

परमेसरे ही आस्सा रा उद्धार कितेया, होर आस्से पवित्र जिन्दगी जीणे रे कठे सादे; होर तिन्हें आस्से आस्सा रे भले कामा री वजहा ले नी पर आपणी योजना रे मताबक सादेया। परमेसरे एस संसारा जो रचणे ले पैहले ही तय करी लितिरा था कि यीसू मसीह जो एस संसारा मन्झ भेजी किन्हें आस्सा पर आपणा ये अनुग्रह दसणा।

तितुस 3:5

तिन्हें आस्सा जो आस्सा री पापा री सजा ले बचाया; होर ये आस्सा रे धर्मा रे कामा री वजहा ले नी आ, पर इधी कठे कि तिन्हें आस्सा पर दया कितिरी। पवित्र आत्मा देई किन्हें तिन्हें आस्से बचाए, जिन्हें आस्सा रे पापा जो धोई किन्हें आस्सो एक नौंईं जिन्दगी दिती, होर जीणे रा एक नंऊँआं रस्ता दसेया।

इब्रानियो 6:18

ता एथी फेरी दो गल्ला ई एक तेसरी वाचा होर दूजी तेसरी कसम जो कधी नी बधली सक्दी होर जिन्हारे बारे मन्झ परमेसर कधी झूठ नी बोली सकदा। इधी कठे आस्से परमेसरे वाले बचणे रे कठे आईरे होर जो आस तिन्हें आस्सो दितिरी, से पकड़ीरी, होर बौह्त ज्यादा उत्साही ई।

याकूब 3:2

आस्से सभ बौह्त बारी भूल करी बैठ्हा ऐं; पर जो कोई बोलणे मन्झ कधी भी भूल नी करदा, सेई ता सिद्ध माह्णुंआं, होर तेस ही आपणे सारे कामा जो काबू मन्झ रखी सक्हा।

2 पतरस 1:1

हांऊँ समौन पतरस तुस्सा रे कठे ये चिठ्ठी लिखी करहा। हांऊँ यीसू मसीह रा सेऊआदार होर चुणिरा चेला आ। हांऊँ ये चिठ्ठी तुस्सा सभी रे कठे लिखी करहा, जो आस्सा साहीं तेस कीमती विस्वास रा साझा करहे, जो आस्सा जो आस्सा रे परमेसर होर उद्धारकर्ता यीसू मसीहे दितिरा। से आस्सो परमेसरा री नजरा मन्झ धर्मी बणा।

1 यहून्ना 3:4

कोई अगर बार-बार पाप करदा रहे, से मूसा री व्यवस्था रा वरोध करहा; होर व्यवस्था री गल्ला जो नी मनणा, पाप आ।