फिलिप्पियो 3:5 - मंडयाली नंऊँआं नियम

⁵ परमेसरा रे हुकमा रे मताबक आठुऐ ध्याड़े मेरा खतना हुआ, इस्राएल देसा रे बंस, होर बिन्यामिना रे गोत्रा रा आ; मेरे बापदादे भी इब्रानी थे, इधी कठे हांऊ भी एक इब्रानी आ; होर एक फरीसी हुंदे हुए मै मूसा री व्यवस्था पूरा पालन कितिरा।

फिलिप्पियो 3:5 Cross References

लूका 1:59

होर आठुऐ ध्याड़े एलीसिबा होर जकरयाह जेबे बच्चे रा खतना कुरांदे आये। होर तेसरा नांऊँ तेसरे बापू रे नांऊँआं पर जकर्याह रख्दे लगे।

लूका 2:21

जेबे तेस बच्चे रे जम्मिरे रे आठ ध्याड़े पुरे हुई गये, ता तेसरा खतना कितेया। होर तेसरा नांऊँ यीसू रख्या, तेसा जो ये नांऊँ तेसरे गर्भा मन्झ आऊणें ले पैहले ई स्वर्गदूता रे ज्रीए देई दितिरा था।

लूका 5:38

पर नंऊँआं अंगूरा रा रस नौंईं चामड़े रे थैलूया मन्झ भरणा चहिए।

चुणिरे चेले रे काम 22:3

“हांऊँ एक यहूदिया ईलाके रा माह्णुंआं किलकिया ईलाके रे तरसुस सैहरा मन्झ मेरा जन्म हुएया होर हांऊँ एस ई सैहरा मन्झ पली बढ़ी किन्हें बड़ा हुएया, एस सैहरा मन्झ गमलीएला रे पैरा वाले बैठी किन्हें मेरी पढ़ाई लिखाई हुई, होर बापदादे री मूसा री व्यवस्था ठीक तरीके किन्हें सखाई गई, होर परमेसरा रे कठे बौह्त जादा उत्साही था जेह्ड़े तुस्से भी आज उत्साही ऐं।

चुणिरे चेले रे काम 23:6

तेबे पौलुसा जो ये पता चल्या कि तिन्हा मन्झा ले आधे सदूकी लोके ऐं, होर आधे फरीसी लोक ऐं, ता माहसभा मन्झ तिन्हें जोरा किन्हें बोल्या, “हे भाईयो, हांऊँ फरीसी आ, होर फरीसी खानदाना रा आ, पर ये मुकद्दमा मेरे पर इधी कठे चल्या करहा क्यूंकि हांऊँ आसा करहा की परमेसरा लोका जो मरिरे मन्झा ले जिउंदे करणे।”

चुणिरे चेले रे काम 6:1

तिन्हा ध्याड़े जेबे चेलेया री गिणती बौह्त बढ़दी लगी, ता यूनानी भासा बोलणे वाल़े यहूदी चेले, इब्रानी भासा बोलणे वाल़े यहूदी चेलेया पर बड़बड़ करदे लगे कि, हर रोज जेबे खाणा बांडया जाहाँ, तेबे आस्सा री विधवा रा ख्याल नी रख्या जांदा।

रोमियो 11:1

इधी कठे हांऊँ पूछा, क्या परमेसरे आपणी प्रजा जो छाडी दितेया? नी कधी नी; हांऊँ भी ता इस्राएल देसा रा आ: अब्राहमा रे बंस होर बिन्यामिना रे गोत्रा मन्झा ले आ।

2 कुरिन्थियो 11:22

क्या स्यों ईं इब्रानी भासा बोलणे वाल़े? हांऊँ भी इब्रानी आ। क्या स्यों इस्राएल देसा रे लोक ये? हांऊँ भी आ; क्या स्यों अब्राहमा रे बंसा रे ऐं? हांऊँ भी आ।