फिलिप्पियो 3:20 - मंडयाली नंऊँआं नियम

²⁰ पर आस्सा रा आपणा देस स्वर्गा मन्झ आ होर सच्चे आस्सा रा घर एस संसारा मन्झ नी आ। होर तेथी ले आस्से आपणे उद्धार करणे वाले प्रभु यीसू मसीह रे आऊणें रा इंतजार करेया करहा ऐं।

फिलिप्पियो 3:20 Cross References

मत्ती 19:21

यीसूए तेस किन्हें बोल्या, “अगर तू सिद्ध हूंणां चाहां; ता जा, आपणा सभ कुछ बेची किन्हें गरीबा जो बांडी दे, होर आई किन्हें मेरा चेला बण, तेबे तूजो स्वर्गा मन्झ धन मिलणा।”

लूका 12:21

एह्ड़ा ई तेस माह्णुं किन्हें भी हूंणा जो आपणे कठे सभ कुछ कठा करहा, पर परमेसरा री नजरा मन्झ अमीर नी आ।”

लूका 14:14

तेबे तुध धन्य हूंणां, क्यूंकि तिन्हा वाले बदले मन्झ तुजो देणे रे कठे कुछ नी आ, पर परमेसरा एता रा इनाम तुजो तेबे देणा जेबे धर्मी लोका मरिरे मन्झ ले जी उठणा।”

चुणिरे चेले रे काम 1:11

होर बोल्दे लगे, हे गलील जिल्ले रे माह्णुंओ, तुस्से खड़ी किन्हें आसमाना वखा किधियो देख्या करहा ऐं? यीसू जो परमेसरे तुस्सा रे बिचा ले स्वर्गा वखा जो चक्की लईरा। जेस तरीके किन्हें तुस्से से स्वर्गा वखा जो जांदा देख्या, तिहां ईं तुस्सा दबारा वापस आऊंदे देखणा।

1 कुरिन्थियो 1:7

होर इधी कठे कि जेबे तुस्से यीसू मसीह रे दबारा वापस आऊणें रा इंतजार करदे लगिरे, परमेसरे से सब आत्मिक बरदान तुस्सा जो देई दितिरे, जेह्ड़ा पवित्र आत्मा सब विस्वासी लोका जो देआ।

1 कुरिन्थियो 15:48

संसारा रे लोक पैहला माह्णुं आदमा साहीं ऐं जो माटे रा बणीरा था, पर जो स्वर्गा रे लोक ऐे, स्यों स्वर्गा ले आईरे माह्णुं यानि मसीह साहीं ऐं।

2 कुरिन्थियो 4:18

होर आस्से ता देखिरी चीजा जो नी बल्की अनदेखी चीजा जो देखदे रैंहयां ऐं, क्यूंकि देखीरी चीजा थोड़े ई ध्याड़े री ई, पर अनदेखी चीजा सदा बणीं रहीं।

2 कुरिन्थियो 5:8

इधी कठे आस्से हिम्मत रख्हा ऐं, होर मरणे रे बाद एस सरीरा जो छाडी किन्हें प्रभु साउगी रैंह्णां होर भी खरा समझ्हा ऐं।

गलातियो 4:26

पर स्वर्गीय यरुस्लेम अब्राहमा री लाड़ी सारा साहीं आ, होर तेस्सा रे बच्चे गुलाम मन्झ नी ऐं, होर आस्सा विस्वास करणे वाले लोका रे कठे ये यरुस्लेम माऊआ साहीं आ।

इफिसियो 2:19

इधी कठे ऐबे तुस्से गैर-यहूदी लोक परदेसी होर मूसाफर नी रहे, पर परमेसरा रे पवित्र लोका साउगी संगी स्वदेसी होर परमेसरा रे परिवारा रे सदस्य हुई गईरे।

इफिसियो 2:6

मसीह यीसू साउगी एक हूंणे री वजहा ले परमेसरे आस्से मरिरे मन्झ ले जिउंदे किते, होर स्वर्गीय स्थाना मन्झ तेस साउगी बैठाया।

फिलिप्पियो 1:10

ताकि तुस्से खरी गल्ला जो चुणी सको होर मसीह रे दबारा वापस आऊणें रे ध्याड़े तक हर बुरी गल्ला ले दूर होर बेकसूर बणी किन्हें रैंहयां।

फिलिप्पियो 1:27

बस इतना करा कि तुस्सा री जिन्दगी मसीह रे खुसी री खबरा रे लायक हुई सके। चाहे हांऊँ आई किन्हें तुस्सा जो देखूं, चाहे नी भी आऊँ, तुस्सा रे बारे मन्झ ये सुणूं कि, तुस्से एक ई इरादे ले, होर एक मन हुई किन्हें खुसी री खबरा रे विस्वासा रे कठे बड़ी मैहनत करहा ऐं।

कुलुस्सियो 1:5

तुस्सा रा ये प्यार होर विस्वास तेस आसा री वजहा ले आ, जो तुस्सा रे कठे स्वर्गा मन्झ रखिरा। तुस्से एस आसा रे बारे मन्झ पैहली बारी तेबे सुणेया जेबे तुस्से खुसी री खबरा री सच्चाई पर विस्वास कितिरा था।

1 थिस्सलुनकियो 1:10

होर तेसरे मह्ठे यीसू रा स्वर्गा ले वापस आऊणें रा इंतजार करदे रैहया, जेस जो परमेसरे मरिरे मन्झा ले जिउंदा कितेया, होर जो आस्सा जो आऊणें वाले न्याय रे डरा ले बचाहां।

1 थिस्सलुनकियो 4:16

क्यूंकि प्रभु यीसू आपणे आप स्वर्गा ले उतरणा; तेस टैम तेस उची अवाजा किन्हें हुक्म देणा, होर प्रधान दूता रा उची अवाज सुणाई देणी, होर परमेसरा री तुरही बजाई जाणी, होर जो मसीह मन्झ विस्वास करदे हुए मरी गईरे, तिन्हा पैहले जी उठणा।

2 तिमिथियुस 4:8

प्रभुआ मुंजो से ताज देणा जो धार्मिकता रा ताज आ। से जो धर्मा किन्हें न्याय करहा, जेस ध्याड़े तेस दबारा वापस आऊंणा मुंजो ये इनाम देणा। तेस सिर्फ मुंजो ई नी, बल्की तिन्हा सभी जो भी देणा, जो सच्चे चाहे कि से दबारा वापस आई जाये।

तितुस 2:13

आस्से एह्ड़ा ही करदे रहे जेबे कि आस्से आपणे म्हान परमेसर होर उद्धारकर्ता यीसू मसीह जो आपणी महिमा साउगी एस संसारा मन्झ वापस आऊणें री आस करदे लगिरे।

इब्रानियो 12:22

पर तुस्से सिय्योना रे प्हाड़ा पर आई गईरे जो जिउंदे परमेसरा रा स्वर्गीय यरुस्लेम सैहरा आ, होर तेथी बेहिसाब स्वर्गदूत खुसी रा साजा बणाए।

इब्रानियो 9:28

तिहां ईं मसीह भी कई लोका रे पाप माफ करणे रे कठे एक ई बारी बलिदान हुआ। पर जेबे तेस दबारा एस धरती पर आऊंणा, ता तेस पाप माफ करणे रे कठे नी, पर तिन्हा लोका जो उद्धारा करणे रे कठे आऊंणा, जो तेस जो न्हायल्दे लगिरे।

प्रकासना री गल्ला 1:7

सुणा, से बादला साउगी आऊणें वाल़ा आ। होर हर एकी माह्णुं से देखणा, बल्की जिन्हें जे से क्रूसा प्रयाल्हे भाले किन्हें कोती किन्हें मारी दितिरा था, तिन्हा भी से वापस आऊंदे हुए देखणा। होर धरती रे सारी जातिया रे लोका से देखणा, ता तिन्हा छाती पिटी-पिटी किन्हें रोणा। हां ये गल्ला पक्का हूणीं! आमीन।