फिलिप्पियो 3:6 - मंडयाली नंऊँआं नियम

⁶ जेथी तक मेरे जोसा रा सुआल आ, ता हांऊँ कलीसिया जो सताणे वाल़ा; होर यहूदी बिधियो जो मनणे मन्झ धार्मिक माह्णुं था, क्यूंकि हांऊँ सारी बिधियो जो मना था।

फिलिप्पियो 3:6 Cross References

मत्ती 23:25

“हे पाखंडी व्यवस्था स्खाणे वाल़े, होर फरीसी लोको, तुस्सा जो बौह्त सजा मिलणी! तुस्से तिन्हा भांडेया साहीं ऐ, जो बाहरा ले साफ होर अंदरा ले गंदे। तुस्से लोका साम्हणें आपणे आपा जो ता धर्मी दस्हा ऐं, पर तुस्सा रा मन न्ह्यारे मन्झ आ, होर आपणे आपु पर काबू नी रखदे।

मत्ती 5:20

क्यूंकि हांऊँ तुस्सा किन्हें बोल्हा कि, जेबे तक तुस्सा री धार्मिकता व्यवस्था स्खाणे वाल़े होर फरीसी लोका री धार्मिकता ले खरी नी हो तेबे तक तुस्सा कधी भी स्वर्गा रे राजा मन्झ नी पूजणा।

लूका 1:6

होर स्यों दुहें परमेसरा रे साम्हणें धर्मी थे, होर प्रभु रे सारे हुक्मा होर बिधिया पर खराई किन्हें चलणे वाल़े थे।

चुणिरे चेले रे काम 21:20

तिन्हें ये सुणी किन्हें परमेसरा री महिमा किती, फेरी तेस किन्हें बोल्या, “हे भाई, तू जाणहां कि, यहूदी लोका मन्झा ले कई हजार लोके विस्वास कितेया; होर सभ मूसा री व्यवस्था जो बड़े वफादारी किन्हें मनाएं।

चुणिरे चेले रे काम 22:5

एस गल्ला रे कठे बडे याजक होर सभ यहूदी मुखिये गुआह ऐं; कि तिन्हा मन्झा ले हांऊँ भाईया रे नांऊँआं पर चिठिया लई किन्हें दमिस्क सैहरा जो जाया करहा था कि, तेथी एस मता जो मन्नणे वाले जो भी हो तिन्हा जो बंदी बणाई किन्हें यरुस्लेम सैहरा मन्झ ल्याऊं ताकि तिन्हा जो सजा दिलवाई सकूं।”

चुणिरे चेले रे काम 26:5

स्यों मुंजो बचपना ले जाणहां ऐं होर अगर स्यों चाहे ता एस गल्ला री गुआही देई सक्हा ऐं कि, मैं एक फरीसी लोका मन्झा ले एक हुई किन्हें आपणे धर्मा रे सभी ले खरे पन्था रे मताबक चल्या।

चुणिरे चेले रे काम 8:3

पर साऊले कलीसिया जो सताणा सुर्हू कितेया; होर घरा मन्झ घुसी किन्हें विस्वासी भाई होर बैहणा जो घसीटी किन्हें जेल्हा मन्झ पाहां था।

रोमियो 7:9

एक टैम था जेबे हांऊँ बगैर मूसा री व्यवस्था जाणे जिया था, पर जेबे हांऊँ व्यवस्था जो जाणी गया, ता पाप मेरे पर असर करदा लगेया, होर एता ले एह्ड़ा लगेया कि हांऊँ मरी गया।

1 कुरिन्थियो 10:32

हांऊँ जो कुछ भी करहा, तेता मन्झ सभी जो खुस रखणे री कोसिस करहा; हांऊँ आपणी भलाई नी सोचदा पर सभी री भलाई सोचा ताकि सब बची सको। इधी कठे तुस्से भी एस तरीके किन्हें जीया कि तुस्से यहूदी लोका रे कठे, या गैर-यहूदी लोका रे कठे, या परमेसरा री कलीसिया रे लोका रे कठे कोई भी परेसानी खड़ी नी करी सको, जेता ले स्यों मसीह पर विस्वास करणा छाडी दे।

1 कुरिन्थियो 15:9

क्यूंकि हांऊँ चुणिरे चेले मन्झ सभी ले कम खास आ, बल्की चुणिरा चेला बणने रे लायक भी नी आ, क्यूंकि मैं परमेसरा री कलीसिया रे लोक स्ताईरे थे।

फिलिप्पियो 2:15

ताकि तुस्से बेकसूर होर भोले हुई किन्हें संसारा रे टेढ़े होर ढीठ लोका रे बीचा मन्झ परमेसरा रे सिद्ध बच्चे बणी किन्हें रैहया। एस संसारा रे लोका रे बीचा मन्झ आसमाना रे तारे साहीं चमकदे हुए तिन्हो परमेसरा रा बचन सुणाऊआ जो तिन्हो अनंत जिन्दगी देआ।

फिलिप्पियो 3:9

होर हांऊँ तेस साउगी एक हुई किन्हें जीऊ। परमेसरे मुंजो आपणी नजरा मन्झ धर्मी इधी कठे नी बणाया कि मैं मूसा री व्यवस्था रा पालन कितिरा, पर मसीह पर विस्वास करणे री वजहा ले ही परमेसरे हांऊँ आपणी नजरा मन्झ धर्मी माह्णुं बणाया।

1 तिमिथियुस 1:13

मसीह पर विस्वास करणे ले पैहले ता हांऊँ मसीह री निंदा करणे वाल़ा, होर विस्वासी लोका जो स्ताणे वाल़ा, होर निर्दयी था। क्यूंकि मैं हाल्ले तक विस्वासा नी कितिरा था, इधी कठे हांऊँ नी जाणदा था कि जो हांऊँ करहा था से गलत आ। होर एस वजहा ले मसीहे मेरे पर दया किती।